Khalsanews

ਕਥਾ
- ਗੁਰਦੇਵ ਸਿੰਘ ਸੱਧੇਵਾਲੀਆ

ਖ਼ਾਲਸਾ ਨਿਊਜ਼ ਵਿਚ ਕੱਲ ਦੀ ਗੱਲ ਪੜ੍ਹਕੇ ਮੇਰੇ ਇੱਕ ਬੜੇ ਪੁਰਾਣੇ ਮਿੱਤਰ ਦਾ ਫੋਨ ਆਇਆ ਕਿ ਯਾਰ ਪਿੰਦਰਪਾਲ ਫਿਰ ਵੀ ਦੂਜਿਆਂ ਨਾਲੋਂ ਚੰਗਾ ਹੈ ਅਤੇ ਵਿਦਵਾਨ ਵੀ ਹੈ, ਤੂੰ ਲਿਖਣ-ਬੋਲਣ ਲੱਗਾ ਵਿੰਹਦਾ ਕੁੱਝ ਨਹੀਂ। ਉਹ ਕਾਫੀ ਚਿਰ ਮੇਰੇ ਨਾਲ ਲੱਗਾ ਰਿਹਾ, ਪਰ ਗੱਲ ਕਿਸੇ ਪਾਸੇ ਥੋੜਾ ਲੱਗਣੀ ਸੀ, ਕਿਉਂਕਿ ਉਹ ਪਿੰਦਰਪਾਲ ਦੇ ਲਫਜਾਂ ਨੂੰ ਫੜਕੇ ਬੈਠ ਗਿਆ ਸੀ ਜਿਹੜੇ ਉਸ ਦੇ ਨਹੀਂ ਸਨ ਰਹੇ, ਕਿਉਂਕਿ ਪਿੰਦਰਪਾਲ ਹੀ ਖੁਦ ਅਪਣੇ ਆਪ ਦਾ ਨਹੀਂ ਰਿਹਾ ਤਾਂ ਲਫਜ ਉਸ ਦੇ ਅਪਣੇ ਕਿਵੇਂ ਹੋ ਜਾਣਗੇ। ਹੋ ਜਾਣਗੇ?

ਮੇਰੇ ਵੀਰ ਨੂੰ ਇਹ ਸਮਝਣ ਵਿਚ ਔਖ ਹੋ ਰਹੀ ਸੀ ਕਿ ਮੈਂ ਇਕ ਪਿੰਦਰਪਾਲ ਦੀ ਗੱਲ ਨਹੀਂ ਕਰ ਰਿਹਾ ਮੈਂ ਤਾਂ ਪਹੇ ਨੂੰ ਰੋ ਰਿਹਾ ਹਾਂ। ਗੁਰਦੇਵ ਸਿੰਘ ਸੱਧੇਵਾਲੀਆ ਜੋ ਮਰਜੀ ਲਿਖੀ ਜਾਵੇ ਉਸ ਦਿਨ ਮਿੱਟੀ ਹੋ ਜਾਣਾ, ਸਭ ਜਦ ਕੋਈ ਊਂਝ ਲੱਗ ਗਈ ਕਿ ਇਹ ਵੀ ਕੌਮ ਦੇ ਕਾਤਲਾਂ ਨਾਲ ਚਾਹ ਦੀ ਪਿਆਲੀ ਪੀ ਆਇਆ ਅਤੇ ਹੱਥ ਮਿਲਾ ਆਇਆ।

ਪਿੰਦਰਪਾਲ ਸਿਆਂ ਸੁਣ ਲੈ ਭਾਈ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਕੋਲੋਂ ਤੇਰੇ ਆਕਾ ਬਾਦਲ ਦਾ ਹਾਲ

ਬਾਬਾ ਜਰਨੈਲ ਸਿੰਘ ਦੀਆਂ ਚਾਰ ਬਾਹਾਂ ਤੇ ਦੱਸ ਸਿਰ ਨਹੀਂ ਸਨ। ਪਰ ਕਿਥੇ ਬਾਬਾ ਤੇ ਕਿਥੇ ਲੌਂਗੋਵਾਲੀਆ ਜਾਂ ਬਾਦਲ ਟੌਹਰਾ! ਕਿਉਂ? ਬਾਬੇ ਨੂੰ ਵੀ ਇੰਦਰਾ ਕਹਿੰਦੀ ਸੀ ਕਿ ਆ ਕੇ ਮਿਲ ਮੈਨੂੰ। ਪਰ ਬਾਬਾ ਕਿਉਂ ਨਾ ਮਿਲਿਆ ਉਸ ਔਰਤ ਨੂੰ? ਬਾਬੇ ਨੂੰ ਪਤਾ ਸੀ ਦੁਸ਼ਮਣ ਨਾਲ ਹੱਥ ਮਿਲਾਉਂਣਾ ਕਿੰਨਾ ਘੋਰ ਪਾਪ ਤੇ ਗੀਦੀਪੁਣਾ ਹੈ। ਬੱਅਸ ਇਹੀ ਗੱਲ ਪਿੰਦਰਪਾਲ ਦੇ ਸਮਰਥਕ ਸਮਝ ਨਹੀਂ ਰਹੇ। ਉਨ੍ਹਾਂ ਨੂੰ ਇਕੋ ‘ਦਸਮ ਗਰੰਥ’ ਦਾ ਭੂਤ ਸਵਾਰ ਹੋਇਆ ਹੋਇਆ। ‘ਦਸਮ ਗਰੰਥ’ ਖਾਤਰ ਤਾਂ ਉਹ ਗਿਰੇ ਤੋਂ ਗਿਰੇ ਬੰਦੇ ਨੂੰ ਮਾਫ ਕਰ ਦੇਣਗੇ। ਜਿਵੇਂ ਜੂਆਂ ਖਾਧੇ ਭੰਗੀਆਂ ਨੂੰ? ਇਥੋਂ ਤੱਕ ਕਿ ਬਾਦਲ ਨੂੰ ਵੀ। ਧੁੰਮਾ ਵੀ ਕੀਤਾ ਕੀਤਾ ਹੋਇਆ! ਉਹ ਭਰਾ ਮੇਰੇ ਗੱਲ ਨੂੰ ਸਮਝਣ ਦੀ ਕੋਸ਼ਿਸ਼ ਹੀ ਨਹੀਂ ਕਰ ਰਹੇ ਕਿ ਦੁਸ਼ਮਣਾ ਸੱਪ ਦੇ ਮੂੰਹ ਕਿਵੇਂ ਕੋਹੜ ਕਿਰਲੀ ਤੁੰਨ ਦਿੱਤੀ ਹੈ, ਜਿਹੜੀ ਨਾ ਅੰਦਰ ਜਾਵੇ ਨਾ ਬਾਹਰ।

ਬਾਦਲ ਦੀ ਅਮੀਰੀ ਕੀ ਬਾਬੇ ਜਰਨੈਲ ਸਿੰਘ ਨੂੰ ਨਹੀਂ ਸੀ ਪਤਾ? ਪਰ ਉਹ ਬਾਦਲ ਨੂੰ ਕਿਉਂ ਪੈਂਦਾ ਸੀ ਉੱਡਣੇ ਸੱਪ ਵਾਗੂੰ? ਉਸ ਨੂੰ ਪਤਾ ਸੀ ਇਨ੍ਹਾਂ ਗੀਦੀਆਂ ਦਿੱਲੀ ਦੀਆਂ ਜੁੱਤੀਆਂ ਚੱਟਣ ਲੱਗਿਆਂ ਮਿੰਟ ਨਹੀਂ ਲਾਉਂਣਾ। ਤੇ ਉਹੀ ਹੋਇਆ ਨਾ? ਤੇ ਪਿੰਦਰਪਾਲ ਜਾਂ ਹੋਰ ਭੰਡ ਉਨ੍ਹਾਂ ਦੇ ਜੁੱਤੀ ਚੱਟ ਬਣ ਕੇ ਰਹਿ ਗਏ ਜਿਹੜੇ ਅਗਾਂਹ ਅਡਵਾਨੀਆਂ ਦੀਆਂ ਚੱਟਦੇ ਫਿਰ ਰਹੇ ਹਨ?

ਸਾਨੂੰ ਕੋਈ ਦੁੱਖ ਨਾ ਸੀ ਪਿੰਦਰਪਾਲ ਜਿਥੇ ਮਰਜੀ ਝੱਖ ਮਾਰਦਾ ਫਿਰਦਾ, ਪਰ ਸਾਨੂੰ ਦੁੱਖ ਇਹ ਕਿ ਉਹ ਗੱਲਾਂ ਬਾਬਾ ਜਰਨੈਲ ਸਿੰਘ ਦੀਆਂ ਕਰਦਾ, ਪਰ ਬਾਬੇ ਜਰਨੈਲ ਸਿੰਘ ਤੇ ਬਾਦਲਾਂ ਦਾ ਮੇਲ ਕੀ? ਹੈ ਕੋਈ? ਕੌਮ ਨੇ ਪਿੰਦਰਪਾਲ ਨੂੰ ਇਨਾ ਮਾਨ-ਸਨਮਾਨ ਦਿੱਤਾ ਸੀ, ਉਸ ਆਹ ਮੁੱਲ ਪਾਇਆ ਕਿ ਅਕਾਲ ਤਖਤ ਸਾਹਿਬ ਢਾਹੁਣ ਅਤੇ ਹਜਾਰਾਂ ਸਿੱਖਾਂ ਦਾ ਕਤਲ ਕਰਨ ਵਾਲੀ ਦਿੱਲੀ ਨੂੰ ਚਿੱਠੀਆਂ ਪਾ ਕੇ ਸੱਦਣ ਵਾਲੇ ਬਾਦਲ ਨਾਲ ਜਾ ਰਲਿਆ?

ਚਲੋ, ਜੇ ਪਿੰਦਰਪਾਲ ਦੀ ਯਾਦਅਸ਼ਤ ਕਮਜੋਰ ਹੈ, ਕਿ ਉਹ 84 ਭੁੱਲ ਗਿਆ ਹੈ ਤਾਂ ਹੁਣ ਆ ਜਾਓ। ਹੁਣ ਦੀ ਤਾਜੀ ਹੈ ਜਦ ਬਾਦਲਾਂ ਹਜਾਰਾਂ ਸਿੱਖਾਂ ਨੂੰ ਕੋਹ ਕੋਹ ਕੇ ਮਾਰਨ ਵਾਲੇ ਸੁਮੇਧ ਸੈਣੀ ਨੂੰ ਫਿਰ ਪੰਜਾਬ ਦੇ ਸਿਰ ਲਿਆ ਬੈਠਾਇਆ! ਮਾਲ ਮੰਡੀ ਦੀਆਂ ਚੀਖਾਂ ਪਿੰਦਰਪਾਲ ਨੂੰ ਨਹੀਂ ਸੁਣੀਆਂ? ਤੇ ਉਨ੍ਹਾਂ ਸਾਡੀਆਂ ਧੀਆਂ ਤੇ ਭੈਣਾਂ ਦੀਆਂ। ਜਿੰਨਾ ਦੇ ਰੇਪ ਸੁਮੇਧ ਸੈਣੀ ਨੇ ਸਾਹਵੇਂ ਕਰਵਾਏ? ਤੇ ਸਿੱਖ ਨੌਜਵਾਨੀ ਦੇ ਲਹੂ ਵਿਚ ਹੱਥ ਧੋਣ ਵਾਲਾ ਇਜ਼ਹਾਰ ਆਲਮ? ਪਿੰਦਰਪਾਲ ਨੂੰ ਆਲਮ ਸੈਨਾ ਸ਼ਾਇਦ ਭੁੱਲ ਗਈ ਹੋਵੇ ਭਰਾਵੋ, ਪਰ ਸਾਡੇ ਮਾਰੇ ਗਇਆਂ ਦਾ ਕਾਤਲ ਆਲਮ ਅਸੀਂ ਕਿਉਂ ਭੁੱਲੀਏ।

ਪਰ ਪਿੰਦਰਪਾਲ? ਤੇ ਉਸ ਨੂੰ ਸੱਦਣ ਵਾਲੇ? ਇਸ ਦੀ ਕਥਾ ਖੁਣੋਂ ਸਿੱਖ ਰਹਿ ਚਲੇ? ਜੰਗਲਾਂ ਵਿਚ ਘੋੜਿਆਂ ਦੀਆਂ ਕਾਠੀਆਂ ਤੇ ਰਹਿ ਕੇ ਸਿਰ ਦੇਣ ਵਾਲੇ ਸੂਰਬੀਰਾਂ ਦੀ ਕਥਾ ਕੌਣ ਕਰਦਾ ਸੀ? ਉਨ੍ਹਾਂ ਦਾ ਉੱਚਾ ਤੇ ਸੁੱਚਾ ਇਖਲਾਕ ਉਨ੍ਹਾਂ ਦੀ ਆਪ ਹੀ ਕਥਾ ਸੀ, ਜਿਹੜਾ ਹੁਣ ਸਿੱਖ ਕੋਲੇ ਰਿਹਾ ਨਹੀਂ ਤੇ ਉਹ ਪਿੰਦਰਪਾਲ, ਸ੍ਰੀ ਨਗਰ, ਢੱਡਰੀ ਜਾਂ ਪਿਹੋਵੇ ਵਾਲੇ ਕੋਲੋਂ ਪ੍ਰਚਾਰ ਭਾਲ ਰਿਹਾ ਹੈ। ਇੰਝ ਹੀ ਹੈ ਨਾ?

<< ਸ੍ਰ. ਗੁਰਦੇਵ ਸਿੰਘ ਸੱਧੇਵਾਲੀਆ ਦੀਆਂ ਹੋਰ ਲਿਖਤਾਂ >>


Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views. Read full details....