ਗੁਰੂ ਗ੍ਰੰਥ ਸਾਹਿਬ ਅਤੇ ਪੰਥਿਕ ਰਹਿਤ ਮਰਿਆਦਾ ਦੀਆਂ ਸ਼ਰੇਆਮ ਧੱਜੀਆਂ
ਉਡਾਉਣ ਵਾਲਾ ਟੀਵੀਡੇਲ ਦਾ ਕਾਲਕਾ ਪੰਥੀ ਗਰੁੱਪ ਜੋ ਅਖੌਤੀ ਸਿੱਖ ਚੈਨਲ ਤੇ ਬਚਿੱਤਰ ਨਾਟਕ
ਵਰਗੀਆਂ ਕਲੰਕਤ ਰਚਨਾਵਾਂ ਨੂੰ ਬੇਝਿਜੱਕ ਪ੍ਰਸਾਰਿਤ ਕਰਨ ਦਾ ਦੁਰਸਾਹਸ ਕਰ ਰਿਹਾ ਹੈ।
ਆਖਿਰ ਗੁਰੂ ਗਰੰਥ ਸਾਹਿਬ ਨੂੰ ਚੈਲੰਜ ਕਿਉਂ ਕੀਤਾ ਜਾ ਰਿਹਾ ਹੈ?
ਪਵਿੱਤਰ ਗੁਰਬਾਣੀ ਦਾ ਫੁਰਮਾਨ ਹੈ ਕਿ -
ਸਰਮੁ ਧਰਮੁ ਦੁਇ ਛਪਿ ਖਲੋਏ ਕੂੜ ਫਿਰੇ
ਪਰਧਾਨੁ ਵੇ ਲਾਲੋ॥ (ਪੰਨਾ ੭੨੨)
ਜਦੋ ਮਨੁੱਖਤਾ ਵਿੱਚੋਂ ਸ਼ਰਮ ਅਤੇ ਧਰਮ ਦੋਵੇਂ ਖਤਮ ਹੋ ਜਾਂਦੇ ਹਨ,
ਤਾਂ ਉਦੋਂ ਸੁਭਾਵਿਕ ਹੀ ਕੂੜ ਹਾਥੀ ਤੇ ਸਵਾਰ ਹੋ ਕੇ ਮਨੁੱਖੀ ਕਦਰਾਂ ਕੀਮਤਾਂ ਨੂੰ ਖੁੰਝੇ
ਲਾ ਦਿੰਦਾ ਹੈ। ਇਸੇ ਤਰ੍ਹਾਂ ਟੀਵੀਡੇਲ ਦੀ ਕਾਲਕਾ ਜਮਾਤ ਆਪਣੀ ਸ਼ਰਮ ਖੋਹ ਚੁੱਕੀ ਹੈ, ਅਤੇ
ਅਖੌਤੀ ਸਿੱਖ ਚੈਨਲ ਆਪਣਾ ਧਰਮ ਖੋਹ ਚੁੱਕਾ ਹੈ।