ਉਰਝਿ ਰਹਿਓ ਰੇ ਬਾਵਰ ਗਾਵਰ ਜਿਉ ਕਿਰਖੈ
ਹਰਿਆਇਓ ਪਸੂਆ ॥1॥ ਰਹਾਉ ॥
ਹੁਣੇ
ਜਿਹੇ ਹਜ਼ੂਰ ਸਾਹਿਬ ਕਥਿਤ ਗੁਰਦੁਆਰੇ ਵਿੱਚ ਮਨਾਏ ਗਏ ਦੁਸਹਿਰੇ ਦੀ
ਇੱਕ ਵੀਡੀਓ ਦੇਖੀ, ਜਿਸ ਵਿੱਚ ਸਿੱਖੀ ਭੇਖ ਦੇ ਲੱਖਾਂ ਲੋਕਾਂ ਦਾ
ਇਕੱਠ ਦੁਸਹਿਰਾ ਮਨਾਉਣ ਪੁੱਜਿਆ ਹੈ। ਹਜ਼ਾਰਾਂ ਦੀ ਗਿਣਤੀ ਹੱਥਾਂ ਵਿੱਚ
ਸ਼ਸਤਰ ਲੈਕੇ ਹੱਲਾ ਬੋਲਦੇ ਬਾਵਰਿਆਂ ਦੀ ਤਰ੍ਹਾਂ ਦੌੜੇ ਜਾਂਦੇ ਸਿੱਖ
ਦਿਖਾਏ ਗਏ ਹਨ।
ਮੈਂ ਪੁੱਛਣਾ ਚਾਹੁੰਦਾ ਹਾਂ, ਭਲਿਓ ਕਿਸਦਾ ਦੁਸਹਿਰਾ ਮਾਨਉਣ ਗਏ ਹੋ?
ਰਾਮ ਦਾ ਕਿ ਰਾਵਣ ਦਾ? ਗੁਰੂ ਦਾ
ਸਿੱਖ ਤਾਂ ਨਾ ਰਾਵਣ ਦਾ ਸਿੱਖ ਹੈ, ਨਾ ਦਸ਼ਰਥ ਦੇ ਪੁੱਤਰ ਰਾਮ ਦਾ।
ਗੁਰੂ ਗ੍ਰੰਥ ਸਾਹਿਬ ਵਿੱਚ ਤਾਂ ਰਾਮ ਤੇ ਰਾਵਣ ਨੂੰ ਬਰਾਬਰ ਹੀ ਸਮਝਿਆ
ਹੈ।
ਰਾਮ ਗਇਓ ਰਾਵਨੁ ਗਇਓ ਜਾਕਉ ਬਹੁ ਪਰਵਾਰ॥
ਕਹੁ ਨਾਨਕ ਥਿਰੁ ਕਛੁ ਨਹੀ ਸੁਪਨੇ ਜਿਉ ਸੰਸਾਰਿ॥50॥ ਸਲੋਕ
ਮਹਲਾ 9, ਪੰਨਾਂ 1429
ਰੋਵੈ ਰਾਮੁ ਨਿਕਾਲਾ ਭਇਆ ॥ ਸੀਤਾ ਲਖਮਣੁ
ਵਿਛੁੜਿ ਗਇਆ ॥
ਰੋਵੈ ਦਹਸਿਰੁ ਲੰਕ ਗਵਾਇ ॥ ਜਿਨਿ ਸੀਤਾ ਆਦੀ ਡਉਰੂ ਵਾਇ ॥
ਰਾਮਕਲੀ ਕੀ ਵਾਰ ਮਹਲਾ 3, ਪੰਨਾਂ 954
ਦੂਜਾ ਸਵਾਲ:
ਤੁਸੀਂ ਰਾਵਣ ਦੀ ਸੈਨਾ ਬਣ ਕੇ ਹੱਲ ਬੋਲ ਰਹੇ ਸੀ ਕਿ ਰਾਮ ਦੀ ਸੈਨਾ
ਬਣਕੇ? ਕਿਉਂਕਿ ਰਾਮ ਦੀ ਸੈਨਾਂ ਤਾਂ ਬਾਂਦਰਾਂ ਦੀ ਸੀ ਜਿਸਦਾ ਸੈਨਾਪਤੀ
ਹਨੂੰਮਾਨ ਸੀ।
ਬੰਤਰ ਕੀ ਸੈਨਾ
ਸੇਵੀਐ ਮਨਿ ਤਨਿ ਜੁਝੁ ਅਪਾਰੁ ॥
ਸੀਤਾ ਲੈ ਗਇਆ ਦਹਸਿਰੋ ਲਛਮਣੁ ਮੂਓ ਸਰਾਪਿ ॥
ਨਾਨਕ ਕਰਤਾ ਕਰਣਹਾਰੁ ਕਰਿ ਵੇਖੈ ਥਾਪਿ ਉਥਾਪਿ ॥25॥
ਮਨ ਮਹਿ ਝੂਰੈ ਰਾਮਚੰਦੁ ਸੀਤਾ ਲਛਮਣ ਜੋਗੁ ॥
ਹਣਵੰਤਰੁ ਆਰਾਧਿਆ ਆਇਆ ਕਰਿ ਸੰਜੋਗੁ ॥... ਸਲੋਕ ਵਾਰਾਂ ਤੇ
ਵਧੀਕ ਮਹਲਾ 1 ਪੰਨਾਂ 1412
ਕਿਤੇ ਐਸਾ ਤਾ ਨਹੀਂ ਕਿ
ਜਾਨ ਅਜਾਨ ਭਏ ਬਾਵਰ ਬਣਕੇ ਕੌਮ
ਦਾ ਕਰੋੜਾਂ ਦਾ ਸਰਮਾਇਆ ਤੇ ਜੀਵਨ ਦਾ ਕੀਮਤੀ ਸਮਾਂ ਬਰਬਾਦ ਕਰਕੇ ਆ
ਗਏ ਹੋਵੋ। ਸੋਚਿਓ ਜ਼ਰੂਰ !!!
ਪੇਖਿ ਪੇਖਿ ਰੇ ਕਸੁੰਭ ਕੀ ਲੀਲਾ ਰਾਚਿ
ਮਾਚਿ ਤਿਨਹੂੰ ਲਉ ਹਸੂਆ ॥ ਮਹਲਾ 5, ਪੰਨਾਂ 206