ਵੈਰੋਵਾਲ ਤੂੰ ਸੋਚੀਂ
ਬੈਠ ਬਰੀਕੀ ਨਾਲ,
ਉਹਨਾ ਸਾਨੂੰ ਮਾਰਨਾ ਡੂੰਘੀ ਨੀਤੀ ਨਾਲ।
ਹਾਲੇ ਕੁਝ ਨਹੀਂ ਵਿਗੜਿਆ ਵੀਰਾ ਸੰਭਲ ਜਾ,
ਸਮਾਂ ਲੰਘਾ ਕੇ ਮੁੜਕੇ ਐਵੇਂ ਚੀਕੀਂ ਨਾ।
ਹੁਣ ਉਹ ਬੜੀ ਵਿਓਂਤ ਬਣਾ ਕੇ ਆਇਆ ਏ
ਸਿੱਖੀ ਜੜੋਂ ਮੁਕਾਉਣੀ ਸੋਚਦਾ ਚਿਰਦਾ ਸੀ,
ਗੰਗੂ ਕੱਲ ਕਛਹਿਰਾ ਪਾਈ ਫਿਰਦਾ ਸੀ।
ਸਿਰ 'ਤੇ ਪੱਗ ਤੇ ਚਿਹਰੇ ਉੱਤੇ ਨੂਰ ਬੜਾ,
ਯੋਧਾ ਹੀ ਲੱਗਦਾ ਸੀ ਥੋੜਾ ਦੂਰ ਖੜਾ।
ਕਿਦਾਂ ਮੈਂ ਸਮਝਾਵਾਂ ਆਪਣੇ ਲੋਕਾਂ ਨੂੰ,
ਸਿੱਖ ਨਹੀਂ ਹੈ ਇਸਦਾ ਕੋਈ ਹੋਰ ਧੜਾ।
ਸਾਡਾ ਸ਼ੱਕ ਯਕੀਨ ਓਦੋਂ ਬਦਲ ਗਿਆ,
ਪੱਖ ਪੂਰਦਾ ਸਦਾ ਵਿਰੋਧੀ ਧਿਰਦਾ ਸੀ...
ਗੰਗੂ ਕੱਲ ਕਛਹਿਰਾ ਪਾਈ ਫਿਰਦਾ ਸੀ। |
ਨਿੰਦਿਆ ਚੁਗਲੀ ਦੱਸਦਾ ਸ਼ਬਦ ਵਿਚਾਰਾਂ
ਨੂੰ,
ਦਿੰਦਾ ਨਹੀਂ ਵਿਚਾਰਨ ਆਸਾ ਵਾਰਾਂ ਨੂੰ।
ਮੈਨੂੰ ਲਗਦਾ ਇਸਦੇ ਖਚਰੇ ਹਾਸੇ ਤੋਂ,
ਉਸਾਰਨਾ ਚਾਹੁੰਦਾ ਫਿਰ ਖੂਨੀ ਦੀਵਾਰਾਂ ਨੂੰ।
ਰਾਤੀ ਸੁਣਿਆਂ ਘਰੇ ਕੁਵੇਲੇ ਮੁੜਿਆ ਸੀ,
ਮੁੱਲ ਲਵਾ ਕੇ ਆਇਆ ਸਾਡੇ ਸਿਰ ਦਾ ਸੀ...
ਗੰਗੂ ਕੱਲ ਕਛਹਿਰਾ ਪਾਈ ਫਿਰਦਾ ਸੀ।
ਸਾਡੇ ਕੋਲੋਂ ਖੋਹ ਲਊ ਬਾਣੀ ਬਾਬੇ ਦੀ,
ਕਰਾਮਾਤਾਂ ਨਾਲ ਭਰੀ ਕਹਾਣੀ ਬਾਬੇ ਦੀ।
ਏਨਾ ਸਾਨੂੰ ਆਪਸ ਵਿੱਚ ਉਲਝਾ ਦਿੱਤਾ,
ਸਾਥੋਂ ਗਈ ਨਾ ਜੋਤ ਪਛਾਣੀ ਬਾਬੇ ਦੀ।
ਧਰਮੀ ਬੰਦਿਆਂ ਨੂੰ ਗਲਵੇਂ ਤੋਂ ਫੜਦਾ ਏ,
ਗੰਦੇ ਲੀਡਰਾਂ ਦੇ ਪੈਰਾਂ 'ਤੇ ਗਿਰਦਾ ਸੀ...
ਗੰਗੂ ਕੱਲ ਕਛਹਿਰਾ ਪਾਈ ਫਿਰਦਾ ਸੀ। |