ਜਾਗਦ ੀ
ਜ਼ਮੀਰ ਵਾਲੇ ਸਿੱਖ ਨੌਜਵਾਨ ਨੇ ਚੋਣ ਪ੍ਰਚਾਰ ਲਈ ਆਏ ਪੰਜਾਬ ਪੁਲਿਸ ਦੇ ਸਾਬਕਾ ਡੀ.ਜੀ.ਪੀ. ਪਰਮਦੀਪ
ਸਿੰਘ ਗਿੱਲ ਨੂੰ ਸਵਾਲਾਂ ਦੀ ਝੜੀ ਲਾ ਦਿੱਤੀ
ਅੱਜ ਜਿੱਥੇ ਅਸੀਂ ਸਟੇਜਾਂ 'ਤੇ ਬੈਠ ਕੇ ਲੈਕਚਰ ਕਰਦੇ ਜਾਂ ਸੁਣਦੇ
ਹਾਂ, ਉੱਥੇ ਵਖਤ ਉੱਪਰ ਜੇ
ਉਹਨਾਂ ਗੱਲਾਂ ਦੀ ਵਰਤੋਂ ਸਹੀ ਢੰਗ ਨਾਲ, ਸਹੀ ਸਮੇਂ ਉੱਤੇ ਕਰ ਲਈ ਜਾਵੇ, ਤਾਂ ਸੋਨੇ ਤੇ ਸੁਹਾਗੇ
ਵਾਲੀ ਗੱਲ ਹੈ। ਕਾਸ਼ ਕਿਤੇ ਗੁਰੂ ਨਾਨਕ ਸਾਹਿਬ ਦਾ ਬਾਬਰ ਨੂੰ ਮਾਰਿਆ ਹੋਕਾ, ਸਾਡੇ ਧੁਰ ਆਤਮਾ
ਤੱਕ ਉੱਤਰ ਜਾਂਦਾ ਕਿ ਬਾਬਰ ਤੂੰ ਜਾਬਰ ਹੈ। ਲੀਡਰਾਂ ਦੇ ਝੂਠੇ ਸੱਚੇ ਭਾਸ਼ਣ ਸੁਣ ਕੇ ਜੈਕਾਰੇ
ਮਾਰਨ ਵਾਲੀ ਕੌਮ, ਆਖਿਰ ਕਦੋਂ ਜਾਗਰੂਕ ਹੋਵੇਗੀ। ਹੁਣ ਹੀ ਸਮਾਂ ਹੈ ਕਿਉਂਕਿ ਵੋਟਾਂ ਮੰਗਣ ਲਈ
ਸਾਡੇ ਦਰਵਾਜੇ ਖੜਕਾਉਣ ਹਰ ਲੀਡਰ ਆਵੇਗਾ, ਉਸ ਨਾਲ ਅਸੀ ਪਿੰਡ ਦੀਆਂ ਗਲ਼ੀਆਂ, ਨਾਲੀਆਂ ਪੱਕੀਆਂ
ਕਰਵਾਉਣ ਦੀ ਗੱਲ ਤਾਂ ਜ਼ੋਰ ਦੇ ਕੇ ਕਰਦੇ ਹਾਂ, ਪਰ ਕੌਮੀ ਮੁੱਦਿਆਂ 'ਤੇ ਗੱਲ ਕਰਨ ਤੋਂ ਭੱਜਦੇ
ਹਾਂ।
ਇਹ ਕੰਮ ਕੀਤਾ ਹੈ, ਗੁਰਮਿਤ ਪ੍ਰਚਾਰ ਕੇਂਦਰ ਚੁੱਪਕੀਤੀ ਮੋਗਾ ਦੇ
ਵੀਰ ਸ਼ੌਕੀਨ ਸਿੰਘ ਨੇ, ਜੋ
ਕੇ ਇਸ ਕੇਦਰ ਨੂੰ ਚਲਾ ਵੀ ਰਹੇ ਹਨ। ਉਹਨਾਂ ਦੇ ਸਹਿਯੋਗੀ ਵੀਰਾਂ ਨੇ ਜਿੰਨ੍ਹਾਂ ਪਿੰਡ ਵਿਚ ਆਏ
ਸਿਆਸੀ ਲੀਡਰ ਨੂੰ ਨਿਧੜਕ ਹੋ ਕੇ ਸਵਾਲ ਪੁੱਛੇ। ਮੇਰੇ ਖਿਆਲ ਨਾਲ ਇਹ ਇਕ ਲਹਿਰ ਦੀ ਸ਼ੁਰੂਆਤ
ਹੈ, ਜਿਸ ਤੋਂ ਸਾਡੀ ਕੌਮ ਦੇ ਨੌਜਵਾਨ ਵੀਰਾਂ ਨੂੰ ਸੇਧ ਲੈਣ ਦੀ ਲੋੜ ਹੈ। ਜੇ ਲੀਡਰ ਮਾੜੇ ਨੇ
ਤਾਂ ਅਸੀਂ ਗਲਤ ਵੋਟ ਪਾਉਣ ਵਾਲੇ ਵੀ ਤਾਂ ਕੋਈ ਚੰਗੇ ਨਹੀਂ, ਜਿੰਨ੍ਹਾਂ ਨੂੰ ਆਪਣੀਆਂ ਵੋਟਾਂ
ਦੀ ਸਹੀ ਵਰਤੋਂ ਕਰਨੀ ਨਹੀਂ ਆਈ, ਤਾਂ ਅੱਜ ਜੋ ਕੌਮ ਦੀ ਦੁਰਦਸ਼ਾ ਹੋਈ ਹੈ, ਨਾ ਹੁੰਦੀ।
ਗੁਰੂ ਪੰਥ ਦਾ ਦਾਸ
ਗੁਰਸ਼ਰਨ ਸਿੰਘ
