ਅੱਜ ਭਾਰਤ ਦੀ ਲੋਕ ਸਭਾ ਵਿੱਚ ਦੁਰਗਾ ਦੇਵੀ ਅਤੇ ਮਹਿਖਾਸੁਰ ਨੂੰ ਲੈ ਕੇ ਕਾਫੀ ਹੱਲਾ ਗੁੱਲਾ ਮਚਿਆ ਰਿਹਾ। ਸਿਖਿਆ ਮੰਤਰੀ ਦੇ ਬਿਆਨ ਨੂੰ ਲੈ ਕੇ ਵਿਰੋਧੀ ਦਲ, ਉਸ ਨੂੰ ਮਾਫੀ ਮੰਗਣ ਲਈ ਜੋਰ ਦਿੰਦੇ ਰਹ। ਸਿਖਿਆ ਮੰਤਰੀ ਨੇ ਕੀ ਕਹਿਆ, ਅਤੇ ਮਹਿਖਾਸੁਰ ਨੂੰ ਅਪਣਾਂ ਰੱਬ ਮਨਣ ਵਾਲੇ ਵਰਗ ਨੇ ਦੁਰਗਾ ਬਾਰੇ ਕੀ ਕਹਿਆ, ਮੈ ਇਥੇ ਲਿੱਖ ਕੇ ਕਿਸੇ ਤਰਹਾਂ ਦੀ ਬਹਿਸ ਖੜੀ ਕਰਨਾ ਨਹੀਂ ਚਾਹੁੰਦਾ।

ਮੇਰਾ ਮਕਸਦ ਤਾਂ ਸਿਰਫ ਕਥਿਤ ਦਸਮ ਗ੍ੰਥ ਨਾਮ ਦੇ ਉਸ ਪੋਥੇ ਦਾ ਜ਼ਿਕਰ ਕਰਣਾ ਹੈ, ਜਿਸ ਵਿੱਚ ਮਹਿਖਾਸੁਰ ਅਤੇ ਦੁਰਗਾ ਦੇ ਯੁੱਧ ਅਤੇ ਮਹਿਖਾਸੁਰ ਦੇ ਵੱਧ ਦਾ ਵਿਸਤਾਰ ਨਾਲ ਜਿਕਰ ਮਿਲਦਾ ਹੈ। ਦਸਮ ਗ੍ੰਥੀਆਂ ਅਨੁਸਾਰ ਮਹਿਖਾਸੁਰ ਅਤੇ ਦੁਰਗਾ ਦੇਵੀ ਦੇ ਇਸ ਬਿਰਤਾਂਤ ਨੂੰ ਉਨ੍ਹਾਂ ਦੇ ਗੁਰੂ ਨੇ ਲਿਖਿਆ ਹੈ। ਇਸ ਮਿਥਿਹਾਸ ਨੂੰ ਸਿੱਖਾਂ ਨਾਲ ਜੋੜਨ ਲਈ, ਇਸ ਦੀ ਸ਼ੁਰੂਆਤ ਵਿੱਚ, "ੴ ਸ੍ਰੀ ਵਾਹਿਗੁਰੂ ਜੀ ਕੀ ਫਤਿਹ॥ ਲਿੱਖ ਦਿਤਾ ਗਿਆ ਹੈ ਲ ਇਹ ਮਿਥਿਹਾਸ ਇਸ ਪੋਥੇ ਦੇ ਪੰਨਾਂ ਨੰ.१०० ਤੋਂ ਆਰੰਭ ਹੁੰਦਾ ਹੈ १०२ ਤੇ ਇਨ੍ਹਾਂ ਸ਼ਬਦਾਂ ਨਾਲ ਸਮਾਪਤ ਹੰਦਾ ਹੈ, "ਇਤਿ ਸ੍ਰੀ ਬਚਿਤਰ੍ ਨਾਟਕੇ ਚੰਡੀ ਚਰਿਤੇ੍ ਮਹਿਖਾਸੁਰ ਬਧਹ ਪ੍ਥਮ ਧਿਆਯ ਸੰਪੂਰਨਮ ਸਤ੍ ਸੁਭਮ ਸਤ੍ ll१llਅਫਜੂll"

ਪੰਨਾਂ ਨੰ १०२ ਤੋਂ ਲੈ ਕੇ ਪੰਨਾਂ ਨੰ ११९ ਤੱਕ ਲਿਖਾਰੀ, ਦੁਰਗਾ ਦੇਵੀ ਦੇ ਹੋਰ ਦੈਂਤਾਂ ਨਾਲ ਹੋਏ ਯੁਧਾਂ ਅਤੇ ਉਸ ਵਲੋਂ ਮਾਰੇ ਗਏ ਦੈਂਤਾਂ ਅਤੇ ਦੁਰਗਾ ਦੇਵੀ ਦੇ ਪਰਾਕ੍ਮ ਦਾ ਵਖਿਆਨ ਕਰਦਾ ਹੈ।

ਚੰਡੀ ਦੀ ਉਸਤਤਿ ਅਤੇ ਪਰਾਕ੍ਮ ਦਾ ਵਖਿਆਨ ਕਰਦਾ ਕਰਦਾ ਕਵੀ ਪੰਨਾਂ ਨੰ ११९ ਤੇ ਹੀ ਦੁਰਗਾ ਦੀ ਉਸਤਤਿ ਹੇਠ ਲਿਖੇ ਸਿਰਲੇਖ ਨਾਲ ਕਰਣੀ ਸ਼ੁਰੂ ਕਰ ਦਿੰਦਾ ਹੈ,

"ੴ ਸ੍ਰੀ ਵਾਹਿਗੁਰੂ ਜੀ ਕੀ ਫਤਿਹ॥ ਸ੍ਰੀ ਭਗਉਤੀ ਜੀ ਸਹਾਇ॥ ਵਾਰ ਸ੍ਰੀ ਭਗਉਤੀ ਜੀ ਕੀ॥ ਪਾਤਸ਼ਾਹੀ १०" ਪ੍ਰਿਥਮ ਭਗਉਤੀ ਸਿਮਰਕੈ ਗੁਰੂ ਨਾਨਕ ਲਈ ਧਿਆਇ .......(ਜਿਸਨੂੰ ਸਿੱਖਾਂ ਦੀ ਰੋਜਾਨਾਂ ਪੜ੍ਹਨ ਵਾਲੀ ਅਰਦਾਸ ਵਿੱਚ ਹਮੇਸ਼ਾਂ ਲਈ ਜੋੜ ਦਿਤਾ ਗਿਆ ਹੈ॥

ਇਸ ਦੁਰਗਾ ਦੇਵੀ ਦੀ ਉਸਤਤਿ ਅਤੇ ਹਿੰਦੂ ਮਿਥਿਹਾਸ ਨੂੰ ਗੁਰੂ ਗੋਬਿੰਦ ਸਿੰਘ ਜੀ ਦਵਾਰਾ ਲਿਖਿਆ ਸਾਬਤ ਕਰਣ ਲਈ, ਗੁਰੂ ਗ੍ੰਥ ਸਾਹਿਬ ਜੀ ਦੇ ਸਿਧਾਂਤਾ ਤੋਂ ਉਲਟ ਇਸ ਰਚਨਾਂ ਉਤੇ ਵੀ "ਪਾਤਸ਼ਾਹੀ १०" ਦਾ ਠੱਪਾ ਲਾਅ ਦਿਤਾ ਗਿਆ ਹੈ॥ ਇਸ ५५ ਪਉੜੀਆਂ ਵਾਲੀ ਦੁਰਗਾ ਉਸਤਤਿ ਉਪਰ "ਪਾਤਸ਼ਾਹੀ १०" ਅਤੇ ९ ਸਿੱਖ ਗੁਰੂਆਂ ਦੇ ਨਾਮ ਬੜੀ ਬੇਅਦਬੀ ਨਾਲ ਲਿੱਖ ਕੇ ਪਹਿਲੀਆਂ २ ਪੌੜੀਆ ਵਿੱਚ ਸਿੱਖਾਂ ਨੂੰ ਇਹ ਭੁਲੇਖਾ ਪਾਇਆ ਗਿਆ ਹੈ ਕਿ ਇਹ ਰਚਨਾਂ ਸਿੱਖਾਂ ਨਾਲ ਸੰਬੰਧਿਤ ਹੈ, ਅਤੇ ਅਕਾਲ ਪੁਰਖ ਦੀ ਉਸਤਤਿ ਹੈ। ਲੇਕਿਨ ਬਾਕੀ ਦੀਆਂ ਸਾਰੀਆਂ ਪੌੜੀਆਂ ਵਿੱਚ ਦੁਰਗਾ ਉਸਤਤਿ ਅਤੇ ਦੁਰਗਾ ਪਾਠ ਕਰਣ ਦਾ ਦਾਅਵਾ ਕਵੀ ਆਪ ਕਰਦਾ ਹੈ, ਤੇ ਇਕ ਇਕ ਪੰਗਤੀ ਵਿੱਚ ਦੋ ਦੋ ਵਾਰ ਦੁਰਗਾ ਦੇਵੀ ਦਾ ਨਾਮ ਲਿਖਦਾ ਹੈ। ਅਖੀਰਲੀ ५५ ਪਉੜੀ ਵਿੱਚ ਲਿਖਾਰੀ ਇਹ ਲਿੱਖ ਕੇ ਇਸ ਗੱਲ ਦੀ ਪੌੜਤਾ ਕਰ ਦੇਂਦਾ ਹੈ ਕਿ ਮੈਂ ਕਿਸੇ ਕਿਰ੍ਪਾਨ ਜਾਂ ਅਕਾਲ ਪੁਰਖ ਦੀ ਉਸਤਤਿ ਦਾ ਪਾਠ ਨਹੀਂ ਬਲਕਿ ਦੁਰਗਾ ਦੇਵੀ ਦਾ ਪਾਠ ਲਿਖਿਆ ਹੈ॥ "ਦੁਰਗਾ ਪਾਠ ਬਣਾਇਆ ਸਭੈ ਪਉੜੀਆਂ॥ ਫੇਰ ਨ ਜੂਨੀ ਆਇਆ ਜਿਨ ਇਹ ਗਾਇਆ ॥५५॥"

ਇਸ ਰਚਨਾਂ ਵਿੱਚ ਆਈ ਭਗਉਤੀ ਨੂੰ ਕ੍ਰਿਪਾਨ ਜਾਂ ਅਕਾਲ ਪੁਰਖ ਕਹਿਣ ਵਾਲੇ ਵੀਰੋ, ਮੈਨੂੰ ਪਤਾ ਹੈ ਤੁਸੀਂ ਇਹ ਪੋਥੀ ਕਦੀ ਵੀ ਆਪ ਖੋਲ ਕੇ ਨਹੀਂ ਵੇਖਣੀ, ਤੁਸਾਂ ਸਿੱਖ ਵਿਰੋਧੀਆਂ ਦੀ ਸਾਜਿਸ਼ ਨੂੰ ਇੱਨੀ ਛੇਤੀ ਨਹੀਂ ਸਮਝ ਸਕਨਾ, ਇਸੇ ਲਈ ਇਸ ਰਚਨਾਂ ਦੇ ਕੁੱਝ ਕੁ ਪੰਨੇ ਇਸ ਲੇਖ ਨਾਲ ਪਾ ਰਿਹਾਂ ਕਿ ਆਪਣੀ ਸ਼ੰਕਾ ਆਪ ਦੂਰ ਕਰ ਸਕੋ, ਇਸ ਨੂੰ ਪੜ੍ਹ ਕੇ, ਜੇ ਫਿਰ ਵੀ ਇਸ ਰਚਨਾ ਵਾਲੀ "ਭਗਉਤੀ" ਤੁਹਾਨੂੰ ਅਪਣੀ ਕ੍ਰਿਪਾਨ ਜਾਂ ਅਕਾਲ ਪੁਰਖ ਲੱਗੇ ਤਾਂ ਬੇਸ਼ਕ ਇਸ ਅਗੇ ਅਰਦਾਸ ਕਰੀ ਜਾਉ, ਲੇਕਿਨ ਜੇ ਇਨ੍ਹਾਂ ५५ ਪਉੜੀਆਂ ਵਿੱਚ ਜੇ ਤੁਹਾਨੂੰ ३३ ਵਾਰ ਦੁਰਗਾ ਦਾ ਨਾਂ ਲਿਖਿਆ ਨਜਰ ਆ ਜਾਵੇ, ਤਾਂ ਰੱਬ ਦਾ ਵਾਸਤਾ ਜੇ, ਮੇਰੇ ਸਰਬੰਸ ਦਾਨੀ ਗੁਰੂ ਨੂੰ, ਇਸ ਰਚਨਾ ਦਾ ਲਿਖਣ ਵਾਲਾ ਕਹਿ ਕੇ ਅਕਾਲ ਪੁਰਖ ਦੇ ਪੁਜਾਰੀ ਗੁਰੂ ਨੂੰ ਦੇਵੀ ਪੂਜਕ ਕਹਿ ਕੇ ਉਸ ਦੀ ਮਹਾਨਤਾ ਨੂੰ ਖੋਰਾ ਨਾਂ ਲਾਉ।