ਇਹ ਹੈ ਉਹ "ਹੁਕਮਨਾਮਾ" ਜੋ
ਸਾਬਕਾ ਜਥੇਦਾਰ ਭਾਈ
ਰਣਜੀਤ ਸਿੰਘ
ਨੇ ਕੈਨੇਡਾ ਦੇ ਗੁਰਦੁਆਰਿਆਂ ਦੇ ਪ੍ਰਬੰਧਕਾਂ ਦੇ ਖਿਲਾਫ
ਕੱਢਿਆ ਸੀ, ਜਿਸ ਦਾ ਵਿਰੋਧ ਪ੍ਰਬੰਧਕਾਂ ਨੇ ਕੀਤਾ ਸੀ, ਜਿਨ੍ਹਾਂ ਵਿੱਚ ਛੇ
ਜਣਿਆਂ ਨੂੰ ਨਾਫੁਰਮਾਨੀ ਕਰਕੇ ਛੇਕ ਦਿੱਤਾ ਗਿਆ ਸੀ।
ਖ਼ਾਲਸਾ ਨਿਊਜ਼ ਐਸੇ ਅਖੌਤੀ ਹੁਕਮਨਾਮਿਆਂ ਨੂੰ ਨਹੀਂ ਮੰਨਦੀ, ਕਿਉਂਕਿ
ਹੁਕਮਨਾਮਾ ਸਿਰਫ ਗੁਰੂ ਦਾ ਹੈ, ਕਿਸੇ ਮਨੁੱਖ ਦਾ ਨਹੀਂ। ਖਾਸਕਰ ਇਸ ਤਰ੍ਹਾਂ
ਦੇ ਨਾਦਰਸ਼ਾਹੀ ਫੁਰਮਾਨ, ਜਿਨ੍ਹਾਂ ਦਾ ਕੋਈ ਸਿਰਪੈਰ ਨਹੀਂ। ਲੰਗਰ ਦਾ
ਸੰਬੰਧ ਸ਼ਰੀਰ ਨਾਲ ਹੈ, ਧਰਮ ਨਾਲ ਨਹੀਂ। ਹਾਂ, ਇਹ ਜ਼ਬਰਦਸਤੀ ਨਹੀਂ ਹੋਣੀ
ਚਾਹੀਦੀ ਕਿ ਥੱਲੇ ਹੀ ਬੈਠਕੇ ਖਾਣਾ ਹੈ, ਨਾ ਹੀ ਇਹ ਜ਼ਬਰਦਸਤੀ ਹੋਣੀ ਚਾਹੀਦੀ
ਹੈ ਕਿ ਕੁਰਸੀਆਂ 'ਤੇ ਬੈਠ ਕੇ ਹੀ ਖਾਣਾ ਹੈ। ਜੇ ਕਿਸੇ ਨੂੰ ਗੋਡਿਆਂ ਆਦਿ
ਦੀ ਤਕਲੀਫ ਹੈ, ਬਜ਼ੁਰਗ ਹੈ, ਜਾਂ ਹੋਰ ਕੋਈ ਸ਼ਾਰੀਰਿਕ ਤਕਲੀਫ ਹੈ, ਕੁਰਸੀਆਂ
'ਤੇ ਲੰਗਰ ਛੱਕਣਾ ਕੋਈ ਪਾਪ ਨਹੀਂ। ਗੁਰਦੁਆਰਿਆਂ 'ਚ ਦੋਵੇਂ ਤਰ੍ਹਾਂ ਦੀ
ਸਹੂਲਤ ਹੋਣੀ ਚਾਹੀਦੀ ਹੈ। ਲੰਗਰ ਦੇ ਸੰਬੰਧ ਵਿੱਚ ਇਹੋ ਜਿਹੇ "ਫੁਰਮਾਨ"
ਕੋਈ ਸਿਆਣਪ ਵਾਲੀ ਗੱਲ ਨਹੀਂ, ਧੱਕੇਸ਼ਾਹੀ ਹੈ।
- ਸੰਪਾਦਕ ਖ਼ਾਲਸਾ ਨਿਊਜ਼
