(ਹਰਜਿੰਦਰ ਸਿੰਘ ਸਭਰਾ): ਪਿੰਡ ਸਭਰਾ
ਜ਼ਿਲ੍ਹਾ ਤਰਨ ਤਾਰਨ ਵਿਖੇ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਬਰਾਬਰ ਬਚਿਤ੍ਰ ਨਾਟਕ ਗ੍ਰੰਥ ਦੇ
ਪ੍ਰਕਾਸ਼ ਨੂੰ ਲੈ ਕੇ ਅਜੇ ਵੀ ਸਥਿਤੀ ਤਣਾਅਪੂਰਨ ਹੈ, ਜਿਸ ਦੇ ਚਲਦਿਆਂ ਪ੍ਰਸ਼ਾਸ਼ਨ ਨੇ ਅੱਜ
ਸ਼ਾਮ ਤੋਂ ਭਾਰੀ ਗਿਣਤੀ ਵਿਚ ਪਿੰਡ ਵਿਚ ਪੁਲੀਸ ਕਰਮਚਾਰੀ ਤਾਇਨਾਤ ਕੀਤੇ ਹਨ।
ਉਧਰੋਂ ਗੁਰੂ ਗ੍ਰੰਥ ਸਾਹਿਬ ਦੇ ਸਤਿਕਾਰ 'ਚ ਡਟੇ ਲੋਕਾਂ ਖਾਸ
ਕਰਕੇ ਪਿੰਡ ਦੇ ਮੋਹਤਬਰ ਅਤੇ ਸੰਗਤ ਦੇ ਮੁਖੀਆਂ ਤੇ ਪ੍ਰਸ਼ਾਸ਼ਨ ਵਲੋਂ ਪਰਚੇ ਦਰਜ਼ ਕਰਨ ਦੀਆਂ
ਧਮਕੀਆਂ ਦਿਤੀਆਂ ਜਾ ਰਹੀਆਂ ਹਨ, ਜਿਸ ਦੇ ਚਲਦਿਆਂ ਪੁਲਿਸ ਨੇ ਕਈ ਸਿਖਾਂ ਦੇ ਨਾਂ ਲਿਖਤੀ
ਰੂਪ 'ਚ ਇਕੱਤਰ ਕਰਨੇ ਸ਼ੁਰੂ ਕਰ ਦਿਤੇ ਹਨ।
ਇਵੇਂ ਲੱਗ ਰਿਹਾ
ਹੈ ਜਿਵੇਂ ਕਾਬਜ ਧਿਰ ਜੋ ਸੁਰਸਿੰਘ ਵਾਲੀ ਨਿਹੰਗ ਸੰਪਰਦਾ ਹੈ, ਆਪਣੀ ਪਹੁੰਚ ਅਤੇ
ਤਾਕਤ ਵਰਤ ਕੇ, ਗੁਰੂ ਗ੍ਰੰਥ ਸਾਹਿਬ ਦੇ ਸਤਿਕਾਰ ਅਤੇ ਅਕਾਲ ਤਖਤ ਸਾਹਿਬ ਦੇ ਆਦੇਸ਼ 'ਤੇ
ਪਹਿਰਾ ਦੇਣ ਵਾਲੇ ਲੋਕਾਂ 'ਤੇ ਸਖਤੀਆਂ ਕਰਵਾਉਣ ਲਈ ਪੂਰਾ ਤਾਣ ਲਾ ਰਹੀ ਹੈ।
ਟਿੱਪਣੀ: ਪਾਠਕਾਂ ਦੀ ਜਾਣਕਾਰੀ
ਲਈ ਦੱਸ ਦੇਣਾ ਜ਼ਰੂਰੀ ਹੈ ਕਿ ਸੁਰਸਿੰਘ ਵਾਲੀ ਨਿਹੰਗ ਸੰਪਰਦਾ
ਦਾ ਮੌਜੂਦਾ ਮੁੱਖੀ ਪਖੰਡੀ ਸਾਧ ਅਵਤਾਰ ਸਿੰਘ ਬਿਧੀ ਚੰਦੀਆ ਹੈ, ਜਿਹੜਾ ਪਿੱਛੇ
ਜਿਹੇ ਇੰਗਲੈਂਡ ਹੋ ਕੇ ਆਇਆ ਹੈ, ਤੇ ਅਖੌਤੀ ਦਸਮ ਗ੍ਰੰਥ ਦਾ ਉਪਾਸ਼ਕ ਹੈ। ਇਹ ਆਰ.ਐਸ.ਐਸ.
ਦੇ ਪ੍ਰਭਾਵ ਹੇਠ, ਸਿੱਖਾਂ 'ਚ ਖਾਨਜੰਗੀ ਕਰਵਾਉਣਾ ਚਾਹੁੰਦਾ ਹੈ। ਪੰਜਾਬ ਦੇ ਸਾਰੇ ਪਿੰਡਾਂ
ਨੂੰ, ਪਿੰਡ ਸਭਰਾ ਦੀ ਤਰ੍ਹਾਂ ਹੀ ਦ੍ਰਿੜਤਾ ਨਾਲ ਪਹਿਰਾ ਦੇਣਾ ਪਵੇਗਾ, ਨਹੀਂ ਤਾਂ ਇਨ੍ਹਾਂ
ਧੂਤਿਆਂ ਨੇ, ਗੁਰੂ ਗ੍ਰੰਥ ਸਾਹਿਬ ਦੇ ਬਰਾਬਰ ਅਖੌਤੀ ਦਸਮ ਗ੍ਰੰਥ ਦਾ ਹਨੇਰਾ ਕਰਵਾਕੇ ਹੀ
ਸਾਹ ਲੈਣਾ ਹੈ।
- ਸੰਪਾਦਕ ਖ਼ਾਲਸਾ ਨਿਊਜ਼