ਨਿਹੰਗ ਕਮਲਰੂਪ ਸਿੰਘ ਉਹੀ ਸ਼ਖ਼ਸ ਹੈ ਜਿਸਨੇ ਹਨੂਮਾਨ
ਨਾਟਕ ਬਾਰੇ ਕਿਤਾਬ ਲਿਖੀ ਹੈ, ਜਿਹੜੀ ਕਿਤਾਬ ਗੁਰੂ ਗੋਬਿੰਦ ਸਿੰਘ ਨੂੰ
ਹਨੂਮਾਨ ਪੂਜਕ ਸਾਬਿਤ ਕਰਦੀ ਹੈ। ਇਸ ਨਿਹੰਗ
ਤੇ ਉਸਦੇ ਸਾਥੀਆਂ ਨੇ ਤਖ਼ਤ ਨਾਂਦੇੜ ਦੀ ਤਰਜ਼ 'ਤੇ ਬਕਰੇ ਝੱਟਕਾਉਣ ਦੀ
ਕਰਤੂਤ ਕੀਤੀ ਹੈ, ਉਹ ਵੀ ਛੁੱਪ ਕੇ
ਕਾਰ ਗੈਰੇਜ ਵਿੱਚ।
ਇੰਗਲੈਂਡ ਤੇ ਵੇਲਜ਼ ਦੇ ਖੁਰਾਕ ਸੰਬੰਧੀ ਕਾਨੂੰਨ ਮੁਤਾਬਿਕ "ਧਰਮ
ਅਨੁਸਾਰ ਕਿਸੇ ਪਸ਼ੂ ਨੂੰ ਸਿਰਫ ਬੁੱਚੜਖਾਨੇ ਵਿੱਚ ਝਟਕਾਇਆ ਜਾ ਸਕਦਾ ਹੈ।"
Animal Welfare Regulations
23. Religious
slaughter is only permitted in approved slaughterhouses.
ਸਿੱਖੀ ਵਿੱਚ ਮਾਸ ਖਾਣ ਜਾਂ ਨਾ ਖਾਣ ਦਾ ਕੋਈ ਮਸਲਾ ਨਹੀਂ (ਸਿਵਾਏ
ਨਾਸਮਝੀ ਵਿੱਚ ਲੋਕ ਸਿੱਖਾਂ ਨੂੰ ਵੈਸਣੂ ਸਾਬਿਤ ਕਰਣ ਲੱਗੇ ਹਨ)
ਨਾ ਹੀ ਮਾਸ ਖਾਣ ਜਾਂ ਨਾ ਖਾਣ ਦਾ ਧਰਮ ਨਾਲ
ਕੋਈ ਸੰਬੰਧ ਹੈ।
ਗੁਰੂ ਸਾਹਿਬ ਨੇ ਵੀ ਮਾਸ ਨੂੰ ਧਰਮ ਨਾਲ ਸੰਬੰਧਿਤ ਨਾ ਕਰਕੇ ਹੀ ਕੁੱਠਾ ਨਾ
ਖਾਣ ਦੀ ਹਦਾਇਤ ਦਿੱਤੀ ਸੀ। ਕੁੱਠਾ ਮਾਸ
ਦਾ ਸੰਬੰਧ ਮੁਸਲਮਾਨੀ ਤਰੀਕੇ ਨਾਲ ਕਲਮਾਂ ਪੜ੍ਹਦੇ ਹੋਏ ਜਾਨਵਰ
ਨੂੰ ਤਸੀਹੇ ਦੇ ਕੇ ਮਾਰਨਾ ਹੁੰਦਾ ਹੈ, ਜਿਸ ਨਾਲ ਇਸ ਕਰਮ ਨੂੰ ਹਲਾਲ ਅਤੇ
ਧਾਰਮਿਕ ਕਰਮ ਸਮਝਿਆ ਜਾਂਦਾ ਹੈ। ਗੁਰੂ
ਸਾਹਿਬ ਨੇ ਇਸ ਭਰਮ ਨੂੰ ਦੂਰ ਕੀਤਾ ਕਿ ਮਾਸ ਦਾ ਸੰਬੰਧ ਸ਼ਰੀਰ ਨਾਲ ਹੈ,
ਧਰਮ ਨਾਲ ਨਹੀਂ।
ਇਸੇ ਲਈ ਨਿਹੰਗਾਂ ਦਾ,
ਨਾਂਦੇੜ ਤਖ਼ਤ ਅਤੇ ਹੋਰ ਸਿੱਖ ਅਖਵਾਉਣ ਵਾਲਿਆਂ ਵੱਲੋਂ ਬਕਰੇ ਨੂੰ ਧਰਮ ਦਾ
ਹਿੱਸਾ ਸਾਬਿਤ ਕਰਣ ਲਈ ਝਟਕਾਉਣਾ, ਇੱਕ ਕਰਮਕਾਂਡ, ਇੱਕ ਪਖੰਡ, ਕਾਇਰਾਨਾ
ਤੇ ਸਿੱਖੀ ਵਿਰੋਧੀ ਕਾਰਾ ਹੈ, ਅਤੇ ਇੱਕ ਦੇਸ਼ ਦੇ ਕਾਨੂਨ ਦੀ
ਖਿਲਾਫਤ ਹੈ।