ਵਾਹਿਗੁਰੂ ਜੀ ਕਾ ਖਾਲਸਾ ॥
ਵਾਹਿਗੁਰੂ ਜੀ ਕੀ ਫਤਿਹ ॥
ਜਨਵਰੀ 23, 2013:
ਪ੍ਰੋ. ਦਰਸ਼ਨ ਸਿੰਘ ਜੀ, ਸ: ਗੁਰਤੇਜ ਸਿੰਘ ਜੀ ਅਤੇ
ਹੋਰ ਕੋਮ ਦੇ ਜਾਗਰੂਕ ਗੁਰਸਿੱਖ ਪੰਤਵੰਤੇ ਸੱਜਣਾਂ ਵਲੋਂ ਜੋ “ਗੁਰੂ ਗ੍ਰੰਥ ਦਾ ਖਾਲਸਾ ਪੰਥ”
ਜਥੇਬੰਦੀ ਹੋਂਦ ਵਿਚ ਲਿਆਂਦੀ ਹੈ। ਅਸੀਂ ਮਿਸ਼ੀਗਨ, ਅਮਰੀਕਾ
ਦੇ ਵਾਸੀ ਇਹ ਅਹਿਦ ਕਰਦੇ ਹਾਂ ਕਿ ਪ੍ਰੋ: ਦਰਸ਼ਨ ਸਿੰਘ ਜੀ, ਸ: ਗੁਰਤੇਜ ਸਿੰਘ ਜੀ ਅਤੇ ਹੋਰ
ਕੌਮ ਦੇ ਜਾਗਰੂਕ ਗੁਰਸਿੱਖਾਂ ਵਲੋਂ ਜਥੇਬੰਦਕ ਰੂਪ ਵਿਚ ਕੌਮ ਦੀ ਚੱੜਦੀ ਕਲਾਂ ਵਾਸਤੇ ਜੋ
ਪ੍ਰੋਗਰਾਮ ਉਲੀਕਣਗੇ ਅਸੀਂ “ਗੁਰੂ ਗ੍ਰੰਥ ਦਾ ਖਾਲਸਾ ਪੰਥ”
ਜਥੇਬੰਦੀ ਦੇ ਮੈਂਬਰ ਹੁੰਦੇ ਹੋਏ, ਇਸ ਨੂੰ ਪੂਰਨ ਹਮਾਇਤ,
ਸਹਿਯੋਗ ਅਤੇ ਤਨ-ਮਨ ਧੰਨ ਨਾਲ ਵੱਧ ਤੋ ਵੱਧ ਆਪਣਾ ਯੋਗਦਾਨ ਪਾਵਾਂਗੇ। ਤਾਂ ਕਿ ਮੋਜੂਦਾ
ਅਕਾਲ ਤੱਖਤ ਸਾਹਿਬ ਅਤੇ ਸ਼੍ਰੋਮਣੀ ਕਮੇਟੀ ਨੂੰ ਯੋਜਨਾਬੰਦ ਤਰੀਕੇ ਨਾਲ ਇਕੱਠੇ ਹੋ ਕੇ,
ਪ੍ਰਕਾਸ਼ ਸਿੰਘ ਬਾਦਲ ਜਾਂ “ਬਾਦਲਾਂ” ਦੇ ਜੂਲੇ ਵਿਚੋ ਕੱਢ ਸਕੀਏ। ਇਹ ਕੌਮ ਦੇ ਭਲੇ ਵਾਸਤੇ
ਅਤੇ ਸਮੇਂ ਦੀ ਸੱਭ ਤੋ ਵੱਡੀ ਜਰੂਰਤ ਹੈ।
ਅਸੀ ਸਾਰੇ ਗੁਰੂ ਸਨਮੁੱਖ ਅਰਦਾਸ ਕਰਦੇ ਹਾਂ ਕਿ ਗੁਰੂ ਇਸ ਜਥੇਬੰਦੀ
ਨੂੰ ਇਤਫਾਕ, ਦ੍ਰਿੜਤਾ, ਬਿਬੇਕ ਅਤੇ ਆਪਣਾ ਥਾਪੜਾ ਬਖਸ਼ੇ, ਤਾਂ
ਕਿ ਇਹ ਝੂਠ ਦੀ ਗੁਲਾਮੀ ਦੀਆਂ ਜੰਜੀਰਾਂ ਤੋੜ ਕੇ ਅਕਾਲ ਤਖਤ ਸਾਹਿਬ ਅਤੇ ਸ਼੍ਰੋਮਣੀ ਕਮੇਟੀ
ਨੂੰ ਅਜਾਦ ਕਰਾਵੇ।
ਪਿਆਰ ਤੇ ਸਤਿਕਾਰ ਸਾਹਿਤ
