ਸ਼੍ਰੋਮਣੀ ਕਮੇਟੀ ਦੀ ਕਾਰਜਕਰਨੀ ਕਮੇਟੀ ਦੀ 11 ਸਤੰਬਰ ਨੂੰ ਹੋਣ
ਵਾਲੀ ਮੀਟਿੰਗ ਕਰ ਸਕਦੀ ਹੈ ਕੋਈ ਵੱਡਾ ਧਮਾਕਾ
ਅੰਮ੍ਰਿਤਸਰ
8 ਸਤੰਬਰ (ਜਸਬੀਰ ਸਿੰਘ ਪੱਟੀ) ਸ਼੍ਰੋਮਣੀ ਗੁਰੂਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪਰਧਾਨ ਸ੍ਰੀ
ਅਵਤਾਰ ਸਿੰਘ ਮੱਕੜ ਨੂੰ ਬੀਤੀ ਰਾਤ ਦਿਲ ਦੋ ਰੋਗ ਕਾਰਨ ਲੁਧਿਆਣਾ ਦੇ ਹੀਰੋ ਹਾਰਟ
ਡੀ.ਐਮ.ਸੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਜਿਥੇ ਉਹਨਾਂ ਦੀ ਹਾਲਤ ਸਥਿਰ ਬਣੀ ਹੋਈ ਹੈ
ਪਰ ਡਾਕਟਰਾਂ ਦਾ ਕਹਿਣਾ ਹੈ ਕਿ ਸ੍ਰੀ ਮੱਕੜ ਦੀ ਹਾਲਤ ਖਤਰੇ ਤੋਂ ਬਾਹਰ ਪਰ ਉਹਨਾਂ ਦੇ
ਦਿਲ ਦਿਮਾਗ ਤੇ ਹਾਲੇ ਵੀ ਕਿਸੇ ਪਰੇਸ਼ਾਨੀ ਦੇ ਚਿੰਨ ਨਜਰ ਆ ਰਹੇ ਜਿਸ ਕਾਰਨ ਇਹ ਸਥਿਤੀ
ਪੈਦਾ ਹੋਈ ਹੈ।
ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਬੀਤੀ ਰਾਤ ਸ੍ਰੀ ਮੱਕੜ ਨੇ
ਆਪਣੀ ਛਾਤੀ ਵਿੱਚ ਦਰਦ ਮਹਿਸੂਸ ਕੀਤੀ ਤਾਂ ਉਹਨਾਂ ਨੇ ਬੇਟੇ ਇੰਦਰਜੀਤ ਸਿੰਘ ਨੇ ਤੁਰੰਤ
ਮਾਹਿਰ ਡਾਕਟਰਾਂ ਨੂੰ ਬੁਲਾਇਆ ਤੇ ਡਾਕਟਰਾਂ ਨੇ ਸ੍ਰੀ ਮੱਕੜ ਨੂੰ ਹਸਪਤਾਲ ਵਿੱਚ ਦਾਖਲ
ਕਰਾਉਣ ਦੀ ਸਲਾਹ ਦਿੱਤੀ। ਡਾਕਟਰਾਂ ਦੀ ਸਲਾਹ ਅਨੁਸਾਰ ਸ੍ਰੀ ਮੱਕੜ ਨੂੰ ਤੁਰੰਤ ਹਸਪਤਾਲ
ਵਿੱਚ ਲਿਜਾਇਆ ਗਿਆ ਜਿਥੇ ਡਾਕਟਰਾਂ ਦੀ ਇੱਕ ਟੀਮ ਉਹਨਾਂ ਦੇ ਇਲਾਜ ਲਈ ਉਸੇ ਵੇਲੇ ਜੰਗੀ
ਪੱਧਰ ਤੇ ਜੁੱਟ ਗਈ। ਡਾਕਟਰੀ ਰੀਪੋਰਟਾਂ ਮੁਤਾਬਕ ਸ੍ਰੀ ਮੱਕੜ ਈ.ਸੀ.ਜੀ ਤੇ ਹੋਰ ਬਹੁਤ
ਸਾਰੇ ਟੈਸਟ ਕੀਤੇ ਗਏ ਪਰ ਸਭ ਕੁਝ ਨਾਰਮਲ ਸਥਿਤੀ ਵਿੱਚ ਪਾਇਆ ਗਿਆ ਪਰ ਉਹ ਇਸ ਵੇਲੇ ਵੀ
ਕਿਸੇ ਪਰੋਸ਼ਾਨੀ ਵਿੱਚ ਹਨ ਜਿਸ ਕਰਕੇ ਉਹਨਾਂ ਦਾ ਧਿਆਨ ਰੱਖਣ ਦੀ ਬਹੁਤ ਸਖਤ ਲੋੜ ਹੈ।
ਇਸੇ ਤਰ੍ਹਾਂ ਸ੍ਰੀ ਮੱਕੜ ਨੇ ਜਿਥੇ ਆਪਣੇ ਦਸ ਦਿਨਾਂ ਦੇ ਸਾਰੇ
ਪ੍ਰੋਗਰਾਮ ਮਨਸੂਖ ਕਰ ਦਿੱਤੇ ਹਨ ਉਥੇ 11 ਸਤੰਬਰ ਨੂੰ ਦੇਗਸਰ ਕਟਾਣਾਂ(ਲੁਧਿਆਣਾ) ਵਿਖੇ
ਸ਼੍ਰੋਮਣੀ ਕਮੇਟੀ ਦੀ ਕਾਰਜਕਾਰਨੀ ਕਮੇਟੀ ਦੀ ਮੀਟਿੰਗ ਹੋ ਰਹੀ ਹੈ, ਜਿਸ ਵਿੱਚ ਸ੍ਰੀ ਮੱਕੜ
ਦੀ ਪ੍ਰਧਾਨਗੀ ਦੇ ਸੰਕਟ ਦੇ ਬੱਦਲ ਮੰਡਰਾਉਣ ਦੀਆ ਚਰਚਾਵਾਂ ਪਾਈਆ ਜਾ ਰਹੀਆ ਹਨ ਕਿਉਕਿ
ਸ਼੍ਰੋਮਣੀ ਕਮੇਟੀ ਦੇ ਪਿਛਲੇ ਸਮੇਂ ਦੇ ਕਾਰਜਕਾਰ ਦਾ ਜਦੋ ਲੇਖਾ ਜੋਖਾ ਸ਼੍ਰੋਮਣੀ ਅਕਾਲੀ ਦਲ
(ਬਾਦਲ) ਦੇ ਪ੍ਰਧਾਨ ਸ੍ਰੀ ਸੁਖਬੀਰ ਸਿੰਘ ਬਾਦਲ ਨੇ ਕੀਤਾ ਤਾਂ ਬਹੁਤ ਕੁਝ ਵਿਵਾਦਤ ਪਾਇਆ
ਗਿਆ ਜਿਸ ਕਰਕੇ ਸ੍ਰੀ ਸੁਖਬੀਰ ਸਿੰਘ ਬਾਦਲ ਤਾਂ ਸ੍ਰੀ ਮੱਕੜ ਨੂੰ ਪਹਿਲਾਂ ਹੀ ਸਿਹਤ ਦਾ
ਬਹਾਨਾ ਲਗਾ ਕੇ ਸ਼੍ਰੋਮਣੀ ਕਮੇਟੀ ਦੀ ਪ੍ਰਧਾਨਗੀ ਦੇ ਆਹੁਦੇ ਤੋਂ ਲਾਂਭੇ ਕਰਨ ਦੀ ਵਿਊਤਬੰਦੀ
ਕਰ ਰਹੇ ਸਨ ਅਤੇ ਸੁਖਬੀਰ ਬਾਦਲ ਦੀ ਸਕੀਮ ਨੂੰ ਉਸ ਵੇਲੇ ਹੋਰ ਬਲ ਮਿਲਿਆ ਜਦੋਂ ਸ੍ਰੀ
ਮੱਕੜ ਕੁਦਰਤੀ ਤੌਰ ‘ਤੇ ਬੀਮਾਰ ਹੋ ਗਏ। ਇਸ ਲਈ 11 ਸਤੰਬਰ ਨੂੰ ਹੋਣ ਵਾਲੀ ਮੀਟਿੰਗ ਵਿੱਚ
ਸ੍ਰੀ ਮੱਕੜ ਦੀ ਵਿਗੜੀ ਸਿਹਤ ਨੂੰ ਲੈ ਕੇ ਉਹਨਾਂ ਦੀ ਥਾਂ ਪ੍ਰਧਾਨਗੀ ਦੇ ਸਾਰੇ ਅਧਿਕਾਰ
ਸੀਨੀਅਰ ਮੀਤ ਪ੍ਰਧਾਨ ਸ੍ਰੀ ਰਘੂਜੀਤ ਸਿੰਘ ਵਿਰਕ ਨੂੰ ਦਿੱਤੇ ਜਾ ਸਕਦੇ ਹਨ ਅਤੇ ਮੱਕੜ ਦੇ
ਮੱਥੇ ਸਿਰਫ ਪ੍ਰਧਾਨਗੀ ਦਾ ਤਿਲਕ ਹੀ ਲੱਗਾ ਰਹਿ ਜਾਵੇਗਾ। ਬਾਕੀ ਦੀ ਜਿੰਦਗੀ ਉਹ ਆਪਣੇ
ਲੁਧਿਆਣੇ ਵਿਚਲੇ ਘਰ ਵਿੱਚ ਬੜੇ ਹੀ ਆਰਾਮ ਨਾਲ ਬਤੀਤ ਕਰ ਸਕਣਗੇ।
ਸ਼੍ਰੋਮਣੀ ਕਮੇਟੀ ਦੇ ਕੁਝ ਅਧਿਕਾਰੀਆ ਦਾ ਕਹਿਣਾ ਹੈ ਕਿ ਪ੍ਰਧਾਨ
ਸਾਹਿਬ ਦੀ ਸਿਹਤ ਨਾ ਠੀਕ ਹੋਣ ਕਾਰਨ 11 ਸਤੰਬਰ ਦੀ ਮੀਟਿੰਗ ਮੁਲਤਵੀ ਹੋ ਸਕਦੀ ਹੈ ਪਰ
ਹਾਲੇ ਤੱਕ ਉਹਨਾਂ ਨੂੰ ਕੋਈ ਆਦੇਸ਼ ਨਹੀ ਆਏ। ਇਸੇ ਤਰ੍ਹਾਂ ਜਦੋਂ ਸ਼੍ਰੋਮਣੀ ਕਮੇਟੀ ਦੀ
ਕਾਰਜਕਰਨੀ ਦੇ ਇੱਕ ਸੀਨੀਅਰ ਤੇ ਪੁਰਾਣੇ ਮੈਂਬਰ ਨੂੰ ਜਦੋ ਪੁੱਛਿਆ ਗਿਆ ਤਾਂ ਉਹਨਾਂ ਦਾਅਵਾ
ਕੀਤਾ ਕਿ ਉਹਨਾਂ ਨੇ ਪ੍ਰਧਾਨ ਸਾਹਿਬ ਨੂੰ ਟੈਲੀਫੂਨ ਤੋਂ ਹਾਲ ਚਾਲ ਪੁੱਛਿਆ ਹੈ ਤੇ ਉਹ
ਚੜ੍ਹਦੀਕਲਾ ਵਿੱਚ ਹਨ।
ਉਹਨਾਂ ਕਿਹਾ ਕਿ 11 ਸਤੰਬਰ ਨੂੰ ਕਾਰਜਕਰਨੀ ਦੀ ਮੀਟਿੰਗ ਵਿੱਚ
ਪਰਧਾਨ ਸਾਹਿਬ ਆਉਣਗੇ ਤੇ ਮੀਟਿੰਗ ਦੀ ਪ੍ਰਧਨਾਗੀ ਕਰਨਗੇ।ਪੁੱਛੇ ਗਏ ਇੱਕ ਸਵਾਲ ਦੇ ਜਵਾਬ
ਵਿੱਚ ਉਹਨਾਂ ਕਿਹਾ ਕਿ ਪ੍ਰਧਾਨ ਸਾਹਿਬ ਦੇ ਸਾਰੇ ਅਧਿਕਾਰ ਸੀਨੀਅਰ ਮੀਤ ਪ੍ਰਧਾਨ ਨੂੰ
ਦਿੱਤੇ ਜਾਣ ਬਾਰੇ ਉਹਨਾਂ ਨੂੰ ਕੋਈ ਜਾਣਕਾਰੀ ਨਹੀ ਕਿਉਕਿ ਹੁਕਮ ਤਾਂ ਉਪਰੋ ਹੀ ਆਉਣੇ ਹਨ
ਉਹ ਤਾਂ ਕਲਯੁਗੀ ਜਿਹਨਾਂ ਨੂੰ ਆਪਣਾ ਹੋਂਦ ਦੀ ਕੋਈ ਜਾਣਕਾਰੀ ਨਹੀ ਹੈ। ਇਸੇ ਤਰ੍ਹਾਂ
ਵਿਰੋਧੀ ਧਿਰ ਦੇ ਮੈਂਬਰ ਸ੍ਰੀ ਮੰਗਲ ਸਿੰਘ ਨਾਲ ਜਦੋਂ ਰਾਬਤਾ ਕਾਇਮ ਕੀਤਾ ਤਾਂ ਉਹਨਾਂ
ਕਿਹਾ ਕਿ ਉਹ ਪ੍ਰਧਾਨ ਸਾਹਿਬ ਦੀ ਤੰਦਰੁਸਤੀ ਲਈ ਅਰਦਾਸ ਕਰਨਗੇ ਕਿਉਕਿ ਅਜਿਹਾ ਪ੍ਰਧਾਨ
ਮੁੜ ਸ਼੍ਰੋਮਣੀ ਕਮੇਟੀ ਨੂੰ ਨਹੀ ਮਿਲ ਸਕਦਾ।
ਉਹਨਾਂ ਕਿਹਾ ਕਿ ਉਹਨਾਂ ਦੀ ਗਿਣਤੀ ਘੱਟ ਹੋਣ ਕਾਰਨ ਮੀਟਿੰਗ ਵਿੱਚ
ਵਿਰੋਧੀ ਧਿਰ ਦੀ ਕੋਈ ਸੁਣਵਾਈ ਨਹੀ ਹੁੰਦੀ। ਉਹਨਾਂ ਕਿਹਾ ਕਿ ਮੀਟਿੰਗ ਮੁਲਤਵੀ ਹੋਣ ਬਾਰੇ
ਹਾਲੇ ਤੱਕ ਉਹਨਾਂ ਨੂੰ ਕੋਈ ਵੀ ਜਾਣਕਾਰੀ ਨਹੀ ਅਤੇ ਉਹ ਮੀਟਿੰਗ ਵਿੱਚ ਜਰੂਰ ਜਾਣਗੇ।
ਸਿਆਸੀ ਪੰਡਤਾਂ ਦਾ ਮੰਨਣਾ ਹੈ ਕਿ ਸ੍ਰੀ ਮੱਕੜ ਤੇ ਪਿਛਲੇ ਥੋੜੇ ਜਿਹੇ ਸਮੇਂ ਉਹਨਾਂ ਦੇ
ਸਲਾਹਕਾਰਾਂ ਵੱਲੋ ਕਰਵਾਏ ਗਏ ਗਲਤ ਕੰਮਾਂ ਦੀ ਸ੍ਰੀ ਸੁਖਬੀਰ ਸਿੰਘ ਬਾਦਲ ਤੇ ਮੁੱਖ ਮੰਤਰੀ
ਸ੍ਰੀ ਪ੍ਰਕਾਸ਼ ਸਿੰਘ ਬਾਦਲ ਕੋਲ ਸ਼ਕਾਇਤ ਪੁੱਜੀ ਹੈ ਜਿਹੜੀ ਸ੍ਰੀ ਮੱਕੜ ਦੀ ਗਲੇ ਦੀ ਹੱਡੀ
ਬਣੀ ਹੋਈ ਹੈ। ਸ੍ਰੀ ਦਰਬਾਰ ਸਾਹਿਬ ਦੇ ਇੱਕ ਐਡੀਸ਼ਨਲ ਮਨੈਜਰ ਵੱਲੋ ਨਿਊ ਅੰਮ੍ਰਿਤਸਰ ਵਿਖੇ
ਪਾਈ ਜਾ ਰਹੀ ਕਰੋੜਾਂ ਦੀ ਕੋਠੀ ਵੀ ਜੂਨੀਅਰ ਬਾਦਲ ਦੇ ਨੋਟਿਸ ਵਿੱਚ ਹੈ ਤੇ ਉਸ ਮੈਨੇਜਰ
ਲਈ ਵੀ ਇਹ ਕੋਠੀ ਕਿਸੇ ਵੇਲੇ ਵੀ ‘ਜੀ ਜਾ ਜੰਜਾਲ’ ਬਣ ਸਕਦੀ ਹੈ।
