ਬਹੁਤ ਦਿਨਾਂ ਤੋਂ ਇਹ ਹੀ ਵੇਖਣ ਨੂੰ ਮਿਲ ਰਿਹਾ ਹੈ ਗੋਲਕਦੁਆਰੇ
ਦੀਆਂ ਸਟੇਜਾਂ ਤੋਂ ਗੁਰਮਤਿ ਦੇ ਪ੍ਰਚਾਰ ਪ੍ਰਸਾਰ ਨੂੰ ਛੱਡ ਕੇ, ਕੱਚੀ ਰਚਨਾਵਾਂ ਦਾ
ਪ੍ਰਚਾਰ ਪ੍ਰਸਾਰ ਹੋ ਰਿਹਾ ਹੈ, ਜਦ ਕਿ ਇਸ ਪ੍ਰਚਾਰ ਪ੍ਰਸਾਰ ਦਾ ਸਿੱਖੀ ਨਾਲ ਕੁੱਝ
ਲੈਣਾ-ਦੇਣਾ ਨਹੀਂ ਅਤੇ ਨਾ ਹੀ ਇਸ ਪ੍ਰਚਾਰ ਪ੍ਰਸਾਰ ਤੋਂ ਸਿੱਖੀ ਨੂੰ ਕੁੱਝ ਲਾਭ ਹੋਣਾ
ਹੈ, ਤਾਂ ਵੀ ਅਗਿਆਨਤਾ ਵੱਸ ਇਹ ਪ੍ਰੰਬਧਕ ਸਿੱਖੀ ਦਾ ਬੇੜਾ ਡੋਬਣ ਵਿਚ ਲਗੇ ਹੋਏ ਹਨ, ਅੱਜ
ਫਿਰ ਇਕ ਗੱਲ ਚੇਤੇ ਆ ਗਈ ਬਾਬਾ ਕਬੀਰ ਜੀ ਦੀ ..
ਕਬੀਰ
ਬੇੜਾ ਜਰਜਰਾ ਫੂਟੇ ਛੇਂਕ ਹਜਾਰ ॥ ਪੰਨਾ 1366
ਗੁਰਮਤਿ ਤੋਂ ਟੁੱਟ ਕੇ ਵੈਸੇ ਵੀ ਸਾਡੇ ਜੀਵਨ ਵਿਚ ਛੇਂਕ ਹੋਏ ਹੋਏ ਹਨ, ਜੇ ਇਸ ਪ੍ਰਚਾਰ
ਪ੍ਰਸਾਰ ਨੂੰ ਨਾ ਰੋਕਿਆ ਗਿਆ ਤੇ ਸਾਡੇ ਜੀਵਨ ਹਜਾਰਾਂ ਹੀ ਛੇਕ ਹੋ ਜਾਣਗੇ, ਅਤੇ ਫਿਰ ਇਹਨਾਂ
ਛੇਕਾਂ ਨੂੰ ਫਿਰ ਇਸ ਸਮੇਂ ਦੀ ਮਾਰ ਨਾਲ ਨਹੀਂ ਭਰਿਆ ਜਾ ਸਕੇਗਾ, ਅੱਜ ਇਸ ਪ੍ਰਚਾਰ,
ਪ੍ਰਸਾਰ ਨੂੰ ਵੱਧਦਾ ਵੇਖਦਿਆ ਹੋਇਆ ਉਹਨਾਂ ਪ੍ਰਬੰਧਕਾਂ ਅਤੇ ਪ੍ਰਚਾਰਕ ਨੂੰ ਕੁੱਝ ਸਵਾਲ
ਕਰ ਰਿਹਾ ਹੈ, ਜੋ ਕਥਿਤ ਰਹਿਤ ਮਰੀਆਦਾ ਦੀ ਆੜ ਵਿੱਚ ਇਸ ਬਚਿੱਤਰ ਨਾਟਕ ਗ੍ਰੰਥ ਦਾ
ਪ੍ਰਚਾਰ ਪ੍ਰਸਾਰ ਕਰ ਰਹੇ ਹਨ। ਲਗਦਾ ਹੈ ਉਹਨਾਂ ਪ੍ਰੰਬਧਕਾਂ ਨੇ ਆਪ ਹੀ ਇਸ ਖਰੜੇ ਨੂੰ ਨਹੀਂ
ਪੜ੍ਹਿਆ (ਪਰ ਸਾਡੇ ਲਈ ਗੁਰਬਾਣੀ ਹੀ ਅਸਲ ਰਹਿਤ ਮਰਿਆਦਾ ਹੈ
) :
੧. ਰਹਿਤ ਮਰਿਆਦਾ ਵਿੱਚ ਕਿਸ ਥਾਂ 'ਤੇ ਲਿਖਿਆ ਹੈ ਕਿ ਗੁਰੂ
ਗ੍ਰੰਥ ਸਾਹਿਬ ਜੀ ਦੀ ਹਜ਼ੂਰੀ ਵਿੱਚ ਬਚਿਤਰ ਨਾਟਕ ਗ੍ਰੰਥ (ਦਸਮ ਗ੍ਰੰਥ) ਦੀ ਕਥਾ ਕੀਤੀ ਜਾ
ਸਕਦੀ ਹੈ ?
੨. ਬਚਿੱਤਰ ਨਾਟਕ ਗ੍ਰੰਥ (ਅਖੌਤੀ ਦਸਮ ਗ੍ਰੰਥ) ਨੂੰ ਗੁਰਤਾ
ਗੱਦੀ ਕਿਸਨੇ, ਕਦੋਂ ਤੇ ਕਿੱਥੇ ਦਿੱਤੀ ?
੩. ਬਚਿੱਤਰ ਨਾਟਕ ਗ੍ਰੰਥ (ਅਖੌਤੀ ਦਸਮ ਗ੍ਰੰਥ) ਦਾ ਪਹਿਲਾ
ਪ੍ਰਕਾਸ਼ ਕਦੋਂ ਅਤੇ ਕਿਥੇ ਹੋਇਆ ?
ਆਸ ਕਰਦਾ ਹਾਂ, ਉਹਨਾਂ ਪ੍ਰਬੰਧਕਾਂ ਅਤੇ
ਪ੍ਰਚਾਰਕਾਂ ਤੋਂ, ਉਹ ਇਨ੍ਹਾਂ ਸੌਖੇ ਜਿਹੇ ਸਵਾਲਾਂ ਦਾ ਜਵਾਬ ਇਮਾਨਦਾਰੀ ਅਤੇ ਸਭਿਅਕ ਬੋਲੀ
ਵਿੱਚ ਦੇਣਗੇ।