ਪੰਜਾਬੀ ਸੱਭਿਆਚਾਰ ਨੂੰ ਢਾਅ ਲਾ ਰਹੇ ਲੱਚਰ
ਗਾਇਕੀ ਅਤੇ ਗੀਤਕਾਰੀ ਦੇ ਵਿਰੋਧ 'ਚ ਹੁਣ ਕ੍ਰਿਕਟ ਖਿਡਾਰੀ ਹਰਭਜਨ ਸਿੰਘ ਮੈਦਾਨ 'ਚ ਉੱਤਰ
ਆਏ ਹਨ। ਦਿਨੋਂ ਦਿਨ ਨਿਘਾਰ ਵੱਲ ਜਾ ਰਹੇ ਗਾਇਕਾਂ ਅਤੇ ਗੀਤਕਾਰਾਂ ਨੂੰ ਸੁਨੇਹਾ ਦੇਣ ਲਈ
ਹਰਭਜਨ ਸਿੰਘ ਨੇ ਖੁਦ ਇਕ ਗੀਤ ਗਾਇਆ ਹੈ, ਇਸ ਗੀਤ 'ਚ ਹਰਭਜਨ ਸਿੰਘ ਨੇ ਗੀਤਕਾਰਾਂ ਅਤੇ
ਗਾਇਕਾਂ ਨੂੰ ਕਿਹਾ ਹੈ ਕਿ ਉਹ ਪੰਜਾਬੀ ਸੱਭਿਆਚਾਰ ਅਤੇ ਪੰਜਾਬੀ ਵਿਰਸੇ ਦੇ ਉਸਾਰੂ ਪੱਖ
ਨੂੰ ਵੀ ਆਪਣੇ ਗੀਤਾਂ ਅਤੇ ਰਚਨਾਵਾਂ ਰਾਹੀ ਪੇਸ਼ ਕਰਨ।
ਉਨ੍ਹਾਂ ਕਿਹਾ ਕਿ ਜਦੋਂ ਇਸ ਤਰ੍ਹਾਂ ਗਾਇਕੀ ਅਤੇ
ਗੀਤਾਂ ਰਾਹੀਂ ਪੰਜਾਬ ਦਾ ਵਿਗੜਿਆ ਹੋਇਆ ਅਕਸ ਪੇਸ਼ ਕੀਤਾ ਜਾਂਦਾ ਹੈ ਤਾਂ ਉਸ ਨਾਲ ਪੂਰੇ
ਸੰਸਾਰ ਵਿਚ ਇਕ ਗਲਤ ਸੰਦੇਸ਼ ਜਾਂਦਾ ਹੈ। ਸਾਨੂੰ ਆਪਣੇ ਹੱਥੀਂ ਆਪਣੇ ਦੇਸ਼ ਜਾਂ ਇੱਥੋਂ ਦੇ
ਲੋਕਾਂ ਦਾ ਅਕਸ ਵਿਗਾੜਨ ਦਾ ਕੋਈ ਹੱਕ ਨਹੀਂ ਹੈ।
Source:
http://www.jagbani.com/news/jagbani_169109/ |