Main News Page

ਅੱਜ ਅਸੀਂ ਜਿਸ ਸਾਧ ਦਾ ਖੁਲਾਸਾ ਕਰਨ ਜਾ ਰਹੇ ਹਾਂ, ਇਸ ਦਾ ਨਾਮ ਕਹਿਣ ਨੂੰ ਤਾਂ ਧੰਨ ਧੰਨ ਬਾਬਾ ਮਹਾ ਹਰਨਾਮ ਸਿੰਘ ਜੀ ਭੁਚੋ ਵਾਲੇ ਹੈ। ਇਹ ਮਹਾ ਹਰਨਾਮ ਸਿੰਘ ਹੀ, ਨੰਦ ਸਿੰਘ ਕਲੇਰਾਂ ਵਾਲੇ ਦਾ ਉਸਤਾਦ ਮਤਲਬ ਗੁਰੂ ਸੀ । ਇਸ ਹਰਨਾਮ ਸਿੰਘ ਬਾਰੇ ਇਹੀ ਪ੍ਰਚਾਰਿਆ ਗਿਆ ਹੈ, ਕਿ ਇਹ ਗੁਰੂ ਨਾਨਕ ਸਾਹਿਬ ਦਾ ਅਵਤਾਰ ਹੈ। ਪਰ ਇਹ ਲੋਕ ਤਾਂ ਸਾਰੇ ਕੰਮ ਗੁਰੂ ਨਾਨਕ ਸਾਹਿਬ ਦੀ ਵਿਚਾਰਧਾਰਾ ਦੇ ਖਿਲਾਫ਼ ਕਰ ਰਹੇ ਹਨ। ਇਹਨਾ ਦੇ ਭੁਚੋ ਵਾਲੇ ਡੇਰੇ ਵਿਚ ਦਲਿਤਾਂ ਨੂੰ ਨਹੀਂ ਵੜਨ ਦਿਤਾ ਜਾਂਦਾ।

ਹੁਣ ਮੈਂ ਆਪਣੀ ਗਲ ਵਲ ਆਉਂਦਾ ਹਾਂ। ਜੋ ਤਸਵੀਰਾਂ ਤੁਸੀਂ ਦੇਖ ਰਹੇ ਹੋ, ਇਹ ਤਸਵੀਰਾਂ ਬਾਰੇ ਇਕ ਬਹੁਤ ਵੱਡੇ ਝੂਠ ਦਾ ਪਰਚਾਰ ਕੀਤਾ ਗਿਆ ਹੈ। ਇਸ ਤਸਵੀਰ ਬਾਰੇ ਅੱਜ ਤੱਕ ਆਮ ਭੋਲੇ ਜਾਂ ਸ਼ਬਦ ਗੁਰੂ ਤੋਂ ਸਖਣੇ ਲੋਕਾਂ ਵਿੱਚ ਇਹ ਹੀ ਪਰਚਾਰ ਕੀਤਾ ਗਿਆ ਹੈ ਕਿ ਇਹ ਤਸਵੀਰ ਹਰਨਾਮ ਸਿੰਘ ਦੇ ਮਰਨ ਤੋਂ ਦੋ ਸਾਲ ਬਾਅਦ ਮਲੂਕੇ ਵਾਲੇ ਬ੍ਰਾਹਮਣ ਰਾਮ ਸਿੰਘ (ਆਮ ਸਿੱਖਾਂ ਨੂੰ ਭੁਲੇਖਾ ਪਾਉਣ ਲਈ ਰਾਮ ਸਿੰਘ ਵਰਤ ਦਾ ਸੀ) ਨੂੰ ਦਰਸ਼ਨਾਂ ਨਾਲ ਪ੍ਰਾਪਤ ਹੋਈ। ਰਾਮ ਸਿੰਘ ਦਾ ਡੇਰਾ ਬਠਿੰਡੇ ਜਿਲ੍ਹੇ ਦੇ ਪਿੰਡ ਮਲੂਕਾ ਵਿੱਚ ਰਾਮ ਟਿੱਲਾ ਕਰਕੇ ਮਸ਼ਹੂਰ ਹੈ ।ਅਸਲ ਵਿਚ ਨੰਦਸਰ ਸੰਪਰਦਾ ਵੀ ਇਹਨਾਂ ਦਾ ਹੀ ਇੱਕ ਹਿੱਸਾ ਹੈ। ਇਸ ਤਸਵੀਰ ਬਾਰੇ ਇਹ ਕਹਾਣੀ ਇਹ ਹੈ, ਕਿ ਜਦ ਹਰਨਾਮ ਸਿੰਘ ਮਰ ਗਿਆ ਤਾਂ, ਰਾਮ ਸਿੰਘ ਨੇ 2 ਸਾਲ ਵਾਸਤੇ ਭੁੱਖ ਹੜਤਾਲ ਕਰ ਦਿਤੀ, ਕਿ ਬਾਬਾ ਜੀ ਮੈਨੂੰ ਆਪਣੀ ਨਿਸ਼ਾਨੀ ਨਹੀਂ ਦੇ ਕੇ ਗਏ। ਆਖਰ 2 ਸਾਲ ਬਾਅਦ ਰਾਮ ਸਿੰਘ ਦੀ ਚਾਦਰ 'ਤੇ ਉਕਰ ਗਈ। ਇਕ ਅਗੰਮੀ ਆਵਾਜ਼ ਆਈ, ਕਹਿਣ ਲਾਗੀ ਰਾਮ ਸਿੰਘ ਤੇਰੀ ਭਗਤੀ ਪੂਰੀ ਹੋ ਗਈ ਏ, ਸੋ ਹੁਣ ਅਸੀਂ ਤੇਨੂੰ ਆਪਣੀ ਤਸਵੀਰ ਨਿਸ਼ਾਨੀ ਦੇ ਤੌਰ 'ਤੇ ਦੇਂਦੇ ਹਾ। 24 ਘੰਟੇ ਵਿੱਚ ਜਿਨੀਆਂ ਤਸਵੀਰਾਂ ਬਣਾ ਸਕਦੇ ਹੋ ਬਣਾ ਲਵੋ। ਇਕ ਹੋਰ ਬਚਨ ਹੋਇਆ ਜਰਾ ਹੁਣ ਧਿਆਨ ਦੇਣਾ ਇਸ ਤਸਵੀਰ ਦੀ, ਤਸਵੀਰ ਦੁਨੀਆ ਦੇ ਕਿਸੇ ਵੀ ਕੈਮਰੇ 'ਚ ਫੋਟੋ ਨਹੀਂ ਖਿੱਚੀ ਜਾ ਸਕਦੀ। ਜੇ ਕੋਈ ਤਸਵੀਰ ਦੀ ਫੋਟੋ ਖਿਚਣ ਦੀ ਕੋਸ਼ਿਸ ਕਰੇਗਾ, ਉਸ ਦਾ ਕੈਮਰਾ ਫੋਟੋ ਨਹੀਂ ਖਿਚ ਸਕੇਗਾ।