ਔਰਤ
- ਜਿਸ ਪ੍ਰਭੂ ਨੇ ਸਾਰਾ
ਸੰਸਾਰ ਸਿਰਜਿਆ ਹੈ, ਉਹ ਪ੍ਰਭੂ ਔਰਤ ਨੂੰ ਪਛਾਨਣ ਸਮੇਂ ਹਾਰ ਗਿਆ, ਔਰਤ ਦਾ ਭੇਦ ਨਾ ਪਾ
ਸਕਿਆ।
-
ਔਰਤ ਦੇ ਅਨਗਿਣਤ ਚਰਿੱਤਰ ਹਨ। ਰੱਭ ਭੀ ਔਰਤ ਨੂੰ ਬਣਾ ਕੇ
ਪਛਤਾਇਆ।
-
ਬ੍ਰਹਮਾ ਵਿਸ਼ਨੂ ਸ਼ਿਵ ਸਮੇਤ ਸਿਰਜਨਹਾਰ ਕਰਤਾਰ ਭੀ ਔਰਤ ਦਾ ਭੇਦ
ਨਾ ਪਾ ਸੱਕਿਆ।
ਇੱਕ ਔਰਤ ਲੋਕਾਂ ਦੇ ਸਾਹਮਣੇ ਇਕ ਪੈਰ 'ਤੇ ਖੜੀ, ਅੱਗ ਵਿਚ ਜਲ
ਗਈ, ਲੋਕ ਉਸ ਨੂੰ ਮਹਾਨ ਸਮਝ ਰਹੇ ਸਨ, ਪਰ ਲੋਕ ਨਹੀਂ ਜਾਣਦੇ ਇਹ ਭੀ ਉਸਦਾ ਚਰਿੱਤਰ ਸੀ।
ਔਰਤ 'ਤੇ ਵਿਸ਼ਵਾਸ਼ ਕਰਨ ਵਾਲੇ ਪੁਰਸ਼ ਦਾ ਸੱਤ ਦਿਨਾਂ ਵਿੱਚ ਸਰਵਨਾਸ ਹੋ ਜਾਂਦਾ ਹੈ, ਔਰਤ
ਨੂੰ ਮਨ ਦਾ ਭੇਤ ਦੇਣ ਵਾਲਾ ਪੁਰਸ਼ ਸੰਸਾਰ ਵਿੱਚ ਹਮੇਸ਼ਾਂ ਖੁਆਰ ਹੋਂਦਾ ਹੈ।
ਹੇਠਾਂ ਸਿੱਖ ਨੂੰ ਧੋਖਾ ਦੇਣ ਲਈ ਗੁਰੂ ਗੋਬਿੰਦ ਸਿੰਘ ਜੀ ਅਤੇ
ਭਾਈ ਨੰਦ ਲਾਲ ਜੀ ਦਾ ਨਾਮ ਵਰਤਿਆ ਗਿਆ ਹੈ।
ਸਿੰਘਾ
ਹੁਣ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਬਚਨ ਸੁਣ ਕੇ ਫੈਸਲਾ ਕਰ।
ਜੋਰਾ ਪੁਰਖ ਸਭਿ ਆਪਿ ਉਪਾਇਅਨੁ ਹਰਿ ਖੇਲ ਸਭਿ ਖਿਲਾ
॥ {ਪੰਨਾ 304}
ਏਤੇ ਅਉਰਤ ਮਰਦਾ ਸਾਜੇ ਏ ਸਭ ਰੂਪ ਤੁਮਾਰੇ ॥ {ਪੰਨਾ
1349}
ਔਰਤਾਂ ਅਤੇ ਪੁਰਸ਼ ਮੇਰੇ ਮਾਲਕ ਪ੍ਰਭੂ ਨੇ ਆਪ ਸਿਰਜੇ ਹਨ ਸਭ ਉਸੇ ਦਾ ਖੇਲ ਹੈ। ਉਹ ਪ੍ਰਭੂ
ਅਪਣੀ ਸਿਰਜਨਾ ਵਿਚ ਆਪ ਵਰਤ ਰਿਹਾ ਹੈ ਸਭ ਉਸੇ ਦਾ ਰੂਪ ਹਨ।
ਮ: 1 ॥
ਭੰਡਿ ਜੰਮੀਐ ਭੰਡਿ ਨਿੰਮੀਐ ਭੰਡਿ ਮੰਗਣੁ ਵੀਆਹੁ ॥ ਭੰਡਹੁ
ਹੋਵੈ ਦੋਸਤੀ ਭੰਡਹੁ ਚਲੈ ਰਾਹੁ ॥
ਭੰਡੁ ਮੁਆ ਭੰਡੁ ਭਾਲੀਐ ਭੰਡਿ ਹੋਵੈ ਬੰਧਾਨੁ ॥ ਸੋ ਕਿਉ ਮੰਦਾ ਆਖੀਐ ਜਿਤੁ ਜੰਮਹਿ ਰਾਜਾਨ
॥
ਸੰਸਾਰ ਦੇ ਜੀਵਾਂ ਦੇ ਉਪਜਨ ਨਿਪਜਨ ਵਿਵਾਹ, ਧੀ, ਭੈਣ, ਪਤਨੀ, ਮਾਤਾ
ਦੇ ਰੂਪ ਵਿੱਚ ਸੰਸਾਰ ਦਾ ਸਾਰਾ ਚੱਲਨ ਔਰਤ ਦੇ ਸਾਥ ਵਿੱਚ ਹੀ ਹੈ। ਮਾਤਾ ਦੇ ਰੂਪ ਵਿੱਚ
ਭਗਤਾਂ ਦਾਨੀਆਂ ਸੂਰਮਿਆਂ ਰਾਜੇ ਮਹਾਰਾਜਿਆਂ ਨੂੰ ਜਨਮ ਦੇਣ ਵਾਲੀ ਔਰਤ ਨੂੰ ਮੰਦਾ ਕਿਵੇਂ
ਆਖਿਆ ਜਾ ਸਕਦਾ ਹੈ। ਸੋ, ਔਰਤ ਨੂੰ ਮੰਦਾ ਆਖਣ ਵਾਲਾ ਧਰਮੀ ਨਹੀਂ
ਹੋ ਸਕਦਾ।
ਸਿੱਖ ਦੇ ਗ੍ਰਿਹਸਥ ਮਾਰਗ ਵਿੱਚ ਜ਼ਹਿਰ ਘੋਲ ਕੇ ਸਿੱਖ ਦੀ ਨਸਲਕੁਸ਼ੀ ਹੋ ਜਾਵੇਗੀ।