ਭਾਈ ਸਰਬਜੀਤ ਸਿੰਘ ਧੂੰਦਾ ਦੇ ਪਿਤਾ ਸ. ਤੇਗ ਸਿੰਘ ਦੇ ਦੁਨੀਆ
ਤੋਂ ਰੁਖ਼ਸਤ ਹੋਣ 'ਤੇ ਪ੍ਰੋ. ਦਰਸ਼ਨ ਸਿੰਘ ਖ਼ਾਲਸਾ, ਸ. ਪ੍ਰਭਦੀਪ ਸਿੰਘ, ਗਿਆਨੀ ਰਣਜੋਧ
ਸਿੰਘ, ਉਨ੍ਹਾਂ ਨਾਲ ਦੁੱਖ ਸਾਂਝਾ ਕਰਣ ਪਹੁੰਚੇ। ਉਨ੍ਹਾਂ ਨਾਲ ਆਦਮਪੁਰ ਤੋਂ ਸ. ਕੁਲਦੀਪ
ਸਿੰਘ ਅਤੇ ਕਈ ਹੋਰ ਜਾਗਰੂਕ ਸਿੰਘ ਵੀ ਨਾਲ ਸਨ।
ਇਸ ਮੌਕੇ ਪ੍ਰੋ. ਧੂੰਦਾ ਦੇ ਪਿਤਾ ਬਾਰੇ ਗਲਬਾਤ ਦੇ ਨਾਲ ਨਾਲ ਪੰਥਕ ਮਸਲਿਆਂ ਜਿਸ ਵਿੱਚ
ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ ਦਾ ਮਸਲਾ, ਸਰਬੱਤ ਖਾਲਸਾ ਅਤੇ ਕਈ ਹੋਰ ਵਿਸ਼ਿਆਂ
ਬਾਰੇ ਵੀਚਾਰ ਵਟਾਂਦਰਾ ਹੋਇਆ। ਇਨ੍ਹਾਂ ਸਾਰੇ ਜਾਗਰੂਕ ਪ੍ਰਚਾਰਕਾਂ ਨੂੰ ਇੱਕਠਾ ਦੇਖਕੇ ਮਨ
ਬਹੁਤ ਖੁਸ਼ ਹੋਇਆ।
ਭਾਈ ਸਰਬਜੀਤ ਸਿੰਘ ਧੂੰਦਾ ਜੀ ਦੇ ਪਿਤਾ ਜੀ ਦੀ ਕਲ ਅੰਤਿਮ ਅਰਦਾਸ ਹੋਵੇਗੀ ।
ਆਸ ਕਰਦੇ ਹਾਂ ਕਿ ਇਸੇ ਤਰ੍ਹਾਂ ਇਹ ਸਾਰੇ ਇੱਕਠਾ ਹੋਕੇ, ਮਨਮਤਿ ਦੀਆਂ
ਧੱਜੀਆਂ ਉੜਾਉਂਦੇ ਹੋਇ, ਗਿਆਨ ਦੀ ਆਂਧੀ ਹੋਰ ਤੇਜ਼ ਕਰ ਦੇਣਗੇ।
ਭਾਈ ਧੂੰਦਾ ਨੂੰ ਮਿਲਣ ਤੋਂ ਬਾਅਦ ਸਾਰੇ ਸਿੰਘ, ਸ. ਪ੍ਰਭਦੀਪ
ਸਿੰਘ ਜੀ ਦੇ ਗ੍ਰਹਿ ਵਿਖੇ ਪਹੁੰਚੇ ਜਿੱਥੇ ਹੋਰ ਵੀਚਾਰਾਂ ਹੋਈਆਂ, ਜਿਸ ਵਿੱਚ ਲੁਧਿਆਣੇ
ਤੋਂ ਆਏ ਸ. ਹਰਮਿੰਦਰ ਸਿੰਘ, ਸ. ਗੁਰਸੇਵਕ ਸਿੰਘ ਮਦਰਸਾ, ਸ. ਜਗਜੀਤ ਸਿੰਘ, ਸ. ਗੁਰਮੀਤ
ਸਿੰਘ ਕਪੂਰਥਲਾ, ਸ. ਕੁਲਵੰਤ ਸਿੰਘ, ਸ. ਜੋਗਿੰਦਰ ਸਿੰਘ, ਸ. ਕੁਲਦੀਪ ਸਿੰਘ, ਸ. ਜਗਜੀਤ
ਸਿੰਘ ਦੋਦੇ ਅਤੇ ਹੋਰ ਸਿੰਘ ਮੌਜੂਦ ਸਨ।