ਪਿਛਲੇ ਭਾਗ ਵੀ ਜ਼ਰੂਰ ਪੜ੍ਹੋ :
{ਭਾਗ-1}
;
{ਭਾਗ-2} ;
{ਭਾਗ-3};
{ਭਾਗ-4};
ਗੁਰੂ
ਸਾਹਿਬ ਦਾ ਪਾਵਨ ਹੁਕਮ ਹੈ “ਜੀਅ ਕੀ ਬਿਰਥਾ ਹੋਇ ਸੁ ਗੁਰ ਪਹਿ
ਅਰਦਾਸਿ ਕਰਿ” (ਜੇ ਅਗਰ ਮਨ ਦੀ ਕੋਈ ਪੀੜ ਹੋਏ ਤਾਂ ਇਕ ਸਿੱਖ ਨੂੰ ਗੁਰੂ (ਗੁਰੂ
ਗ੍ਰੰਥ ਸਾਹਿਬ ਜੀ) ਅੱਗੇ ਅਰਦਾਸ ਕਰਨੀ ਚਾਹੀਦੀ ਹੈ), ਪਰ ਇਹ ਅਨਾਮ ਲਿਖਾਰੀ ਜੀਵੇਂ ਗੁਰੂ
ਅਰਜਨ ਸਾਹਿਬ ਜੀ ਦੇ ਇਹਨਾਂ ਪਾਵਨ ਬਚਨਾਂ ਤੋਂ ਅਣਜਾਨ ਜਾਪਦਾ ਹੈ।
ਲਿਖਾਰੀ ਇਸੇ ਪਾਠ ਦੀ ਤੀਜੀ ਪਉੜੀ ਵਿਚ,
ਪਾਠ ਦੀ ਨਾਈਕਾ “ਦੁਰਗਾ” ਦੇ ਅੱਗੇ ਡਰੇ ਅਤੇ ਸਹਮੇ ਇੰਦਰ ਨੂੰ ਖੜਾ ਕਰ ਦਿੰਦਾ ਹੈ, ਅਤੇ
ਅੱਗੇ ਇਉਂ ਲਿਖਦਾ ਹੈ, ਕਿ ਇੰਦਰ ਨੂੰ ਸੁਰਪੁਰੀ ਤੋਂ ਦੈਂਤਾਂ ਵਲੋਂ ਕੱਢ ਦਿਤਾ
ਗਯਾ ਅਤੇ ਹੁਣ ਨ੍ਹਾਣ ਆਈ ਦੁਰਗਾ ਅੱਗੇ ਇੰਦਰ ਅਪਣੀ ਪੀੜਾ(ਬਿਰਥਾ) ਸੁਨਾਉਂਦਾ ਹੈ, ਕਿ “ਮੇਰਾ
ਰਾਜ ਮਹਿਖਾਸੁਰ ਨੇ ਖੋਹ ਲਿਆ ਅਤੇ ਉਸਨੂੰ ਕੋਈ ਜਿਤ ਨੀ ਸਕਦਾ, ਇਸ ਲਈ ਮੈਂ ਤੇਰੀ ਸ਼ਰਣ
ਵਿਚ ਹਾਂ, ਅੱਗੋਂ ਦੁਰਗਾ ਇੰਦਰ ਦੀ ਪੀੜਾ ਸੁਣ ਕੇ ਹਿੜਹਿੜਾ ਕੇ ਹੱਸੀ ਅਤੇ ਦੈਂਤਾਂ ਨੂੰ
ਮਾਰਨ ਨਈ ਅਪਨਾ ਸਿੰਘ (ਸ਼ੇਰ) ਬੁਲਾ ਲਿਆ ।”
ਵਾਕਈ ਬਚਿਤੱਰ ਗੱਲ ਹੈ ਕਿ ਪਹਿਲਾਂ ਹੀ ਅਪਣਾ ਸਭ ਕੁੱਝ ਗਵਾ
ਬੈਠੇ ਰਾਜੇ ਇੰਦਰ ਨੇ ਮੰਗਤਾ ਬਨ ਕੇ ਜੇ ਅਗਰ ਇਕ ਬੀਬੀ ਕੋਲੋਂ ਰਹਿਮ ਦੀ ਆਸ ਲਾਈ ਵੀ ਤਾਂ
ਅੱਗੋ ਇਸ ਤਰਸਯੋਗ ਬੰਦੇ ਦੀ ਪੀੜਾ ਸੁਣ ਕੇ ਦੇਵੀ ਖਿੜਖਿੜਾ ਕੇ ਹੱਸ ਪਏ, ਤਾਂ ਕੀ ਇਹ ਉਸ
ਬੰਦੇ ਦੀ ਮਾੜੀ ਹਾਲਤ ਦਾ ਮਜ਼ਾਕ ਉਡਾਣਾ ਨਹੀਂ ?
ਹੋ ਸਕਦਾ ਲਿਖਾਰੀ ਸ਼ਬਦਾਂ ਦੀ ਚੋਣ ਕਰਨ ਵਿਚ ਗਲਤੀ ਕਰ ਬੈਠਾ ਹੋਇ, ਪਰ ਅੱਗੇ ਦੇਖੋ ਇਸ
ਪਾਠ ਦੀ ਨਾਈਕਾ ਨੇ, ਗੈਬੀ ਸ਼ਕਤਿਆਂ ਦੀ ਮਾਲਕਣ ਹੋਣ ਦੇ ਬਾਵਜੂਦ, ਦੈਂਤਾਂ ਨੂੰ ਮਾਰਨ ਲਈ
ਸਭ ਤੋਂ ਪਹਿਲਾਂ ਸ਼ੇਰ ਮੰਗਵਾਇਆ, ਇੱਥੇ ਹੀ ਬਸ ਨਹੀਂ ਅੱਗੇ 41ਵੀਂ ਪਉੜੀ ਵਿਚ ਜਦੋਂ ਭਗਉਤੀ
ਇੱਕਲੀ ਦੈਂਤਾਂ ਨੂੰ ਖਤਮ ਨਾ ਕਰ ਸਕੀ, ਤਾਂ ਉਹ ਕਾਲੀ ਦਾ ਸਿਮਰਨ ਕਰਨ ਲਗ ਪਈ ਅਤੇ ਕਾਲੀ
ਉਸੇ ਵੱਕਤ, ਦੁਰਗਾ ਦੇ ਮੱਥੇ ਤੋਂ ਜਨਮ ਲੈ ਕੇ ਦੈਂਤਾਂ ਨਾਲ ਲੜਨ ਲਗੀ ?
ਸਵਾਲ ਉਠਦੇ ਹਨ, ਕਿ ਅਨਾਮ ਲਿਖਾਰੀ ਦੁਰਗਾ ਦੇ ਪਾਠ ਤੋਂ ਕੀ
ਸਿਖਿਆ ਦੇਣਾ ਚਾਹੁੰਦਾ ਹੈ :
1. ਕੀ ਇਸ ਪਾਠ ਦੀ ਨਾਈਕਾ
“ਦੁਰਗਾ” ਆਪ ਇਸ ਲਾਇਕ ਨਹੀਂ ਕਿ ਉਸਨੂੰ ਦੈਂਤਾਂ ਨਾਲ ਲੜਨ ਖਾਤਿਰ ਕਾਲੀ ਨੂੰ ਸਿਮਰਨਾ
ਪਏ ?
2. ਜੇ ਭਗਉਤੀ ਰੂਪ ਦੁਰਗਾ ਕਿਸੇ ਹੋਰ ਦਾ ਸਿਮਰਨ ਕਰਦੀ
ਹੈ, ਤਾਂ ਇਕ ਸਿੱਖ ਕਿਉਂ ਬੋਲੇ “ਪ੍ਰਿਥਮ ਭਗਉਤੀ ਸਿਮਰ ਕੇ” ?
3. ਜੀਵਾਂ ਦੇ ਜਨਮ ਬਾਬਤ 4 ਹੀ ਤਰੀਕੇ ਹੀ ਗੁਰਬਾਣੀ ਵਿਚ
ਪੜਨ ਨੂੰ ਮਿਲਦੇ ਹਨ, ਅੰਡੇ ਤੋਂ, ਜੇਰਜ ਤੋਂ, ਉਤਭੁਜ ਤੋਂ ਅਤੇ ਸੇਤਜ ਤੋਂ, ਪਰ ਮੱਥੇ
ਵਿਚੋਂ ਪੈਦਾ ਹੋਈ ਇਸ ਦੇਵੀ ਦੀ ਕਹਾਣੀ ਰੱਬੀ ਹੁਕਮ ਤੋਂ ਬਾਹਰ ਹੈ ਅਤੇ ਗੁਰਮਤਿ ਤੋਂ
ਵੀ। ਕੀ ਅਨਾਮ ਲਿਖਾਰੀ ਗੁਰਮਤਿ ਦੇ ਇਸ ਪਾਵਨ ਸਿਧਾਂਤ “ਹੁਕਮੈ ਅੰਦਰਿ ਸਭੁ ਕੋ,
ਬਾਹਰਿ ਹੁਕਮ ਨ ਕੋਇ” ਨੂੰ ਨਹੀਂ ਮੰਨਦਾ?
4. ਇਸ ਪਾਠ ਨੂੰ ਪੜਨ ਤੋਂ ਬਾਅਦ ਇਕ ਸਿੱਖ, “ਜੀਅ ਕੀ
ਬਿਰਥਾ ਹੋਇ” ਤਾਂ ਗੁਰੂ ਅੱਗੇ ਅਰਦਾਸ ਕਰੇ ਜਾਂ ਦੁਰਗਾ ਦੇਵੀ ਅੱਗੇ ?
ਮੈਨੂੰ ਉਮੀਦ ਹੈ ਕਿ ਇਹ ਸਭ ਪੜਨ ਤੋਂ ਬਾਅਦ ਪਾਠਕ ਸੱਜਣ, ਅਪਨੇ
ਸ਼ਹਿਰਾਂ ਵਿਚ ਪ੍ਰਚਾਰ ਕਰਨ ਆਏ ਸਿੱਖ ਪ੍ਰਚਾਰਕਾਂ ਤੋਂ ਇਸ ਬਾਬਤ ਸਵਾਲ ਜ਼ਰੂਰ ਕਰਣਗੇ ਤਾਂ
ਜੋ ਇਸ ਭਗਉਤੀ ਦੇਵੀ ਬਾਰੇ ਵੱਧ ਤੋਂ ਵੱਧ ਜਾਗਰੂਕਤਾ ਆ ਸਕੇ ।
ਜੇ
ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।
