ਨੇਪਾਲ ਵਿੱਚ ਅੱਜ ਵੀ ਗੁਰੂ ਨਾਨਕ ਸਾਹਿਬ ਜੀ ਦੇ ਨਾਮ
ਅਰਬਾਂ-ਖਰਬਾਂ ਦੀ ਜਮੀਨ ਸਰਕਾਰੀ ਕਾਗਜਾਂ ‘ਚ ਬੋਲਦੀ ਹੈ, ਜਿਸ ਉੱਤੇ ਇਸ ਵੇਲੇ
ਕਈ ਸਕੂਲ ਤੇ ਕਈ ਹੋਰ ਸੰਸਥਾਨ ਖੁੱਲ ਚੁੱਕੇ ਨੇ, ਸਾਡੀ ਅਣਗਹਿਲੀ ਤੇ ਦੇਰੀ
ਕਾਰਨ ਗੁਰਦਵਾਰੇ ਮੰਦਿਰ ਬਣ ਚੁੱਕੇ ਹਨ। ਉਥੇ ਕਈ ਥਾਂਵਾਂ 'ਤੇ ਅੱਜ ਵੀ ਸਾਡੇ
ਪੁਰਾਤਨ ਹੱਥ ਲਿਖਤ ਸਰੂਪ ਪ੍ਰਕਾਸ਼ਮਾਨ ਹਨ, ਪਰ ਉਨ੍ਹਾਂ ਲੋਕਾਂ ਕੋਲ ਸੇਵਾ
ਸੰਭਾਲ ਦੀ ਜਾਣਕਾਰੀ ਨਹੀਂ ਹੈ, ਜਿਸ ਕਰਕੇ ਉਹ ਕਾਫੀ ਕੁਝ ਅਜਿਹਾ ਵੀ ਕਰੀ ਜਾ
ਰਹੇ ਹਨ, ਜੋ ਗੁਰਮਤਿ ਅਨੁਕੂਲ ਨਹੀਂ ਹੈ, ਪਰ ਉਨ੍ਹਾਂ ਨਾਲੋਂ ਜਿਆਦਾ ਇਸ ਦੇ
ਦੋਸ਼ੀ ਅਸੀਂ ਹਾਂ ਜਿਨ੍ਹਾਂ ਨੂੰ ਗੁਰਮਤਿ ਦੀ ਜਾਣਕਾਰੀ ਦੇਣ ਸ਼ਾਇਦ ਅੱਜ ਤੱਕ ਕੋਈ
ਪ੍ਰਚਾਰਕ ਹੀ ਪਹੁੰਚਿਆ ਹੋਣਾ, ਨਹੀਂ ਤਾਂ ਉਨ੍ਹਾਂ ਕੋਲ ਕੋਈ ਗਿਆ ਹੀ ਨਹੀਂ।
ਕਾਰਣ ਕੀ ਹੈ ਇਹ ਆਪ ਸਬ ਭਲੀ ਭਾਂਤ ਜਾਣਦੇ ਹੋ ਤੇ ਉਹ ਵਿਚਾਰੇ ਅੱਜ ਵੀ ਰਾਹ
ਤੱਕਦੇ ਨੇ ਕੇ ਸਾਡੇ ਕੋਲ ਵੀ ਕੋਈ ਆਵੇ ਗੁਰੂ ਦੀ ਗੱਲ ਸੁਣਾਵੇ।
ਨੇਪਾਲ ‘ਚ 15ਵੀਂ ਸਦੀ ਦਾ
ਲੱਗਿਆ ਹੋਇਆ ਉਹ ਟੱਲ, ਇਸ ਉੱਤੇ ਲਿਖੀ ਹੋਈ ਲਿਖਤ ਗੁਰਮੁਖੀ ‘ਚ,
ਮਹਾਰਾਜਾ ਰਣਜੀਤ ਸਿੰਘ ਜੀ ਦੇ ਰਾਜ ਤੋਂ ਬਾਅਦ ਇਹ
ਪਹਿਲੀ ਵਾਰ ਹੋਇਆ ਕਿ ਕਿਸੇ ਦੇਸ਼ ਵਲੋਂ ਗੁਰੂ ਗਰੰਥ ਸਾਹਿਬ ਜੀ ਦੇ 400 ਸਾਲਾਂ
ਪ੍ਰਕਾਸ਼ ਪੁਰਬ ਤੇ 250 ਰੁਪਏ ਦਾ ਸਿੱਕਾ ਜਾਰੀ ਕੀਤਾ ਗਿਆ, ਜੋ ਨੇਪਾਲ ਵਿਚ ਸੱਬ
ਤੋਂ ਮਹਿੰਗਾ ਸਿੱਕਾ ਹੈ, ਪਰ ਦੁਖਾਂਤ, ਕੇ ਸਾਨੂੰ ਇਸ ਬਾਰੇ ਪਤਾ ਹੀ
ਨਹੀਂ। ਸੰਨ 2004 ਵਿਚ ਨੇਪਾਲ ਸਰਕਾਰ ਵਲੋਂ ਇਹ ਇਤਿਹਾਸਕ ਉਪਰਾਲਾ ਕੀਤਾ ਗਿਆ
ਤੇ ਉਹ ਵੀ ਉਥੇ ਜਿਥੇ ਕੇ ਸਾਡੀ ਕੋਈ ਬਹੁਤੀ ਵਸੋਂ ਹੀ ਨਹੀਂ ਹੈ।
ਬਹੁਤ ਕੁਝ ਹੈ, ਐਸਾ ਜਿਸ ਬਾਰੇ ਸਾਨੂੰ ਪਤਾ ਹੀ ਨਹੀਂ
ਅੱਜ ਵੀ, ਜਰੂਰਤ ਹੈ ਆਪ ਆਪਣੇ ਇਤਿਹਾਸ ਨੂੰ ਫਰੋਲਣ ਦੀ ਤੇ ਬਚਾਉਣ ਦੀ।
ਫ਼ਤਹਿ ਮਲਟੀਮੀਡੀਆ ਟੀਮ ਵਲੋਂ ਕੁਝ ਕੋਸ਼ਿਸ਼ਾਂ ਸ਼ੁਰੂ ਕਰ
ਦਿੱਤੀਆਂ ਹਨ ਆਪਣੇ ਉਨ੍ਹਾਂ ਪਰਿਵਾਰਾਂ ਨਾਲ ਸਾਂਝ ਪਾਉਣ ਦੀ, ਜੋ ਸਾਡੇ ਤੋਂ ਬੜੇ
ਸਮੇਂ ਤੋਂ ਟੁੱਟੇ ਹੋਏ ਹਨ, ਇਸ ਲਈ ਆਉ ਸਾਰੇ ਮਿਲ ਕੇ ਹੰਭਲਾ ਮਾਰੀਏ, ਕਿਉਂਕਿ
ਇਹ ਕਾਰਜ ਕਿਸੇ ਇੱਕ ਦਾ ਨਹੀਂ ਸਾਡੇ ਸਾਰਿਆਂ ਦਾ ਸਾਂਝਾ ਹੈ।