Read HS Sajjan's apology on
https://www.facebook.com/harjit.sajjan.7/posts/675523262650123
ਆਮ
ਕਹਾਵਤ ਹੈ ਕਿ ਚੋਰ ਨੂੰ ਸਾਰੇ ਚੋਰ ਹੀ ਨਜਰ ਆਉਂਦੇ ਹਨ।
ਇਸ ਕਹਾਵਤ ਦੀ ਸਚਾਈ ਤੁਸੀਂ ਉਹਨਾਂ ਸਾਰੇ
ਫੇਸਬੁਕੀ "ਵਿਦਵਾਨਾਂ" ਵਿਚ ਵੇਖ ਸਕਦੇ ਹੋ
ਜਿਹਨਾਂ
ਭਾਰਤ ਸਰਕਾਰ ਦੇ ਇਕ ਇਸਾਰੇ ਤੇ "ਆਪਣੇ ਮਾਲਕ
ਦਾ ਭੌਂਕਾ" ("His Master's Voice") ਹੋਣ ਦੇ ਸਬੂਤ ਵਜੋਂ ਹਰਜੀਤ ਸਿੰਘ ਸੱਜਣ ਤੇ
ਝੂਠੀਆਂ ਤੋਹਮਤਾਂ ਲਾਉਣ ਵਿਚ ਸਮਾਂ ਨਹੀਂ ਗਵਾਇਆ। ਚਲੋ ਇਸ ਨਾਲ ਇਕ ਗੱਲ ਤਾਂ
ਸਾਹਮਣੇ ਸੌਖੀ ਆ ਗਈ - ਸਿੱਖੀ ਭੇਸ ਵਿਚ ਹੋਣ ਦੇ ਬਾਵਜੂਦ ਵੀ ਬੰਦੇ ਦੇ ਕੰਮ ਉਸ ਦੀ
ਅਸਲੀਅਤ ਸਾਬਤ ਕਰ ਹੀ ਦਿੰਦੇ ਨੇ ਕਿ ਭਾਈ ਇਹ ਗੁਰੂ ਦੇ ਸਿੱਖ ਨਹੀਂ ਸਗੋਂ ਸਿੱਖੀ ਸਰੂਪ
ਵਿਚ ਕੋਈ "ਕਰਮੇ ਛੀਨੇ" ਅਤੇ "ਹਰਭਗਤ ਨਿਰੰਜਣੀਏ" ਬੈਠੇ ਨੇ।
1. ਇਹ ਸੱਚ ਹੈ ਕਿ ਹਰਜੀਤ ਸਿੰਘ ਸੱਜਣ ਨੇ
ਕਨੇਡਾ ਦੀ ਪਾਰਲੀਮੈਂਟ ਵਿਚ ਵਿਰੋਧੀ ਧਿਰ ਦੇ ਸਰਕਾਰ ਉਤੇ ਹਮਲਿਆਂ ਦੇ ਜਵਾਬ ਵਿਚ ਇਸ ਗੱਲ
ਦੀ ਮਾਫੀ ਮੰਗੀ ਹੈ
ਕਿ ਉਸਨੂੰ ਦਿੱਲੀ ਵਿਚ ਲੈਕਚਰ ਦਿੰਦੇ ਹੋਏ ਇਹ ਨਹੀਂ ਸੀ
ਕਹਿਣਾ ਚਾਹੀਦਾ ਕਿ "ਮਡੂਸਾ ਨਾਮ ਦੇ ਓਪਰੇਸਨ ਦਾ ਆਰਕੀਟੈਕਟ ਉਹ ਸੀ"।
2. "ਮਡੂਸਾ" ਅਫਗਾਨਿਸਤਾਨ ਵਿਚ ਕੀਤੇ ਉਸ ਓਪਰੇਸਨ ਦਾ ਨਾਮ ਸੀ ਜਿਸ
ਵਿਚ ਤਕਰੀਬਨ 1500 ਦੇ ਕਰੀਬ ਤਾਲੀਬਾਨੀ ਫੌਜੀ ਜਾਂ ਮਾਰ ਦਿਤੇ ਗਏ ਤੇ ਜਾਂ ਹਿਰਾਸਤ ਵਿਚ
ਲੈ ਲਏ ਗਏ। ਇਸ ਓਪਰੇਸਨ ਵਿਚ ਮੁੱਖ ਕਮਾਨ ਅਮਰੀਕਾ ਕੋਲ ਸੀ ਅਤੇ ਕਨੇਡਾ, ਹਾਲੈਂਡ,
ਆਸਟਰੇਲੀਆ ਅਤੇ ਕਈ ਹੋਰਨਾਂ ਮੁਲਕਾਂ ਦੇ ਫੌਜੀ ਇਸ ਵਿਚ ਸਾਮਲ ਸਨ।
3. ਹਰਜੀਤ ਸਿੰਘ ਸੱਜਣ ਦਾ ਅਮਰੀਕਾ ਅਤੇ
ਹੋਰਨਾਂ ਪੱਛਮੀ ਮੁਲਕਾਂ ਦੀਆਂ ਫੌਜਾਂ ਵਿਚ ਸਤਿਕਾਰ ਇਸੇ ਓਪਰੇਸਨ ਤੋਂ ਪੱਕਾ ਹੋਇਆ।
ਇਸੇ ਕਰਕੇ ਹੀ ਜਦੋਂ ਉਸਨੂੰ ਕਨੇਡਾ ਦਾ ਰੱਖਿਆ ਮੰਤਰੀ ਬਣਾਇਆ ਗਿਆ ਤਾਂ ਹੋਰਨਾਂ
ਪੱਛਮੀ ਮੁਲਕਾਂ ਦੀਆਂ ਸਰਕਾਰਾਂ ਨੇ ਇਸਦਾ ਭਰਵਾਂ ਸਵਾਗਤ ਕੀਤਾ।
4. ਹੁਣ ਸਵਾਲ ਇਹ
ਉਠਦਾ ਹੈ ਕਿ ਫਿਰ ਹਰਜੀਤ ਸਿੰਘ ਸੱਜਣ ਨੇ ਮਾਫੀ ਕਿਉਂ ਮੰਗੀ ਹੈ?
5. ਇਸ ਨੂੰ ਸਮਝਣ ਲਈ ਇਹ ਜਾਨਣਾ ਜਰੂਰੀ ਹੈ ਕਿ ਕਨੇਡਾ (ਅਤੇ ਬਹੁਤੇ
ਪੱਛਮੀ ਮੁਲਕਾਂ) ਵਿਚ ਇਹ ਕਨੂੰਨ ਹੈ ਕਿ ਉਹ ਕਿਸੇ ਵੀ ਮੁਜਰਮ ਨੂੰ ਉਸ ਮੁਲਕ ਦੇ ਹਵਾਲੇ
ਨਹੀਂ ਕਰ ਸਕਦੇ ਜਿੱਥੇ ਉਸ ਮੁਜਰਮ ਨੂੰ ਤਸੀਹੇ ਦਿਤੇ ਜਾਣ ਦੀ ਸੰਭਾਵਨਾ ਹੋਵੇ।
6. ਕਨੇਡਾ ਦੀ ਫੌਜ ਉਤੇ ਅਫਗਾਨਿਸਤਾਨ ਵਿਚ ਤੈਨਾਤੀ ਦੌਰਾਨ ਇਹ ਇਲਜਾਮ
ਲਾਇਆ ਗਿਆ ਸੀ ਕਿ ਉਹਨਾਂ ਹਿਰਾਸਤ ਵਿਚ ਲਏ ਤਾਲੀਬਾਨਾਂ ਨੂੰ ਅਫਗਾਨਿਸਤਾਨ ਦੀ ਸਰਕਾਰ ਦੇ
ਹਵਾਲੇ ਕਰ ਦਿਤਾ ਸੀ, ਜਦੋਂ ਕਿ ਇਹ ਪੂਰੀ ਸੰਭਾਵਨਾ ਸੀ ਕਿ ਅਫਗਾਨੀ ਸਰਕਾਰ ਉਹਨਾਂ ਨੂੰ
ਤਸੀਹੇ ਦੇਵੇਗੀ।
7. ਅਜਿਹੇ ਹੀ ਇਲਜਾਮ, ਬਰਤਾਨੀਆ, ਹਾਲੈਂਡ ਅਤੇ ਕਈਆਂ ਹੋਰਨਾਂ ਮੁਲਕਾਂ
ਦੀਆਂ ਸਰਕਾਰਾਂ 'ਤੇ ਲਾਏ ਗਏ ਸਨ। ਇਹਨਾਂ ਇਲਜਾਮਾਂ ਤੋਂ ਬੱਚਣ ਲਈ ਕਨੇਡਾ, ਹਾਲੈਂਡ ਆਦਿ
ਮੁਲਕਾਂ ਨੇ ਇਹ ਬਿਆਨ ਦਿਤੇ ਕਿ ਉਹ ਅਫਗਾਨਿਸਤਾਨ ਵਿਚ ਸਲਾਹਕਾਰਾਂ ਵਜੋਂ ਜਾਂ ਉਥੇ ਦੀ
ਫੌਜ/ਪੁਲਿਸ ਨੂੰ ਸਿੱਖਲਾਈ ਦੇਣ ਲਈ ਮੌਜੂਦ ਹਨ ਤਾਲੀਬਾਨਾਂ ਨਾਲ ਲੜਾਈ ਲਈ ਨਹੀਂ।
8. ਇਸਦਾ ਤੋੜ ਉਹਨਾਂ ਕੋਲ ਇਹ ਸੀ ਕਿ ਜਮੀਨ 'ਤੇ ਉਹਨਾਂ ਦੇ ਫੌਜੀ
ਅਮਰੀਕਾ ਦੀ ਫੌਜ ਦੇ ਹਿੱਸੇ ਵਜੋਂ ਇਹਨਾਂ ਓਪਰੇਸਨਾਂ ਵਿਚ ਹਿਸਾ ਪਾ ਰਹੇ ਸਨ ਅਤੇ ਤਕਨੀਕੀ
ਤੌਰ 'ਤੇ ਉਹਨਾਂ ਉਤੇ ਹੁਕਮ ਵੀ ਅਮਰੀਕੀ ਅਫਸਰ ਦਾ ਹੀ ਚੱਲਦਾ ਸੀ।
9. ਪਰ ਕਿਉਂਕਿ ਸਿਆਸੀ ਲੜਾਈ ਦੇ ਨਿਜਮ ਵੱਖਰੇ ਹਨ -
ਇਸ ਲਈ ਉਹੀ ਵਿਰੋਧੀ ਧਿਰ ਜਿਹੜੀ ਹਰਜੀਤ
ਸਿੰਘ ਸੱਜਣ ਦੀ ਅਫਗਾਨਿਸਤਾਨ ਵਿਚ ਤੈਨਾਤੀ ਸਮੇਂ ਕਨੇਡਾ ਦੀ ਸਰਕਾਰ ਚਲਾਉਂਦੀ ਸੀ, ਅੱਜ
ਇਸੇ ਮੁੱਦੇ ਨੂੰ ਇਸ ਕਰਕੇ ਉਛਾਲ ਰਹੀ ਹੈ ਤਾਂ ਕਿ ਲੋਕਾਂ ਦੇ ਮਨਾਂ ਵਿਚ ਸੰਕਾ ਪੈਦਾ ਕਰ
ਸਕੇ। ਜਦਕਿ ਇਹ ਬੰਦੇ ਭਲੀ ਭਾਂਤ ਜਾਣਦੇ ਨੇ ਕਿ ਅਸਲੀਅਤ ਕੀ ਹੈ।
10. ਭਾਰਤੀ ਸਰਕਾਰ, ਅਤੇ ਹਿੰਦੂ ਬਹੁ-ਗਿਣਤੀ
ਬਾਰੇ ਤਾਂ ਜਿਆਦਾ ਕੁੱਝ ਕਹਿਣ ਦੀ ਜਰੂਰਤ ਨਹੀਂ ਕਿਉਂਕਿ ਉਹਨਾਂ ਦਾ ਰਵਈਆ ਹਰਜੀਤ ਸਿੰਘ
ਸੱਜਣ ਪ੍ਰਤੀ ਸਾਡੇ ਵਿਚੋਂ ਕਿਸੇ ਤੋਂ ਵੀ ਲੁਕਿਆ ਨਹੀਂ। ਇਸਦੇ ਨਾਲ ਇਹ ਜਰੂਰ ਜੋੜ ਲਓ ਕਿ
ਜਿਹੜੇ ਸਿੱਖ ਦਿਖਣ ਵਾਲੇ, ਭਾਰਤ ਸਰਕਾਰ ਅਤੇ ਹਿੰਦੂ ਬਹੁ-ਗਿਣਤੀ ਦੀ ਹਰਜੀਤ ਸਿੰਘ ਸੱਜਣ
ਪ੍ਰਤੀ ਨਫਰਤ ਨੂੰ ਫੈਲਾਉਣ ਵਿਚ ਆਪਣਾ ਹਿੱਸਾ ਪਾ ਰਹੇ ਨੇ ਉਹਨਾਂ ਦੀ ਵਫਾਦਾਰੀ ਕਿਸ ਨਾਲ
ਹੈ ?
11. ਆਖਰੀ ਸਵਾਲ -
ਹਰਜੀਤ ਸਿੰਘ ਸੱਜਣ ਨੇ ਆਪਣੇ ਆਪ ਨੂੰ ਉਸ ਓਪਰੇਸਨ ਦਾ
ਆਰਕੀਟੈਕਟ ਕਿਉਂ ਕਿਹਾ? ਅਸਲ ਵਿਚ ਉਸ ਨੂੰ ਇਸ ਓਪਰੇਸਨ ਵਿਚ ਨਿਭਾਏ ਰੋਲ ਲਈ
ਅਮਰੀਕਾ ਦੀ ਫੌਜ ਦੇ ਜਰਨੈਲ ਬ੍ਰਿਗੇਡਿਅਰ ਜਨਰਲ ਡੇਵਿਡ ਫਰੇਸਰ ਨੇ ਧੰਨਵਾਦ ਦਾ ਪੱਤਰ ਲਿਖ
ਕੇ ਸਨਮਾਨਤ ਕੀਤਾ ਸੀ। ਉਸ ਪੱਤਰ ਦੀ ਲਿਖਤ ਹੇਠਾਂ ਫੋਟੋਆਂ ਵਿਚ ਹੈ। ਇਸ ਤੋਂ ਆਪ ਹੀ
ਅੰਦਾਜਾ ਲੱਗ ਜਾਂਦਾ ਹੈ ਕਿ ਹਰਜੀਤ ਸਿੰਘ ਸੱਜਣ ਨੇ "ਆਰਕੀਟੈਕਟ" ਲਫਜ ਵਰਤ ਕੇ ਕੋਈ
ਅਤਕਥਨੀ ਨਹੀਂ ਕੀਤੀ।
12. ਮਾਫੀ ਉਸ ਨੇ ਇਸ ਗੱਲ ਦੀ ਮੰਗੀ ਹੈ ਕਿ
ਫੌਜ ਦਾ ਅਸੂਲ ਹੈ ਹਰੇਕ ਸਫਲਤਾ ਦਾ ਸਿਹਰਾ ਸਾਰਿਆਂ ਨੂੰ ਜਾਂਦਾ ਹੈ ਅਤੇ ਹਰੇਕ ਅਸਫਲਤਾ
ਨੂੰ ਫੌਜ ਤੋਂ ਬਾਹਰ ਕੋਸਿਆ ਨਹੀਂ ਜਾਂਦਾ। ਇਸੇ ਕਰਕੇ ਜਦੋਂ ਕਿਸੇ ਫੌਜ ਦਾ ਕੋਈ
ਹਮਲਾ ਅਸਫਲ ਹੁੰਦਾ ਹੈ ਤਾਂ ਕਿਸੇ ਫੌਜੀ ਜਾਂ ਜਰਨੈਲ ਦਾ ਨਾਮ ਸੁਰਖੀਆਂ ਵਿਚ ਨਹੀਂ ਆਉਂਦਾ
ਕਿ "ਫਲਾਂ ਫੌਜੀ ਦੀ ਗਲਤੀ ਕਰਕੇ ਇਹ ਹਮਲਾ ਅਸਫਲ ਹੋਇਆ"। ਇਸੇ ਤਰਾਂ ਹੀ ਜਦੋਂ ਕੋਈ ਹਮਲਾ
ਸਫਲ ਹੁੰਦਾ ਹੈ ਤਾਂ ਸੁਰਖੀਆਂ ਵਿਚ ਬੰਦਿਆਂ ਦੇ ਨਾਮ ਨਹੀਂ ਹੁੰਦੇ ਸਗੋਂ ਬਟਾਲੀਅਨ ਜਾਂ
ਰੈਜਿਮੰਟ ਦਾ ਨਾਮ ਹੁੰਦਾ ਹੈ - ਬਲਕਿ ਬਹੁਤੀ ਵਾਰ ਤਾਂ ਕੇਵਲ ਇਹੀ ਹੁੰਦਾ ਹੈ ਕਿ "ਅਮਰੀਕੀ
ਫੌਜ ਨੇ ਸਫਲਤਾ ਹਾਸਲ ਕੀਤੀ"। ਬੰਦਿਆਂ ਦੇ ਨਾਮ ਤਮਗੇ ਦੇਣ ਵੇਲੇ ਦੱਸੇ ਜਾਂਦੇ ਹਨ ਜਾਂ
ਮਾਰੇ ਜਾਣ ਤੇ। ਇਸ ਲਈ ਹਰਜੀਤ ਸਿੰਘ ਸੱਜਣ ਨੇ ਸਫਲਤਾ ਦਾ ਕ੍ਰੈਡਿਟ ਲੈਣ ਦੀ ਮਾਫੀ ਮੰਗੀ
ਹੈ ਨਾ ਕਿ ਗਲਤ-ਬਿਆਨੀ ਦੀ।
ਅਮਰੀਕੀ ਜਰਨੈਲ ਵਲੋਂ ਲਿਖੀ ਚਿੱਠੀ ਪੜ੍ਹਨ ਵਾਲੀ ਹੈ
(ਜੋ ਥੱਲੇ ਦਿੱਤੀ ਗਈ ਹੈ)
- ਸਿੱਖ ਹੋਣ ਦੇ ਨਾਤੇ ਸਹਿਜੇ ਹੀ ਮਾਣ ਮਹਿਸੂਸ
ਹੁੰਦਾ ਹੈ ਕਿ ਗੁਰੂ ਦਾ ਸਾਜਿਆ ਸਿੱਖ ਅੱਜ ਵੀ ਸਾਰਿਆਂ ਤੋਂ ਵਧੀਆ ਕੰਮ ਕਰਕੇ ਵਿਖਾ
ਰਿਹਾ ਹੈ ਤੇ ਕੌਮ ਦਾ ਨਾਮ ਉਚਾ ਕਰ ਰਿਹਾ ਹੈ।
ਵਾਹਿਗੁਰੂ ਜੀ ਕਾ
ਖਾਲਸਾ॥
ਵਾਹਿਗੁਰੂ ਜੀ ਕੀ ਫਤਿਹ॥