ਇਹ
ਕੀ ? ਲੰਗਰ ਹਾਲ ਦੀ ਰਸੋਈ ਵਿਚ ਵੇਖਦੇ ਹੋਏ ਹਰਮਨ ਨੇ ਕਿਹਾ ? ਇਹ ਕਿਹੜੀ ਲੰਗਰ ਦੀ ਸੇਵਾ ਹੋ
ਰਹੀ ਹੈ ? ਕੋਈ ਗੁਰਬਾਣੀ ਦਾ ਪਾਠ ਨਹੀਂ ? ਕੋਈ ਗੁਰੂ ਕਾ ਸਿਖ ਸੇਵਾ ਤੇ ਨਹੀਂ ? ਹਲਵਾਈ ਲੰਗਰ
ਪਕਾ ਰਹੇ ਹਨ ਤੇ ਪਤਿਤ ਜਾਂ ਸਿਰਗੁੰਮ ਬੰਦੇ ਹੀ ਰੁਮਾਲੇ ਬੰਨੀ ਲੰਗਰ ਵਰਤਾ ਰਹੇ ਹਨ !
ਹਰਜੋਤ ਸਿੰਘ : ਕੌੜੀ ਗੱਲ, ਗੁਰੂਦੁਆਰੇ ਜਿਆਦਾ ਹੋ ਗਏ ਹਨ
ਤੇ ਸਿੱਖਾਂ ਕੋਲੋਂ ਸਿਆਸਤ ਵਾਸਤੇ ਸਮਾਂ ਵਧ ਗਇਆ ਹੈ ਤੇ ਸੇਵਾ ਕਰਨ ਦਾ ਸਮਾਂ ਘਟ ਗਇਆ ਹੈ !
ਪਰ ਜਗਤ ਦਿਖਾਵਾ ਕਰਨ ਲਈ ਗੁਰੂਦੁਆਰੇ ਵਿਚ ਲੰਗਰ ਚਲਾਉਣਾ ਸਿਆਸੀ ਪ੍ਰਬੰਧਕਾਂ ਦੀ ਮਜਬੂਰੀ ਬਣ
ਚੁੱਕੀ ਹੈ ! ਪ੍ਰੇਮ ਨਾਲ ਜੋ ਸੰਗਤਾਂ ਆਪ ਲੰਗਰ ਪਕਾਂਦੀਆਂ ਤੇ ਵਰਤਾਉਂਦੀਆਂ ਸਨ, ਓਹ ਪਿਰਤ
ਹੌਲੇ-ਹੌਲੇ ਗੁਵਾਚਦੀ ਜਾ ਰਹੀ ਹੈ !
ਹਰਮਨ ਸਿੰਘ : ਪਰ ਇਹ ਬਹੁਤੇ ਸੇਵਾਦਾਰ ਜਿਨ੍ਹਾਂ ਦੀ ਡਿਉਟੀ
ਲਗਦੀ ਹੈ ਲੰਗਰ ਤੇ ਪਰ ਓਹ ਆਪ ਲੰਗਰ ਕਿਓਂ ਨਹੀਂ ਪਕਾਉਂਦੇ ? ਇੱਕ ਪਾਸੇ ਬੈਠੇ ਰਹਿੰਦੇ ਹਨ ਤੇ
ਇਨ੍ਹਾਂ ਲੋਕਾਂ ਕੋਲੋਂ ਲੰਗਰ ਪਕਾਉਣ ਤੋਂ ਲੈ ਕੇ ਲੰਗਰ ਵਰਤਾਉਣ ਦੇ ਸਾਰੇ ਕਾਰਜ ਕਰਵਾਉਂਦੇ
ਨਜ਼ਰ ਆਉਂਦੇ ਨੇ ? ਮੈਂ ਸੁਣਿਆ ਹੈ ਕੀ ਕਈ ਸੇਵਾਦਾਰਾਂ ਨੇ ਅੱਗੋ ਇਨ੍ਹਾਂ ਨੂੰ ਨੌਕਰੀ ਤੇ
ਰਖਿਆ ਹੋਇਆ ਹੈ ?
ਹਰਜੋਤ ਸਿੰਘ : ਵੀਰ, ਧਿਆਨ ਨਾਲ ਸਮਝਿਆ ਜਾਵੇ ਤੇ “ਲੰਗਰ”
ਦਾ ਮਤਲਬ ਹੈ “ਰੁਕਣਾ, ਠਹਿਰ ਜਾਣਾ” ਤੇ ਕਿਸੀ ਵੀ ਜਹਾਜ਼ ਨੂੰ ਰੋਕ ਕੇ ਰਖਣ ਵਿਚ ਲੰਗਰ ਦਾ ਹੀ
ਸਹਾਰਾ ਹੁੰਦਾ ਹੈ ! ਸਿੱਖੀ ਸਿਦ੍ਧਾਂਤ ਵਿਚ “ਗੁਰੂ ਕਾ ਲੰਗਰ” ਸਿੱਖ ਨੂੰ ਵੰਡ ਕੇ ਛਕਣਾ ਤੇ
ਘਾਲ ਖਾਏ ਕਿਛ ਹਥੋਂ ਦੇ ਦਾ ਦ੍ਰਿਸ਼ਟਾਂਤ ਪੇਸ਼ ਕਰਦਾ ਹੈ ਅਤੇ ਵਰਨ-ਵੰਡ ਤੇ ਛੋਟੇ-ਵੱਡੇ ਦੀ
ਲਾਹਨਤ ਨੂੰ ਕਰਾਰੀ ਚਪੇੜ ਮਾਰਦਾ ਹੈ !
ਪਰ ਅੱਜ ਲੰਗਰ ਨੂੰ ਦਾਵਤ ਬਣਾ ਦਿੱਤਾ ਜਾ ਰਿਹਾ ਹੈ ! ਖਾਲੀ ਦੋ ਪਰਸ਼ਾਦੇ ਖਾ ਲੈਣਾ ਲੰਗਰ ਨਹੀਂ
ਹੁੰਦਾ ਲੰਗਰ ਇੱਕ ਸੰਸਥਾ ਹੈ ਜੋ ਸਾਨੂੰ ਗੁਰਮੁਖ ਗਾਡੀ ਰਾਹ ਸਹਿਜੇ ਪ੍ਰੇਮ ਨਾਲ ਸਿਖਾਉਂਦਾ ਹੈ
! ਗੁਰਬਾਣੀ ਪੜ੍ਹਦੇ ਤੇ ਗੁਰੂ ਦੇ ਪਿਆਰ ਵਿਚ ਭਿੱਜੇ ਸਿੱਖ ਤੇ ਸਿਖਣੀਆਂ ਜਦੋਂ ਲੰਗਰ ਪਕਾਉਂਦੇ
ਹਨ ਤੇ ਇੰਜ ਲਗਦਾ ਹੈ ਜਿਵੇਂ ਭਾਈ ਲਾਲੋ ਨੇ ਗੁਰੂ ਨਾਨਕ ਸਾਹਿਬ ਵਾਸਤੇ ਲੰਗਰ ਪਕਾਇਆ ਹੋਵੇ !
ਸਿੱਖ ਦਾ ਪਿਆਰ ਲੰਗਰ ਨੂੰ ਲੰਗਰ ਬਨਾਉਂਦਾ ਹੈ ਵਰਨਾ ਰੋਟੀ ਤੇ ਸਾਰੇ ਸੰਸਾਰ ਵਿਚ ਮਿਲਦੀ ਹੈ !
ਹਰਮਨ ਸਿੰਘ : ਵਾਹ ਵੀਰ ਜੀ ਵਾਹ, ਤੁਸੀਂ ਤੇ ਇੱਕਦਮ ਹੀ
ਨਕਸ਼ਾ ਖਿਚ ਦਿੱਤਾ ਗੁਰੂ ਕੇ ਲੰਗਰ ਦਾ ! ਬਾਕੀ ਸੰਸਾਰ ਵਿਚ “ਦਾਨਾ ਪਾਣੀ ਖਿਚ ਕੇ ਲਿਆਂਦਾ,
ਕੌਣ ਕਿਸੇ ਦਾ ਖਾਂਦਾ ?”