ਲਉ
ਜੀ ਹੁਣ ! ਸਤਿੰਦਰ ਸਰਤਾਜ ਨੇ ਵੀ "ਜਾਪੁ ਸਾਹਿਬ " ਦੀ ਨਕਲ ਕਰਕੇ ਉਸਦੀਆਂ ਖੱਖੜੀਆਂ
ਖੱਖੜੀਆਂ ਉਡਾ ਦਿਤੀਆਂ, ਪਾ ਤਾ ਖਿਲਾਰਾ " ਜਾਪ ਸਹਿਬ " ਦਾ, ਸ਼ਾਇਦ ਇਸ ਕਲਾਕਾਰ
ਨੂੰ ਵੀ ਸਚਾਈ ਦੀ ਸਮਝ ਆ ਗਈ ਹੋਵੇ ।
ਕੁਝ ਵੱਰ੍ਹੇ ਪਹਿਲਾ ਕੈਨੇਡਾ ਨਿਵਾਸੀ ਸਰਦਾਰ
ਗੁਰਚਰਣ ਸਿੰਘ ਜਿਊਣਵਾਲੇ ਨੇ ਵੀ "ਜਾਪੁ ਸਾਹਿਬ " ਦੀ ਤਰਜ 'ਤੇ ਇਕ ਕਵਿਤਾ ਲਿਖੀ ਸੀ, ਉਸ
ਵਖਤ ਕੌਮ ਦੀਆਂ ਭਾਵਨਾਵਾਂ ਨੂੰ ਬੜੀ ਸਟ ਵੱਜੀ ਸੀ ।
ਬੜਾ ਰੌਲਾ ਰੱਪਾ ਪਿਆ, ਅਖਬਾਰਾਂ
ਵਿਚ ਬਿਆਨ ਲੱਗੇ । ਦਸਮ ਗ੍ਰੰਥ ਦੇ ਪੁਜਾਰੀ ਗਲ੍ਹੀਆਂ ਮੁਹੱਲਿਆਂ ਵਿਚ ਲਲਕਾਰੇ ਮਾਰਦੇ
ਫਿਰਦੇ ਸੀ । ਜਿਊਣਵਾਲੇ ਨੂੰ ਜਿੰਦਾ
ਜ਼ਮੀਨ ਵਿਚ ਗੱਡ ਦਿਆਂਗੇ, ਮਾਰ ਦਿਆਂਗੇ, ਚਕ ਦਿਆਂਗੇ,
ਆਹ ਕਰ ਦਿਆਂਗੇ, ਉਹ ਕਰ ਦਿਆਂਗੇ, ਪਰ ਹੋਇਆ ਕੁਝ ਵੀ ਨਹੀਂ ।
ਗੁਰੂ ਗ੍ਰੰਥ ਸਾਹਿਬ ਨੂੰ
ਸਮਰਪਤ ਸਿੱਖਾਂ ਦਾ ਕੋਈ ਕੁਝ ਨਹੀਂ ਵਿਗਾੜ ਸਕਦਾ । ਗੁਰੂ ਸਾਹਿਬ ਆਪਣੇ ਗੁਰਸਿੱਖਾਂ ਦੀ
ਆਪ ਬਹੁੜੀ ਕਰਦੇ ਹਨ।
ਹੁਣ ਕੁਝ ਸਵਾਲ ਜਰੂਰ ਸਾਹਮਣੇ ਆ ਰਹੇ ਹਨ ...
੧. ਕੀ ਹੁਣ ਸਤਿੰਦਰ ਸਰਤਾਜ ਦੀ
ਕੀਤੀ ਨਕਲ ਨਾਲ ਵੀ ਕੌਮ ਦੀਆਂ ਭਾਵਨਾਵਾਂ ਭੜਕਣਗੀਆਂ ?
੨. ਕੀ ਹੁਣ ਸਤਿੰਦਰ ਸਰਤਾਜ ਨੂੰ ਵੀ ਖਾਲਸਈ ਰਵਾਇਤਾਂ
ਅਨੂੰਸਾਰ ਸਜ਼ਾ ਦਿਤੀ ਜਾਵੇਗੀ ?
ਬੜੀ ਹੈਰਾਨੀ ਦੀ
ਗਲ ਹੈ ਜਿਹੜੇ ਸਿੱਖ, ਸਰਦਾਰ ਗੁਰਚਰਣ ਸਿੰਘ ਦੀ ਲਿਖੀ ਕਵਿਤਾ ਨੂੰ ਲੈਕੇ ਅਜ ਤਕ
ਉਸਦਾ ਵਿਰੋਧ ਕਰਦੇ ਆ ਰਹੇ ਹਨ, ਅਜ ਉਹ ਲੋਕ ਹੀ ਸਤਿੰਦਰ
ਸਰਤਾਜ ਦੀ " ਜਾਪ ਸਾਹਿਬ " ਦੀ ਨਕਲ ਵਾਲੀ ਵੀਡਿਉ ਆਪਣੀ ਫੇਸਬੁਕ ਉਪਰ ਸ਼ੇਅਰ ਕਰ ਰਹੇ ਹਨ
।
ਮੈਂ ਬੈਠਾ ਸੋਚ ਰਿਹਾ ਸੀ ਕਿ ਸਾਡੇ ਸਿੱਖਾਂ ਦੀਆਂ ਭਾਵਨਾਵਾਂ ਕਿਸ
ਤਰਾਂ ਦੀਆ ਹਨ ਇਹ ਵੀ ਬੰਦਾ - ਕੁਬੰਦਾ ਵੇਖ ਕੇ ਹੀ ਭੜਕੀਆਂ ਹਨ, ਗੁਰਮਤ ਸਿਧਾਂਤ ਵੇਖ ਕੇ
ਨਹੀਂ ? ਕਮਲੇ ਲੋਕ ਸਤਿੰਦਰ
ਵੱਲੋਂ ਕੀਤੀ ਨਕਲ ਨੂੰ ਵੀ ਜਾਪ
ਸਾਹਿਬ ਦੀ ਅਨੋਖੀ ਵਿਆਖਿਆ ਦਸ ਰਹੇ ਹਨ ।
ਹੇਠਾਂ ਸਰਦਾਰ ਗੁਰਚਰਣ ਸਿੰਘ ਵੱਲੋਂ ਲਿਖੀ ਕਵਿਤਾ ਦੀਆਂ ਕੁੱਝ ਸਤਰਾਂ
ਹਨ ...