ਬੀਤ
ਚੁੱਕੀ ਘਟਨਾ ਤੇ ਅਫਸੋਸ ਕਰਨਾ ਅਤੇ ਦੂਜਿਆਂ ਤੇ ਦੋਸ਼ ਲਾਉਣ ਨਾਲੋਂ
ਚੰਗਾ ਹੈ ਕਿ ਆਪਣੇ ਗੁਰੂ-ਦਰਾਂ ਪ੍ਰਤੀ ਸਾਵਧਾਨੀ ਵਰਤੀ ਜਾਏ । ਖ਼ਾਸ
ਕਰ ਅਮੇਰਿਕਾ ਵਿੱਚ ਕੁੱਛ ਚਿਰ ਤੋਂ ਧਾਰਮਿਕ ਸਥਾਨਾਂ ਵਿੱਚ ਨਸਲਵਾਦ
ਦੇ ਸ਼ਿਕਾਰ ਹੋਏ ਬੰਦੇ ਅੰਧਾਧੁੰਨ ਫਾਇਰਿੰਗ ਕਰ ਬੇ-ਕਸੂਰੇ ਲੋਕਾਂ ਨੂੰ
ਮਾਰਨ ਦੀਆਂ ਖਟਨਾਵਾਂ ਦੁਹਰਾਉਂਦੇ ਰਹਿੰਦੇ ਹਨ ।
ਸਾਨੂੰ ਪੰਜਾਬ ਦੇ ਰਾਧਾਸੁਆਮੀ,
ਨਿਰੰਕਾਰੀਏ ਆਦਿ ਡੇਰੇਦਾਰਾਂ ਕੋਲੋਂ ਹੀ ਕੁੱਛ ਸਿਖ ਲੈਣਾ ਚਾਹੀਦਾ ਹੈ
ਜੋ ਉੱਨਾਂ ਦੇ ਚੁੱਕਨੇ ਵਲੰਟੀਅਰ ਪਾਰਕਿੰਗ ਤੋਂ ਲੈਕੇ ਅੰਦਰ ਜਾਣ ਤੱਕ
ਆਪਣੀਆਂ ਸੇਵਾਵਾਂ ਬਾ-ਖੂਬ ਦੇਂਦੇ ਹਨ ।
ਪਰ ਇੱਕ ਅਸੀਂ ਹਾਂ,
ਜੋ ਸਾਰਾ ਜੋਰ ਲੰਗਰ ਦੀ ਸੇਵਾ ਵਿੱਚ ਹੀ ਲਾ ਦੇਂਦੇ ਹਾਂ, ਹੋਰ ਪਾਸੇ
ਦਾ ਬਹੁਤਾ ਧਿਆਨ ਹੀ ਨਹੀਂ ਦੇ ਪਾਉਂਦੇ । ਅਮੇਰਿਕਾ ਦੇ ਕੁੱਛ
ਗੁਰਦੁਆਰੇ, ਜਿਨਾਂ ਵਿੱਚ ਸਾਵਧਾਨੀ ਦਾ ਪ੍ਰਬੰਧ ਹੈ, ਨੂੰ ਛਡਕੇ ਬਹੁਤੇ
ਤਾਂ ਇਹ ਕਿਹ ਕੇ ਹੀ ਸਾਰ ਦੇਂਦੇ ਨੇ ਕਿ ਸਾਨੂੰ ਡਰਣ ਦੀ ਬਾੜੀ ਲੋੜ
ਨਹੀਂ, ਖਾਲਸੇ ਨੂੰ ਚੜ੍ਹਦੀਕਲਾ ਵਿੱਚ ਰਹਿਣਾ ਚਾਹੀਦਾ ਹੈ। ਖੈਰ !
ਉਪਰ ਦਸੇ ਸ਼ਕੀ ਕਿਸਮ ਦੇ ਬੰਦਿਆਂ ਤੋਂ
ਸਾਵਧਾਨ ਰਹਿਣ ਵਾਸਤੇ ਸਾਨੂੰ ਗੁਰਦੁਆਰਿਆਂ ਵਿੱਚ ਕੁੱਛ ਪ੍ਰਬੰਧ ਕਰ
ਲੈਣੇ ਚਾਹੀਦੇ ਹਨ :
> ਗੁਰਦੁਆਰੇ
ਵਿੱਚ ਚੱਲ ਰਹੇ ਦਿਵਾਨ ਸਮੇਂ ਮੇਨ ਗੇਟ ਤੇ ਤਿਆਰ-ਬਰ- ਤਿਆਰ 2-
3 ਸਿੰਘ ਨਿਗਰਾਨੀ ਰੱਖਣ, ਭਾਵੇਂ ਉਹ ਸਧਾਰਨ ਲਿਬਾਸ ਵਿੱਚ ਹੀ
ਹੋਣ, ਜਿਨਾਂ ਬਾਰੇ ਕੇਵਲ ਪ੍ਰਬੰਧਕ ਜੀ ਜਾਣੂ ਹੋਣ ।
> ਕੈਮਰਾ ਰੂਮ ਵਿੱਚ ਇੱਕ ਸਿੰਘ ਜਾਂ ਬੀਬੀ ਦੀ ਸੇਵਾ ਲਾਈ ਜਾਵੇ
।
> ਅੱਜ ਕਲ ਐਮਰਜੰਸੀ ਅਲਾਰਮ ਬਟਨ (ਗਲ਼
ਵਿੱਚ ਪਾਉਣ ਵਾਲੇ) ਵੀ ਮਿਲ ਜਾਂਦੇ ਹਨ ਜਿਸਨੂੰ ਦਬਿਆਂ ਸਿਧਾ
ਪੁਲਸ ਨੂੰ ਕਾੱਲ ਜਾਂਦੀ ਹੈ । (ਗੁਰਦੁਆਰੇ ਦੇ ਭਾਈ ਸਾਬ ਜਾਂ
ਕਿਸੇ ਦੀ ਜੁੰਮੇਵਾਰੀ ਲਾਈ ਜਾ ਸਕਦੀ ਹੈ)।
> ਐਕਸਪਰਟ ਬੰਦੇ ਟ੍ਰੇਨਿੰਗ ਦੇਣ ਕਿ ਸੰਗਤ ਨੂੰ ਉਸ ਵੇਲੇ ਕੀ
ਕਰਨਾ ਚਾਹੀਦਾ ਹੈ ।
ਇਸ ਸਭ ਕੁੱਛ ਦੀ ਤਿਆਰੀ ਦਾ ਮਤਲਬ ਡਰ ਰੱਖਣਾ
ਨਹੀਂ ਬਲਕਿ ਦੂਰ ਅੰਦੇਸ਼ੀ ਨਾਲ ਤਿਆਰੀ ਕਰਕੇ ਭੈ ਰਹਿਤ ਹੋ ਕੇ ਵਿਚਰਨਾ
ਹੈ ।
{ ਆਪਣੀਆਂ ਕੀਮਤੀ ਸਲਾਹਾਂ ਜਰੂਰ ਦੇਣਾ ਤਾਂਕਿ ਅਸੀਂ ਰੱਲ ਕੇ ਚੰਗਾ
ਪ੍ਰਬੰਧ ਕਰ ਸਕੀਏ }