ਸੋਸ਼ਲ
ਮੀਡੀਆ 'ਤੇ ਭੇਜੇ ਜਾ ਰਹੇ ਸੰਦੇਸ਼ਾਂ ਮੁਤਾਬਿਕ,
ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀਆਂ ਆਮ ਚੋਣਾਂ 26 ਫਰਵਰੀ
2017 ਨੂੰ ਹੋਣੀਆਂ ਨਿਸ਼ਚਿਤ ਹੋ ਗਈਆਂ ਹਨ। ਗੁਰਦੁਆਰਾ ਚੋਣਾਂ
ਦਾ ਇਹ ਪ੍ਰੋਗਰਾਮ ਉਸ ਧਿਰ ਵੱਲੋਂ ਅਦਾਲਤ ਵਿਚ ਪਾਏ ਗਏ ਮੁਕੱਦਮੇ ਦੀ
ਸੁਣਵਾਈ ਦੌਰਾਨ ਉਲੀਕਿਆ ਗਿਆ ਹੈ, ਜਿਹੜੀ ਧਿਰ ਨੇ ਖੁਦ ਆਪਣੇ ਕਾਰਜਕਾਲ
ਦੌਰਾਨ ਗੁਰਦੁਆਰਾ ਚੋਣਾਂ ਕਦੇ ਸਮੇਂ ਸਿਰ ਨਹੀਂ ਹੋਣ ਦਿੱਤੀਆਂ ਸਨ।
ਗੁਰਦੁਆਰਾ ਚੋਣਾਂ ਦੇ ਪ੍ਰੋਗਰਾਮ ਦਾ ਐਲਾਨ ਹੁੰਦਿਆਂ ਹੀ ਇਸ ਧਿਰ ਦੇ ਕਈ
ਅਖੌਤੀ ਆਗੂਆਂ ਦੇ ਇਲਾਵਾ, ਉਨ੍ਹਾਂ ਦੇ ਝੋਲੀਚੁੱਕਾਂ ਦੇ ਮੂੰਹ ਵਿਚੋਂ ਉਸੇ
ਤਰ੍ਹਾਂ ਲਾਰ ਟਪਕਣ ਲੱਗ ਪਈ ਹੈ, ਜਿਸ ਤਰ੍ਹਾਂ ਹੱਡੀ ਨੂੰ ਵੇਖ ਕੇ ਕੁੱਤੇ
ਦੇ ਮੂੰਹ ਵਿਚੋਂ ਲਾਰ ਟਪਕਣ ਲੱਗ ਪੈਂਦੀ ਹੈ।
ਦੂਜੀ ਤਰਫ,
ਇਨ੍ਹਾਂ ਅਖੌਤੀ ਆਗੂਆਂ ਦੇ ਸਥਾਪਿਤ ਵਿਰੋਧੀ ਵੀ ਇਸ ਤਰ੍ਹਾਂ ਦੇ ਜਾਇਜ਼
ਨਾਜਾਇਜ਼ ਹਥਕੰਡੇ ਅਪਣਾ ਰਹੇ ਹਨ, ਜਿਸ ਤਰ੍ਹਾਂ ਇਕ ਕੁੱਤਾ, ਆਪਣੇ ਕਬਜੇ
ਵਾਲੀ ਹੱਡੀ ਨੂੰ, ਦੂਜੇ ਕੁੱਤੇ ਕੋਲੋਂ ਖੋਹੇ ਜਾਣ ਤੋਂ ਬਚਾਉਣ ਲਈ ਕਰਦਾ
ਹੈ। ਜ਼ਾਹਿਰ ਹੈ ਕਿ ਸਥਾਪਿਤ ਅਖੌਤੀ ਆਗੂਆਂ ਦੇ ਇਹ ਸਖਤ ਤੇਵਰ, ਸਿੱਖ ਸਮਾਜ
ਦੀ ਸੇਵਾ ਕਰਨ ਵਾਸਤੇ ਨਹੀਂ ਬਲਕਿ ਗੁਰਦੁਆਰਾ ਕਮੇਟੀ 'ਤੇ ਕਬਜਾ ਜਮਾ ਕੇ,
ਭ੍ਰਿਸ਼ਟਾਚਾਰ ਰਾਹੀਂ ਮੋਟਾ ਮੁਨਾਫਾ ਕਮਾਉਣ, ਗੁਰਦੁਆਰਾ ਕਮੇਟੀ ਨੂੰ ਵਡੇਰੀ
ਸਿਆਸਤ ਦੀਆਂ ਪੌੜੀਆਂ ਦੀ ਤਰ੍ਹਾਂ ਵਰਤਣ ਅਤੇ ਸਰਕਾਰੀ ਏਜੰਸੀਆਂ ਦੇ
ਇਸ਼ਾਰਿਆਂ 'ਤੇ ਸਿੱਖਾਂ ਨੂੰ ਗੁੰਮਰਾਹ ਕਰਕੇ, ਬਦਲੇ ਵਿਚ ਨਿੱਜੀ ਲਾਭ
ਪ੍ਰਾਪਤ ਕਰਨ ਵਾਸਤੇ ਉਭਰੇ ਹਨ। ਇਸੇਲਈ ਅਖੌਤੀ ਸਿੱਖ ਆਗੂਆਂ ਵੱਲੋਂ
ਇਕ-ਦੂਜੇ ਪ੍ਰਤੀ ਵਰਤੀ ਜਾ ਰਹੀ ਮੰਦੀ ਸ਼ਬਦਾਵਲੀ ਵਿੱਚੋਂ 'ਕੁੱਤੇਖਾਣੀ'
ਜਾਂ 'ਹੱਡੀ ਵਾਸਤੇ ਕੁੱਤਿਆਂ ਦੀ ਲੜਾਈ' ਦਾ ਵਰਤਾਰਾ ਹੀ ਦਰਸ ਪੈਂਦਾ ਹੈ।
ਗੁਰੂ ਸਾਹਿਬ ਕ੍ਰਿਪਾ ਕਰਨ ਅਤੇ ਦਿੱਲੀ ਦੇ ਸਿੱਖਾਂ ਨੂੰ ਅਖੌਤੀ ਸਿੱਖ
ਆਗੂਆਂ ਦੀ ਕੁੱਤੇਖਾਣੀ ਦੇ ਮਾੜੇ ਨਤੀਜਿਆਂ ਤੋਂ ਆਪ ਬਚਾਉਣ ਦੀ ਕ੍ਰਿਪਾਲਤਾ
ਕਰਨ।
ਮਿਤੀ : 30 ਜਨਵਰੀ 2017
ਸੰਗਤਾਂ ਦਾ ਦਾਸ
ਸਰਬਜੀਤ ਸਿੰਘ (ਐਡਵੋਕੇਟ)
ਵਿਸ਼ਨੂੰ ਗਾਰਡਨ, ਨਵੀਂ ਦਿੱਲੀ-110018
ਫੋਨ : 9871683322
ਜੇ
ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।
