ਪਿਛਲੇ ਬਹੁਤ ਸਮੇਂ
ਤੋਂ ਇਹੀ ਜ਼ੋਰ ਲੱਗਾ ਹੋਇਆ ਹੈ ਕਿ ਕੇਸ ਦਾੜ੍ਹੀ ਰੱਖੋ, ਪੱਗ ਬੰਨ੍ਹੋ,
ਅੰਮ੍ਰਿਤ ਛੱਕ ਲਵੋ (ਪ੍ਰਚਲਿੱਤ ਭਾਸ਼ਾ ਵਿੱਚ) ....... ਜੋ
ਕਿ ਸਭ ਬਾਹਰੀ ਭੇਖ ਹੈ, ਜਿਸ ਦਾ ਸੰਬੰਧ ਕੌਮੀ ਤੌਰ 'ਤੇ ਤਾਂ ਸਾਡੀ
ਪਹਿਚਾਨ ਨਾਲ ਜੁੜਿਆ ਹੈ, ਪਰ ਇਸ ਦਾ ਧਰਮ ਨਾਲ ਸੰਬੰਧ ਬਾਅਦ ਵਿੱਚ
ਬਣਦਾ ਹੈ,
ਜੇਕਰ ਗੁਰਮਤਿ ਧਾਰਣ
ਕੀਤੀ ਹੋਵੇ, ਗੁਰਬਾਣੀ ਅੰਮ੍ਰਿਤ ਅੰਦਰ ਵੱਸਿਆ ਹੋਵੇ, ਤਾਂ ਇਸ ਬਾਹਰੀ
ਭੇਖ ਦੀ ਬੁੱਕਤ ਹੈ, ਨਹੀਂ ਤਾਂ ਇਹ ਆਡੰਬਰ ਤੋਂ ਵੱਧ ਕੁੱਝ ਨਹੀਂ।
ਇਸ ਭੇਖੀ ਸਿਮਰਜੀਤ ਵੱਲ ਹੀ ਦੇਖ ਲਵੋ, ਕਦੇ
ਇਹ ਗੁਰਦੁਆਰਿਆਂ ਵਿੱਚ ਗੁਰਬਾਣੀ ਕੀਰਤਨ ਕਰਦਾ ਹੈ, ਤੇ ਕਦੇ ਜਗਰਾਤਿਆਂ
ਵਿਚ ਦੁਰਗਾ ਦੇ ਚਰਣਾਂ 'ਚ ਡਿੱਗਿਆ ਹੁੰਦਾ ਹੈ........
ਦੇਖਣ ਨੂੰ ਤਾਂ ਇਹ ਭੇਖ ਤੌਰ 'ਤੇ ਸਿੱਖ ਹੀ ਲਗਦਾ ਹੈ, ਪਰ ਕੀ ਸਿੱਖ
ਐਸਾ ਹੁੰਦਾ ਹੈ??? ... ਤੇ ਇਹਨੇ ਵੀ "ਅੰਮ੍ਰਿਤ"
ਛਕਿਆ (ਪ੍ਰਚਲਿੱਤ ਭਾਸ਼ਾ ਵਿਚ) ਹੋਇਆ ਹੈ !!!
ਹੋਰ ਤਾਂ ਹੋਰ, ਇਸਦੀਆਂ ਗਾਈਆਂ ਮਾਤਾ ਦੀਆਂ
ਭੇਟਾਂ "ਚੜ੍ਹਦੀਕਲਾ ਟਾਈਮ ਟੀ.ਵੀ."
ਵਾਲੇ ਵੀ ਬੜੀ ਜੋਰਸ਼ੋਰ ਨਾਲ ਦਿਖਾ ਰਹੇ ਨੇ, ਜੋ ਕਿ ਆਪਣੇ ਆਪ ਨੂੰ
ਸਿੱਖੀ ਦਾ ਅਲੰਬਰਦਾਰ ਗਿਣਦੇ ਨੇ।
99% ਰਾਗੀ, ਗ੍ਰੰਥੀ, ਕਥਾਵਾਚਕ... ਕਲਾਕਾਰ
ਹਨ, ਜਿਹੜੇ ਯਾਦ
ਕੀਤੀਆਂ ਧੁਨਾਂ, ਪਰਚੀਆਂ ਜਾਂ ਹੁਣ ਸਮਾਰਟ ਫੋਨ ਰੱਖਕੇ ਕਥਾ ਕੀਰਤਨ
ਕਰਦੇ ਹਨ, ਪਰ ਜੀਵਨ ਪੱਖੋਂ ਸਿਫਰ Zero ਹਨ।
ਇਨ੍ਹਾਂ ਲੋਕਾਂ ਦਾ ਇਹ ਧੰਦਾ ਹੈ, ਤੇ ਭੋਲੇ (ਮੂਰਖ)
ਸਿੱਖ ਅਖਵਾਉਣ ਵਾਲੇ ਇਨ੍ਹਾਂ ਦੀਆਂ ਜੇਬਾਂ ਭਰੀ ਜਾਂਦੇ ਨੇ। ਨਾ ਇਨ੍ਹਾਂ
ਭੇਖੀਆਂ ਨੂੰ ਸ਼ਰਮ ਹੈ, ਨਾ ਪੈਸੇ ਦੇਣ ਵਾਲਿਆਂ ਨੂੰ।
ਚਾਹੇ ਸਿਮਰਜੀਤ
ਵਰਗੇ ਭੇਖੀ ਹੋਣ, ਚਾਹੇ ਬੰਟੀ ਭਈਆ, ਪਰਚੀ ਭਈਆ, ਕਾਲ਼ੂ ਭਈਆ, ਕੁਲਵੰਤ
ਸਿੰਘ, ਗੱਪੀ ਠਾਕੁਰ ਸਿੰਘ ਆਦਿ ਵਰਗੇ ਹੋਣ, ਇਹ ਸਭ ਕਲਾਕਾਰ ਹਨ, ਇਨ੍ਹਾਂ ਦਾ ਸਿੱਖੀ ਨਾਲ, ਗੁਰੂ ਨਾਲ ਕੋਈ ਲੈਣਾ ਦੇਣਾ ਨਹੀਂ। ਸੁਚੇਤ
ਹੋਵੋ। ਗੁਰਬਾਣੀ ਫੁਰਮਾਨ ਹੈ:
ਆਸਾ ਮ: 4 ਕੋਈ ਗਾਵੈ
ਰਾਗੀ ਨਾਦੀ ਬੇਦੀ ਬਹੁ ਭਾਂਤਿ ਕਰਿ ਨਹੀ ਹਰਿ ਹਰਿ ਭੀਜੈ ਰਾਮ ਰਾਜੇ ॥
ਜਿਨਾ ਅੰਤਰਿ ਕਪਟੁ ਵਿਕਾਰੁ ਹੈ ਤਿਨਾ ਰੋਇ ਕਿਆ ਕੀਜੈ ॥ ਸਫਾ
450
ਜੇ
ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।
