Khalsanews

ਅਖੌਤੀ ਦਸਮ ਗ੍ਰੰਥ ਦੇ ਲਿਖਾਰੀ ਨੂੰ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਵਿਚਾਰਧਾਰਾ ਦਾ ਗਿਆਨ ਨਹੀਂ {ਭਾਗ-੬}
-: ਆਤਮਜੀਤ ਸਿੰਘ, ਕਾਨਪੁਰ

ਪਿਛਲੇ ਭਾਗ ਵੀ ਜ਼ਰੂਰ ਪੜ੍ਹੋ : {ਭਾਗ-1}; {ਭਾਗ-੨}; {ਭਾਗ-੩}; {ਭਾਗ-੪}; {ਭਾਗ-੫}

ਅਖੌਤੀ ਦਸਮ ਗ੍ਰੰਥ ਦਾ ਲਿਖਾਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਸਿਧਾਂਤਾਂ ਦੇ ਬਿਲਕੁਲ ਉਲਟ ਚੱਲਦਾ ਹੈ, ਜਿਵੇਂ-ਜਿਵੇਂ ਅਸੀ ਇਸ ਗ੍ਰੰਥ ਵਿਚ ਅੱਗੇ ਵੱਧ ਰਹੇ ਹਾਂ ਇਸ ਲਿਖਾਰੀ ਦੀ ਹੋਰ ਤਾਂ ਹੋਰ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਪ੍ਰਤੀ ਅਗਿਆਨਤਾ ਵਿਖਾਈ ਪੈ ਰਹੀ ਹੈ, ਆਉ ਹੋਰ ਅਗਾਹਾਂ ਵਧੀਏ ਇਸ ਲਿਖਾਰੀ ਦੀ ਅਗਿਆਨਤਾ ਨੂੰ ਵੇਖਣ ਲਈ ..
ਇਸ ਅਖੌਤੀ ਦਸਮ ਗ੍ਰੰਥ ਦੇ ਲਿਖਾਰੀ ਨੂੰ ਮੰਗਲਾਚਰਨ ਅਰਥਾਤ ਇਸ਼ਟ ਦੇ ਸਰੂਪ ਦਾ ਵੀ ਗਿਆਨ ਨਹੀਂ ਹੈ, ਉਹ ਅਖੌਤੀ ਦਸਮ ਗ੍ਰੰਥ ਵਿਚ ਥਾਂ-ਥਾਂ 'ਤੇ ਭਗਉਤੀ (ਦੁਰਗਾ, ਭਵਾਨੀ, ਕਾਲਕਾ, ਕਾਲ....) ਨੂੰ ਇਸ਼ਟ ਮੰਨਦਾ ਹੈ
ਸ੍ਰੀ ਭਗਉਤੀ ਜੀ ਸਹਾਇ.... ॥
ਸ੍ਰੀ ਭਗੌਤੀ ਏ ਨਮਹ.... ॥

ਜੋ ਕਿ ਗੁਰਮਤਿ ਸਿਧਾਂਤ ਦੇ ਬਿਲਕੁਲ ਉਲਟ ਹੈ, ਜਦ ਕਿ ਗੁਰੂ ਗ੍ਰੰਥ ਸਾਹਿਬ ਜੀ ਵਿਚ ਮੰਗਲਾਚਰਨ (ਇਸ਼ਟ ਦਾ ਸਰੂਪ) ਸ਼ੁਰੂ ਵਿਚ ਹੀ ਅੰਕਿਤ ਹੈ :
ੴ ਸਤਿਨਾਮੁ ਕਰਤਾ ਪੁਰਖੁ ਨਿਰਭਉ ਨਿਰਵੈਰੁ ਅਕਾਲ ਮੂਰਤਿ ਅਜੂਨੀ ਸੈਭੰ ਗੁਰ ਪ੍ਰਸਾਦਿ ॥
ਭਾਵ ਉਹ ਮਾਲਕ ਇਕ ਹੈ, ਸਦਾ ਥਿਰ ਰਹਿਣ ਵਾਲਾ ਹੈ, ਸਰਬ ਵਿਆਪਕ, ਵੈਰ ਰਹਿਤ, ਕਦੇ ਨ ਨਾਸ ਹੋਣ ਵਾਲਾ, ਆਪਣੇ ਆਪ ਤੋਂ ਪ੍ਰਕਾਸ਼ਮਾਨ ਹੈ ਅਤੇ ਉਸ ਦੀ ਪ੍ਰਾਪਤੀ ਸੱਚੇ ਗੁਰੂ ਦੀ ਕਿਰਪਾ ਨਾਲ ਹੀ ਹੋ ਸਕਦੀ ਹੈ । ਇਹ ਮੰਗਲਾਚਰਨ ਗੁਰੂ ਗ੍ਰੰਥ ਸਾਹਿਬ ਜੀ ਵਿਚ ਕਈ ਥਾਂ 'ਤੇ ਅੰਕਿਤ ਹੈ ਅਤੇ ਕਈ ਥਾਂ 'ਤੇ ਸੰਖੇਪ ਰੂਪ ਵਿਚ "ੴ ਸਤਿ ਨਾਮੁ ਕਰਤਾ ਪੁਰਖੁ ਗੁਰ ਪ੍ਰਸਾਦਿ ॥" ਅਤੇ ਬਹੁਤੀ ਥਾਂਈ ਅਤਿ ਸੰਖੇਪ ਰੂਪ "ੴ ਸਤਿਗੁਰ ਪ੍ਰਸਾਦਿ ॥" ਲਿਖਿਆ ਹੋਇਆ ਹੈ। ਪੂਰੇ ਗੁਰੂ ਗ੍ਰੰਥ ਸਾਹਿਬ ਵਿੱਚ ਸਿਰਫ਼ ੴ ਨਾਲ ਜੋੜਨ ਵਾਲਾ ਮੰਗਲਾਚਰਨ ਹੈ ਨ ਕਿ ਕਿਸੇ ਦੇਵੀ-ਦੇਵਤੇ ਨਾਲ ਜੋੜਨ ਵਾਲਾ ..

ਹੁਣ ਤੁਸੀਂ ਆਪ ਫੈਸਲਾ ਕਰੋ ਕਿ ਜਿਸ ਗ੍ਰੰਥ ਵਿਚ ਲਿਖਾਰੀ ਕਿਸੀ ਦੇਵੀ ਜਾਂ ਦੇਵਤੇ ਨੂੰ ਇਸ਼ਟ ਮੰਨਦਾ ਹੋਵੇ, ਉਹ ਲਿਖਤ ਗੁਰੂ ਨਾਨਕ ਦੀ ਜੋਤ ਦੀ ਕਿਵੇਂ ?


	ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।

ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥
ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।


Disclaimer: Khalsanews.org does not necessarily endorse the views and opinions voiced in the news। articles। audios । videos or any other contents published on www.khalsanews.org and cannot be held responsible for their views. Read full details....