ਭਾਈ ਰਾਮ ਸਿੰਘ ਨੂੰ ਗੁਰਮੁੱਖ ਸੱਜਣ ਸਮਝਕੇ ਸਤਿਕਾਰਦਾ ਸਾਂ। ਖਾਸ
ਕਰ ਦਮਦਮੀ ਟਕਸਾਲ ਦੇ ਬਾਬਾ ਠਾਕੁਰ ਸਿੰਘ ਵੱਲੋਂ ਅਤੇ ਸ਼੍ਰੋਮਣੀ ਕਮੇਟੀ ਵੱਲੋਂ ਪਹਿਲਾਂ
ਇਨ੍ਹਾਂ ਨੂੰ ਟਕਸਾਲ ਦੀ ਦਸਤਾਰ ਦੇਣੀ ਅਤੇ ਮੁੜ ਧੁੰਮੇ ਧੜੇ ਦੇ ਜ਼ੋਰ ਪੈਣ 'ਤੇ ਬਾਬਾ
ਠਾਕੁਰ ਸਿੰਘ ਅਤੇ ਸ਼੍ਰੋਮਣੀ ਕਮੇਟੀ ਦਾ ਮੂੰਹ ਫੇਰ ਜਾਣਾ ਅਤੇ ਇਨ੍ਹਾਂ ਨੂੰ ਮਹਿਤੇ ਤੋਂ
ਕਿਨਾਰਾ ਕਰਕੇ ਆਪਣਾ ਟਕਸਾਲੀ ਡੇਰਾ ਵਖਰਾ ਬਣਾ ਲੈਣਾ। ਹਾਲਾਂਕਿ ਟਕਸਾਲ ਵਿੱਚ ਪਈ ਇੱਹ ਕਿ
ਦੁਬਿਧਾ, ਜੋ ਅੱਜ ਤੱਕ ਨਹੀਂ ਮਿੱਟ ਸਕੀ, ਅਤੇ ਮੈਂਨੂੰ ਇਨ੍ਹਾਂ ਨਾਲ ਹੋਈ ਇਸ ਬੇਇੰਸਾਫੀ
ਕਾਰਣ ਹਮਦਰਦੀ ਸੀ।
ਪਰ ਅੱਜ ਇਨ੍ਹਾਂ ਵਲੋਂ ਦਿੱਤੇ ਬਿਆਨ ਨੂੰ ਪੜ੍ਹਕੇ ਮੈਂਨੂੰ ਦਿਸਿਆਂ ਜਿਵੇਂ ਗੁਰਬਚਨ ਸਿੰਘ
ਦੀ ਗੁਰਬਾਣੀ ਪਾਠ ਦਰਸ਼ਨ ਦਾ ਬ੍ਰਾਹਮਣਵਾਦ ਡੇਰਿਆਂ ਸਾਧਾਂ ਦੇ ਕਰਮ ਕਾਂਡ ਦੇ ਧਰੂਪ ਸ੍ਰੀ
ਗੁਰੂ ਗ੍ਰੰਥ ਸਾਹਿਬ ਦੇ ਸੱਚ ਨਾਲੋਂ ਟੁੱਟ ਕੇ, ਆਪਣੇ ਦਸਮ
ਗ੍ਰੰਥੀ ਧੜਿਆਂ ਦੇ ਹਮਾਮ 'ਚ ਇਹ ਸਾਰੇ ਹੀ ਨੰਗੇ ਹਨ।
ਮੈਂਨੂੰ ਸਿੱਖ ਰਹਿਤ ਮਰਿਆਦਾ ਦਾ ਪਾਠ
ਪੜਾਉਣ ਵਾਲੇ ਇਸ ਵੀਰ ਕੋਲੋਂ ਮੈਂ ਪੁੱਛਦਾ ਹਾਂ ਕਿ ਜਦੋਂ ਤੁਹਾਨੂੰ ਮੇਰੀ ਸੇਵਾ
ਕਾਲ ਦਰਮਿਆਨ ਦਰਬਾਰ ਸਾਹਿਬ ਦਾ ਗ੍ਰੰਥੀ ਰੱਖਿਆ ਗਿਆ ਸੀ, ਤੁਹਾਨੂੰ ਸ਼੍ਰੋਮਣੀ ਕਮੇਟੀ ਵੱਲੋਂ
ਦਰਬਾਰ ਸਾਹਿਬ ਦੀ ਮਰਿਆਦਾ ਅਨੁਸਾਰ:
- ਗੁਰੂ ਦੀ ਹਜ਼ੂਰੀ ਵਿੱਚ ਨੋਕ ਵਾਲੀ ਪੱਗ ਬੰਨ ਕੇ,
- ਪਜਾਮਾ ਪਾ ਕੇ ਬੈਠਣ, ਅਤੇ
- ਦਰਬਾਰ ਸਾਹਿਬ ਦੀ ਮਰਿਆਦਾ ਅਨੁਸਾਰ ਛੋਟੀ ਰਹਿਰਾਸ ਕਰਣ ਦੀ ਹਿਦਾਇਤ ਕੀਤੀ ਗਈ ਅਤੇ
ਇਹ ਭੀ ਆਖਿਆ ਗਿਆ ਕਿ ਇਸ ਅਸਥਾਨ 'ਤੇ ਗਿਆਨੀ ਕਿਰਪਾਲ ਸਿੰਘ ਜੀ ਭੀ ਟਕਸਾਲੀ
ਵਿਦਿਆਰਥੀ ਹੁੰਦਿਆਂ ਹੋਇਆਂ, ਇਥੋਂ ਦੀ ਮਰਿਆਦਾ ਵਿੱਚ ਹੀ ਰਹੇ ਹਨ,
ਪਰ ਤੁਸਾਂ ਦਰਬਾਰ ਸਾਹਿਬ ਦੀ ਮਰਿਆਦਾ
ਮੰਨਣ ਤੋਂ ਇਨਕਾਰ ਕਰ ਦਿੱਤਾ, ਅਤੇ ਰਹਿਰਾਸ ਦੀ ਡਿਊਟੀ ਤੋਂ ਹੀ ਜਵਾਬ ਦੇ ਦਿੱਤਾ, ਆਖਿਰ
ਤੁਹਾਨੂੰ ਦਰਬਾਰ ਸਾਹਿਬ ਦੀ ਸੇਵਾ ਛੱਡਣੀ ਪਈ।
ਪਰ ਅੱਜ ਜਦੋਂ "ਸਤਿਗੁਰੂ ਬਿਨਾ ਹੋਰ ਕਚੀ ਹੈ ਬਾਣੀ
॥" ਰਾਹੀਂ ਸਿੱਖੀ ਨੂੰ ਗੁੰਮਰਾਹ ਕਰਕੇ ਲਗਾਤਾਰ ਸਿੱਖੀ ਨੂੰ
ਬੇਮੁਖਤਾ ਦੇ ਰਾਹ ਤੋਰਿਆ ਜਾ ਰਿਹਾ ਹੈ ਅਤੇ ਅਸੀਂ ਗੁਰੂ ਹੁਕਮ "ਗਾਵਹੁ ਸਚੀ ਬਾਣੀ" ਨਾਲ
ਜੁੜਨ ਲਈ ਸੰਗਤਾਂ ਨੂ ਪ੍ਰੇਰ ਰਹੇ ਹਾਂ, ਤਾਂ ਤੁਹਾਨੂੰ ਰਹਿਤ ਮਰਿਆਦਾ ਦਾ ਸਬਕ ਦੇਣਾ ਯਾਦ
ਆਇਆ ਹੈ ?
ਵੀਰਜੀ, ਪਹਿਲਾਂ ਆਪਣੇ ਡੇਰੇ ਅਤੇ ਆਪਣੀ
ਮਰਿਆਦਾ, ਦਰਬਾਰ ਸਾਹਿਬ ਨਾਲ ਇੱਕ ਮਿੱਕ ਕਰ ਲਉ, ਫਿਰ ਇਹ ਸਬਕ ਸਾਨੂੰ ਪੜਾਇਓ।
ਬਾਕੀ ਫਿਰ।