ਸ.
ਇੰਦਰਜੀਤ ਸਿੰਘ ਨੇ 19 ਅਕਤੂਬਰ ਨੂੰ ਇੱਕ ਲੇਖ ਲਿਖਿਆ ਸੀ "ਗੁਰੂ
ਗ੍ਰੰਥ ਸਾਹਿਬ ਜੀ ਦੀ ਬੇਅਦਬੀ ਦਾ ਅਸਲ ਜ਼ਿੰਮੇਵਾਰ ਕੌਣ, ਅਤੇ ਬੇਅਦਬੀ ਰੋਕਣ ਦਾ
ਇੱਕ ਉਪਾਅ", ਜਿਸ ਵਿੱਚ ਦਿੱਤਾ ਸੁਝਾਅ ਚੰਗਾ ਸੀ। ਇਸੇ ਤਰ੍ਹਾਂ ਉਸੇ ਦਿਨ
ਖ਼ਾਲਸਾ ਨਿਊਜ਼ ਸੰਪਾਦਕੀ 'ਚ ਵੀ ਚੱਲ ਰਹੇ ਘਟਨਾਕ੍ਰਮ ਬਾਰੇ
ਸਿਰ ਵਰਤਣ 'ਤੇ ਜ਼ੋਰ ਦਿੱਤਾ ਗਿਆ ਸੀ...
ਖੈਰ...
ਪਰ ਅਸੀਂ
ਪਿਛਲੇ ਇੱਕ ਮਹੀਨੇ ਤੋਂ ਇੱਕੋ ਥਾਂ 'ਤੇ ਚੱਕਰ ਕੱਟੀ ਜਾ ਰਹੇ ਹਾਂ, ਪਰ
ਬੇਅਦਬੀ ਰੁਕਣ ਦਾ ਨਾਮ ਨਹੀਂ ਲੈ ਰਹੀ।
ਵਿਰੋਧੀ ਆਪਣਾ ਕੰਮ ਕਰੀ ਜਾ ਰਹੇ ਨੇ,
ਕੌਮ ਨੂੰ ਉਲਝਾ ਕੇ ਰੱਖ ਰਹੇ ਨੇ, ਗੱਦਾਰ ਆਪਣੀਆਂ ਚੌਧਰਾਂ ਚਮਕਾ ਰਹੇ ਨੇ...
ਤੇ ਗੁਰੂ ਗਲ਼ੀਆਂ 'ਚ ਰੁੱਲ਼ ਰਿਹਾ ਹੈ। ਖ਼ਾਲਸਾ ਨਿਊਜ਼ ਨੇ ਪਹਿਲਾਂ ਵੀ ਲਿਖਿਆ ਸੀ
ਕਿ ਗੁਰਮਤਿ ਵਿਰੋਧੀ ਅਨਸਰਾਂ ਨੇ ਇਸ ਤਰ੍ਹਾਂ ਦੇ ਕਾਰੇ ਹੋਰ ਕਰਨੇ ਨੇ,
ਜਿਸ ਨਾਲ ਲੋਕ ਆਪੇ ਹੀ ਅੱਕ ਜਾਣ, ਕਿ ਇਹ ਤਾਂ ਰੋਜ਼
ਦਾ ਕੰਮ ਹੋ ਗਿਆ ਹੈ, ਹੁਣ ਅਸੀਂ ਕੀ ਕਰੀਏ...
ਸਾਡੇ ਕੋਲ ਕਿਸੀ ਵੀ ਸਮੱਸਿਆ ਦਾ ਹੋਰ ਕੋਈ ਹਲ ਹੀ ਨਹੀਂ...
ਸੜਕਾਂ 'ਤੇ ਆ ਜਾਓ, ਧਰਨੇ ਲਾ ਲਾਓ, ਕਿਰਪਾਨਾਂ ਲਹਿਰਾ ਲਓ, ਫੋਕੇ ਜੈਕਾਰੇ ਲਾ ਲਓ...
ਫਿਰ ਡਾਂਗਾਂ ਖਾ ਲਓ, ਗੋਲ਼ੀਆਂ ਖਾ ਲਓ, ਨੌਜਵਾਨ ਮਰਵਾ ਲਓ... ਤੇ ਫਿਰ ਉਨ੍ਹਾਂ ਦੇ ਭੋਗ
'ਤੇ ਸਮਗਾਮ ਕਰਾ ਲਓ, ਗਰਮ ਗਰਮ ਲੈਕਚਰ ਕਰਵਾ ਲਓ, ਖਾਲਿਸਤਾਨ ਜ਼ਿੰਦਾਬਾਦ ਕਰ ਲਓ... ਨਤੀਜਾ....
ਸਿਫਰ...ZERO.
ਉਹੀ ਹੋ ਰਿਹਾ
ਹੈ, ਅਸੀਂ ਲੀਰ ਦੇ ਫਕੀਰ ਬਣ ਕੇ, ਅੱਖਾਂ ਦੇ ਕਾਲ਼ੀਆਂ ਪੱਟੀਆਂ ਬੰਨ ਕੇ, ਬਿਨਾਂ
ਸੋਚੇ ਸਮਝੇ, ਬਿਨਾਂ ਕੋਈ ਵਿਉਂਤ ਦੇ, ਉਹੀ ਘਿਸੇ ਪਿਟੇ ਕੰਮ ਕਰੀ ਜਾ ਰਹੇ
ਹਾਂ... ਤੇ ਨਤੀਜਾ ਸਭ ਦੇ ਸਾਹਮਣੇ ਹੈ।
ਭਗਤ ਕਬੀਰ ਜੀ
ਦਾ ਲਿਖਿਆ ਫਿਰ ਦੁਹਰਾ ਦੇਈਏ, ਸ਼ਾਇਦ ਸਾਨੂੰ ਕੋਈ ਅਕਲ ਦੀ ਕਿਰਣ ਦਿੱਖ ਪਵੇ...
ਕਬੀਰ ਸਾਚਾ ਸਤਿਗੁਰੁ ਕਿਆ ਕਰੈ ਜਉ ਸਿਖਾ
ਮਹਿ ਚੂਕ ॥
ਅੰਧੇ ਏਕ ਨ ਲਾਗਈ ਜਿਉ ਬਾਂਸੁ ਬਜਾਈਐ ਫੂਕ
॥੧੫੮॥
ਪੰਨਾ 1372
ਫਿਰ ਤੋਂ
ਹੋਈ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ; ਸਿੱਖ ਅਖਵਾਉਣ ਵਾਲਿਆਂ ਦੀ
ਨਾਲਾਇਕੀ ਦਾ ਸਬੂਤ ਹੈ... ਹੋਰ ਲਿਖਣ ਦੀ ਹੁਣ ਕੋਈ ਤੁੱਕ ਨਹੀਂ...