ਆਸਟਰੇਲੀਆ ਦੇ ਸਿੱਖ ਵਿਦਵਾਨ 26 ਜਨਵਰੀ 2018 ਦੇ ਦਿਨ ਸਿਡਨੀ ਵਿਚ ਚੜ੍ਹਾਈ ਕਰ ਗਏ ਹਨ।
ਇਹ ਦੁਖ ਭਰੀ ਜਾਣਕਾਰੀ ਸ ਬਲਬਿੰਦਰ ਸਿੰਘ ਆਸਟਰੇਲੀਆ ਨੇ ਖ਼ਬਰ ਦਿੱਤੀ ਹੈ।
ਸ. ਗੁਰਮੀਤ ਸਿੰਘ (ਜਨਮ 12.6.1935) ਕੌਮ ਦੇ ਉਨ੍ਹਾਂ
ਗਿਣੇ-ਚੁਣੇ ਲੋਕਾਂ ਵਿਚੋਂ ਸਨ, ਜਿਨ੍ਹਾਂ ਨੂੰ ਸਿੱਖ ਫ਼ਲਸਫ਼ੇ ਅਤੇ ਤਵਾਰੀਖ਼ ਦੀ ਸਹੀ ਸਮਝ
ਸੀ। ਸਿੱਖਾਂ ਵਿਚੋਂ ਉਹ ਗਿਣਤੀ ਦੇ ਉਨ੍ਹਾਂ ਲੋਕਾਂ ਵਿਚੋਂ ਸਨ ਜੋ ਸਿੱਖੀ ਬਾਰੇ
ਹਰ ਨਵੀਂ ਕਿਤਾਬ ਨੂੰ ਖ਼ਰੀਦਦੇ ਅਤੇ ਗਹੁ ਨਾਲ ਪੜ੍ਹਦੇ ਸਨ। ਆਸਟਰੇਲੀਆ ਵਿੱਚ ਉਨ੍ਹਾਂ ਨੇ
ਸਿੱਖ ਧਰਮ ਦੀ ਸਭ ਤੋਂ ਵੱਡੀ ਲਾਇਬਰੇਰੀ ਕਾਇਮ ਕੀਤੀ ਹੋਈ ਸੀ, ਜਿਸ ਵਿਚ ਸਿੱਖ ਧਰਮ ਬਾਰੇ
ਹਰ ਇਕ ਨਵੀਂ ਛਪੀ ਕਿਤਾਬ ਮੌਜੂਦ ਹੁੰਦੀ ਸੀ। ਕੌਮ ਨੂੰ ਅਜਿਹੇ ਵਧੀਆ ਸ਼ਖ਼ਸ ਦੇ ਚਲੇ ਜਾਣ
ਨਾਲ ਬਹੁਤ ਵੱਡਾ ਘਾਟਾ ਪਿਆ ਹੈ।
ਉਹ ਕੌਮ ਦੇ ਹਰ ਮਸਲੇ ‘ਤੇ
ਸੰਜੀਦਾ ਮਜ਼ਮੂਨ ਲਿਖਿਆ ਕਰਦੇ ਸਨ। ਪਹਿਲਾਂ ਉਹ ਪਾਪੂਆ ਨਿਊ ਗਿਨੀ ਵਿਚ ਵੀ ਰਹੇ ਸਨ ਤੇ
ਉਨ੍ਹਾਂ ਨੇ ਬਹੁਤ ਸਾਰੀਆਂ ਜ਼ੁਬਾਨਾਂ ਵਿੱਚ ਸਿੱਖ ਧਰਮ ਸਬੰਧੀ ਆਪਣੇ ਦਸਵੰਧ ਵਿਚੋਂ ਕਿਤਾਬਾਂ
ਛਾਪ ਕੇ ਮੁਫ਼ਤ ਵੰਡੀਆਂ ਸਨ। ਸਿੱਖ ਰੀਵੀਊ ਕਲਕੱਤਾ ਅਤੇ ਰੋਜ਼ਾਨਾ ਸਪੋਕਸਮੈਨ ਦੇ ਉਹ ਬਹੁਤ
ਸੰਜੀਦਾ ਸ਼ੁਭ ਚਿੰਤਕ ਸਨ ਅਤੇ ਇਨ੍ਹਾਂ ਵਿਚੋਂ ਲੇਖ ਅਤੇ ਖ਼ਬਰਾਂ ਨੂੰ ਉਹ ਸੋਸ਼ਲ ਮੀਡੀਆ ਰਾਹੀਂ
ਦੁਨੀਆਂ ਭਰ ਵਿਚ ਪਹੁੰਚਾਇਆ ਕਰਦੇ ਸਨ। ਉਨ੍ਹਾਂ ਦੇ ਚਲਾਣੇ ਨਾਲ ਅਸਟਰੇਲੀਆ ਵਿਚ ਸਿੱਖ
ਅਧਿਐਨ ਦਾ ਇਕ ਕਾਂਡ ਖ਼ਤਮ ਹੋ ਗਿਆ ਹੈ।
ਮੈਨੂੰ ਤਾਂ ਇੰਜ ਜਾਪਦਾ ਹੈ ਜਿਵੇਂ ਮੇਰਾ ਵੱਡਾ ਭਰਾ ਇਸ ਫ਼ਾਨੀ ਦੁਨੀਆਂ ਤੋਂ ਚਲਾ ਗਿਆ
ਹੋਵੇ।
ਟਿੱਪਣੀ: ਸ. ਗੁਰਮੀਤ ਸਿੰਘ ਦੇ
ਲੇਖ ਖ਼ਾਲਸਾ ਨਿਊਜ਼ 'ਤੇ ਵੀ ਪੋਸਟ ਹੁੰਦੇ ਰਹੇ ਹਨ, ਜਿਨ੍ਹਾਂ ਵਿੱਚੋਂ ਉਨ੍ਹਾਂ ਵੱਲੋਂ
ਰਾਗਮਾਲਾ, ਅਖੌਤੀ ਦਸਮ ਗ੍ਰੰਥ ਦੇ 24 ਅਵਤਾਰਾਂ ਦੇ ਲੇਖ, ਭਗੌਤੀ, ਅਤੇ ਕਈ ਹੋਰ ਲੇਖ। ਸ.
ਗੁਰਮੀਤ ਸਿੰਘ ਸਿਡਨੀ ਦੇ ਇਸ ਫਾਨੀ ਦੁਨੀਆ ਤੋਂ ਚਲੇ ਜਾਣ ਦਾ ਦੁੱਖ ਹੈ। ਅਕਾਲ ਪੁਰਖ ਪਿਛੇ
ਰਹਿ ਗਏ ਪਰਿਵਾਰ ਨੂੰ ਹੌਂਸਲਾ ਅਤੇ ਇਸ ਦੁੱਖ ਨੂੰ ਸਹਾਰਨ ਦਾ ਬਲ ਬਖਸ਼ੇ।
ਮੱਛ ਅਵਤਾਰ, ਕੱਛ
ਅਵਤਾਰ, ਕ੍ਰਿਸਨਾਵਤਾਰ, ਨਰ
ਨਾਰਾਇਣ ਅਵਤਾਰ, ਮਹਾ
ਮੋਹਨੀ ਅਵਤਾਰ, ਬੈਰਾਹ
(ਵਾਰਾਹ) ਅਵਤਾਰ, ਨਰਸਿੰਘ
ਅਵਤਾਰ, ਬਾਵਨ
ਅਵਤਾਰ, ਪਰਸਰਾਮ
ਅਵਤਾਰ
ਬ੍ਰਹਮਾ ਅਵਤਾਰ, ਰੁਦਰ
ਅਵਤਾਰ {ਪਹਿਲਾ ਭਾਗ}, ਰੁਦਰ
ਅਵਤਾਰ {ਦੂਜਾ ਭਾਗ}, ਜਲੰਧਰ
ਅਵਤਾਰ, ਬਿਸਨੁ
(ਵਿਸ਼ਣੂ) ਅਵਤਾਰ, ਮਧੁ
ਕੈਟਬ ਬਧਨ ਅਵਤਾਰ, ਅਰਿਹੰਤ
ਦੇਵ ਅਵਤਾਰ
ਮਨੁ ਰਾਜਾ ਅਵਤਾਰ, ਧਨੰਤਰ
ਵੈਦ ਅਵਤਾਰ, ਸੂਰਜ
ਅਵਤਾਰ, ਚੰਦ
ਅਵਤਾਰ, ਰਾਮ
ਅਵਤਾਰ, ਕ੍ਰਿਸ਼ਨ
ਅਵਤਾਰ, ਨਰ
(ਅਰਜੁਨ) ਅਵਤਾਰ ਅਤੇ ਬੁੱਧ ਅਵਤਾਰ,
ਨਿਹਕਲੰਕੀ ਅਵਤਾਰ
- ਸੰਪਾਦਕ ਖ਼ਾਲਸਾ ਨਿਊਜ਼
ਜੇ
ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।
