* ਸ੍ਰੀ ਮੱਕੜ ਕੋਲੋਂ ਪ੍ਰਧਾਨਗੀ ਦੇ
ਅਧਿਕਾਰ ਖੋਹਣ ਲਈ, ਉਹਨਾਂ ਦੇ ਬੇਟੇ ਦੀ ਇੱਕ ਅਸ਼ਲੀਲ
ਸੀ.ਡੀ. ਬਾਰੇ ਚਰਚੇ ਵੀ ਪਾਏ ਜਾ ਰਹੇ ਹਨ
* ਸ਼੍ਰੋਮਣੀ ਕਮੇਟੀ ਦੀ ਅੱਜ ਹੋਣ ਵਾਲੀ ਕਾਰਜਕਰਨੀ
ਕਮੇਟੀ ਦੀ ਮੀਟਿੰਗ ਵਿੱਚ ਹੋ ਸਕਦਾ ਹੈ ਸਾਂਝੀ ਕਮੇਟੀ ਦਾ ਗਠਨ
ਅੰਮ੍ਰਿਤਸਰ
10 ਸਤੰਬਰ (ਜਸਬੀਰ ਸਿੰਘ ਪੱਟੀ) ਸ਼੍ਰੋਮਣੀ ਗੁਰੂਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪਰਧਾਨ ਸ੍ਰੀ
ਅਵਤਾਰ ਸਿੰਘ ਮੱਕੜ ਨੂੰ ਬੀਤੇ ਦਿਨੀ ਦਿਲ ਦੋ ਰੋਗ ਕਾਰਨ ਲੁਧਿਆਂਣਾ ਦੇ ਹੀਰੋ ਹਾਰਟ
ਡੀ.ਐਮ.ਸੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆਂ ਗਿਆਂ, ਜਿਥੋਂ ਉਹਨਾਂ ਨੂੰ ਡਾਕਟਰਾਂ ਨੇ ਭਾਂਵੇ
ਛੁੱਟੀ ਦੇ ਦਿੱਤੀ ਹੈ, ਤੇ ਉਹ ਹੁਣ ਪੂਰੀ ਤਰ੍ਹਾਂ ਤੰਦਰੁਸਤ ਹਨ, ਪਰ ਫਿਰ ਵੀ ਭਲਕੇ ਹੋਣ
ਵਾਲੀ ਕਾਰਜਕਾਰੀ ਕਮੇਟੀ ਦੀ ਮੀਟਿੰਗ ਵਿੱਚ ਉਹਨਾਂ ਦੇ ਕੰਮ ਕਾਰ ਨੂੰ ਹੋਰ ਸੁਚਾਰੂ ਰੂਪ
ਵਿੱਚ ਚਲਾਉਣ ਦੇ ਬਹਾਨੇ, ਇੱਕ ਕਮੇਟੀ ਦਾ ਗਠਨ ਕਰਕੇ ਉਹਨਾਂ ਦੇ ਪਰ ਕੱਟੇ ਜਾ ਸਕਦੇ ਹਨ,
ਜਿਸ ਨਾਲ ਸ੍ਰੀ ਮੱਕੜ ਸਿਰਫ ਨਾਮ ਦੇ ਹੀ ਪ੍ਰਧਾਨ ਰਹਿ ਜਾਣਗੇ, ਤੇ ਉਹਨਾਂ ਕੋਲ ਕੋਈ ਵੀ
ਫੈਸਲਾ ਲੈਣ ਦਾ ਅਧਿਕਾਰ ਨਹੀਂ ਹੋਵੇਗਾ। ਇਸ ਤੋਂ ਪਹਿਲਾਂ ਸ੍ਰੀ ਮੱਕੜ ਨੇ ਆਂਪਣੀ ਮਨਮਰਜੀ
ਨਾਲ ਭਰਤੀ ਕੀਤੀ ਜਾਂ ਗਰਾਂਟਾਂ ਦੇ ਖੁੱਲੇ ਗੱਫੇ ਜਾਰੀ ਨਾ ਕਰਕੇ ਆਂਪਣੇ ਚਹੇਤਿਆਂ ਨੂੰ
ਖੁਸ਼ ਕੀਤਾ ਸੀ।
ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਸ੍ਰੀ ਮੱਕੜ ਨੇ ਬੀਮਾਰੀ
ਕਾਰਨ ਭਾਂਵੇ ਆਪਣੇ ਸਾਰੇ ਦੌਰੇ ਮਨਸੂਖ ਕਰ ਦਿੱਤੇ ਸਨ ਪਰ ਉਮੀਦ ਕੀਤੀ ਜਾ ਰਹੀ ਹੈ, ਕਿ
ਉਹ ਭਲਕੇ ਹੋਣ ਵਾਲੀ ਕਾਰਜਕਰਨੀ ਦੀ ਮੀਟਿੰਗ ਵਿੱਚ ਭਾਗ ਲੈ ਕੇ ਪਰਧਾਨਗੀ ਕਰਨਗੇ। ਸ੍ਰੀ
ਮੱਕੜ ਕੋਲੋ ਪ੍ਰਧਾਨਗੀ ਦੇ ਅਧਿਕਾਰ ਖੋਹਣ ਲਈ ਜਿਥੇ ਉਹਨਾਂ ਦੇ ਬੇਟੇ ਦੀ ਇੱਕ ਅਸ਼ਲੀਲ
ਸੀ.ਡੀ. ਬਾਰੇ ਚਰਚੇ ਵੀ ਪਾਏ ਜਾ ਰਹੇ ਹਨ, ਉਥੇ ਅਖੰਡ ਕੀਤਰਨੀ ਜਥੇ ਦੇ ਮੁੱਖੀ ਗਿਆਨੀ
ਬਲਦੇਵ ਸਿੰਘ ਵੱਲੋ ਸ਼੍ਰੋਮਣੀ ਕਮੇਟੀ ਦੇ ਸਹਿਯੋਗ ਨਾਲ ਚਲਾਈ ਜਾ ਰਹੀ ਧਰਮ ਪ੍ਰਚਾਰ ਲਾਹਿਰ
ਨੂੰ ਬੰਦ ਕਰਨਾ ਵੀ ਮੁੱਖ ਕਾਰਨ ਹੈ, ਕਿਉਂਕਿ ਗਿਆਨੀ ਬਲਦੇਵ ਸਿੰਘ ਦੇ ਮੁੱਖ ਮੰਤਰੀ ਸ੍ਰੀ
ਪਰਕਾਸ਼ ਸਿੰਘ ਬਾਦਲ ਦੇ ਨਾਲ ਪਿਛਲੇ ਕਰੀਬ 40 ਸਾਲਾ ਤੋਂ ਬਹੁਤ ਹੀ ਨੇੜੇ ਦੇ ਸਬੰਧ ਹਨ।
ਕਾਰਜਕਰਨੀ ਦੀ ਮੀਟਿੰਗ ਭਲਕੇ 11 ਸਤੰਬਰ ਨੂੰ ਦੇਗਸਰ ਕਟਾਣਾਂ (ਲੁਧਿਆਣਾ)
ਵਿਖੇ ਸ਼੍ਰੋਮਣੀ ਕਮੇਟੀ ਦੇ ਅਧਿਕਾਰ ਹੇਠਲੇ ਗੁਰੂਦੁਆਂਰੇ ਵਿੱਚ ਹੋਵੇਗੀ। ਸ੍ਰੀ ਮੱਕੜ ਦੀ
ਪ੍ਰਧਾਨਗੀ ਤੇ ਸੰਕਟ ਦੇ ਬੱਦਲ ਉਸੇ ਦਿਨ ਹੀ ਮੰਡਰਾਉਣ ਲੱਗ ਪਏ ਸਨ, ਜਿਸ ਦਿਨ ਉਹਨਾਂ ਨੇ
ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਦੇ ਪ੍ਰਧਾਨ ਤੇ ਸ੍ਰੀ ਸੁਖਬੀਰ ਸਿੰਘ ਦੇ ਖਿਲਾਫ ਪਟਿਆਂਲਾ ਵਿਖੇ
ਬਿਆਨ ਦਾਗ ਦਿੱਤਾ ਸੀ। ਇਸ ਬਿਆਨ ਤੋਂ ਬਾਅਦ ਜਦੋ ਸ਼੍ਰੋਮਣੀ ਕਮੇਟੀ ਦੇ ਪਿਛਲੇ ਸਮੇਂ ਦੇ
ਕਾਰਜਕਾਰ ਦਾ ਲੇਖਾ ਜੋਖਾ ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਦੇ ਪ੍ਰਧਾਨ ਸ੍ਰੀ ਸੁਖਬੀਰ ਸਿੰਘ
ਬਾਦਲ ਨੇ ਕੀਤਾ, ਤਾਂ ਬਹੁਤ ਕੁਝ ਵਿਵਾਦਤ ਪਾਇਆਂ ਗਿਆ, ਜਿਸ ਕਰਕੇ ਸ੍ਰੀ ਸੁਖਬੀਰ ਸਿੰਘ
ਬਾਦਲ ਤਾਂ ਸ੍ਰੀ ਮੱਕੜ ਨੂੰ ਪਹਿਲਾਂ ਹੀ ਸਿਹਤ ਦਾ ਬਹਾਨਾ ਲਗਾ ਕੇ ਸ਼੍ਰੋਮਣੀ ਕਮੇਟੀ ਦੀ
ਪ੍ਰਧਾਨਗੀ ਦੇ ਅਹੁਦੇ ਤੋਂ ਲਾਂਭੇ ਕਰਨ ਦੀ ਵਿਊਤਬੰਦੀ ਕਰ ਰਹੇ ਸਨ। ਸੁਖਬੀਰ ਬਾਦਲ ਦੀ ਇਸ
ਸਕੀਮ ਨੂੰ ਉਸ ਵੇਲੇ ਹੋਰ ਬਲ ਮਿਲਿਆਂ ਜਦੋਂ ਸ੍ਰੀ ਮੱਕੜ ਕੁਦਰਤੀ ਤੌਰ ‘ਤੇ ਬੀਮਾਰ ਹੋ ਗਏ।
ਕੁਝ ਸੂਤਰਾਂ ਦਾ ਇਹ ਵੀ ਕਹਿਣਾ ਹੈ ਕਿ ਸ੍ਰੋਮਣੀ ਕਮੇਟੀ ਦੇ
ਸੀਨੀਅਰ ਮੀਤ ਸ੍ਰੀ ਰਘੂਜੀਤ ਸਿੰਘ ਵਿਰਕ ਨੂੰ ਭਲਕ ਦੀ ਮੀਟਿੰਗ ਵਿੱਚ ਕਾਰਜਕਾਰੀ ਪਰਧਾਨ
ਵੀ ਬਣਾਇਆ ਜਾ ਸਕਦਾ ਹੈ ਅਤੇ ਮੱਕੜ ਦੇ ਮੱਥੇ ‘ਤੇ ਸਿਰਫ ਪ੍ਰਧਾਨਗੀ ਦਾ ਤਿਲਕ ਹੀ ਲੱਗਾ
ਰਹੇਗਾ। ਸਿਆਸੀ ਪੰਡਤਾਂ ਦਾ ਮੰਨਣਾ ਹੈ, ਕਿ ਸ੍ਰੀ ਮੱਕੜ ਤੇ ਪਿਛਲੇ ਥੋੜੇ ਜਿਹੇ ਸਮੇਂ
ਉਹਨਾਂ ਦੇ ਸਲਾਹਕਾਰਾਂ ਵੱਲੋ ਕਰਵਾਏ ਗਏ ਗਲਤ ਕੰਮਾਂ ਦੀ ਰੀਪੋਰਟ ਸ੍ਰੀ ਸੁਖਬੀਰ ਸਿੰਘ
ਬਾਦਲ ਤੇ ਮੁੱਖ ਮੰਤਰੀ ਸ੍ਰੀ ਪ੍ਰਕਾਸ਼ ਸਿੰਘ ਬਾਦਲ ਕੋਲ ਸ਼ਕਾਇਤ ਪੁੱਜੀ ਹੈ, ਜਿਹੜੀ ਸ੍ਰੀ
ਮੱਕੜ ਦੀ ਗਲੇ ਦੀ ਹੱਡੀ ਬਣੀ ਹੋਈ ਹੈ। ਸ੍ਰੀ ਦਰਬਾਰ ਸਾਹਿਬ ਦੇ ਇੱਕ ਐਡੀਸ਼ਨਲ ਮਨੈਜਰ ਵੱਲੋ
ਨਿਊ ਅੰਮ੍ਰਿਤਸਰ ਵਿਖੇ ਪਾਈ ਜਾ ਰਹੀ ਕਰੋੜਾਂ ਦੀ ਕੋਠੀ ਵੀ ਜੂਨੀਅਰ ਬਾਦਲ ਦੇ ਨੋਟਿਸ
ਵਿੱਚ ਹੈ ਅਤੇ ਉਸ ਮਨੈਜਰ ਤੇ ਵੀ ਸੰਕਟ ਦੀ ਗਾਜ ਵੀ ਕਿਸੇ ਵੇਲੇ ਹੀ ਡਿੱਗ ਸਕਦੀ ਹੈ।
ਮੱਕੜ ਦੇ ਚਹੇਤੇ ਅਧਿਕਾਰੀਆਂ ਦੀ ਬਦਲੀਆਂ ਇਸ ਸਿਆਸੀ ਹਨੇਰੀ ਦੇ ਪਹਿਲੇ ਬੁਲੇ ਵਿੱਚ ਹੀ
ਹੋ ਜਾਣਗੀਆਂ ਅਤੇ ਵਿਸ਼ੇਸ਼ ਕਰਕੇ ਪੀ.ਏ ਮਨਜੀਤ ਸਿੰਘ ਤੇ ਗੱਡੀਆਂ ਦੇ ਡਰਾਈਵਰ ਤੇ ਲੰਮੇ ਸਮੇਂ
ਤੋਂ ਨਾਲ ਲੱਗੇ ਸੇਵਾਦਾਰ ਵੀ ਬਦਲੇ ਜਾ ਸਕਦੇ ਹਨ।
ਇਹ ਵੀ ਪਤਾ ਲੱਗਾ ਹੈ ਕਿ ਮੱਕੜ ਦੇ ਕੁਝ ਅਣਖੀਲੇ ਸਾਥੀ ਉਹਨਾਂ ਨੂੰ
ਇਸ ਸੰਕਟ ਦੀ ਘੜੀ ਵਿੱਚੋ ਸਦਾ ਲਈ ਨਿਕਲਣ ਲਈ ਅਸਤੀਫਾ ਦੇ ਕੇ ਲਾਂਭੇ ਹੋਣ ਦੀ ਸਲਾਹਾ ਦੇ
ਰਹੇ ਹਨ, ਪਰ ਕੁਰਸੀ ਦਾ ਮੋਹ ਸ੍ਰੀ ਮੱਕੜ ਦੇ ਅਜਿਹਾ ਕਰਨ ਵਿੱਚ ਰੁਕਾਵਟ ਬਣ ਰਿਹਾ ਹੈ।
ਸ੍ਰੀ ਮੱਕੜ ਦੇ ਪਰ ਕੁਤਰਣ ਦਾ ਫੈਸਲਾ ਲੈਣ ਤੋਂ ਪਹਿਲਾਂ ਸ੍ਰੀ
ਸੁਖਬੀਰ ਸਿੰਘ ਬਾਦਲ ਨੇ ਅੱਜ ਸ੍ਰੀ ਰਘੂਜੀਤ ਸਿੰਘ ਵਿਰਕ, ਸੁਖਦੇਵ ਸਿੰਘ ਭੌਰ ਅਤੇ ਗੁਰੂ
ਰਾਮਦਾਸ ਮੈਡੀਕਲ ਕਾਲਜ ਦੀ ਡਾਇਰੈਕਟਰ ਡਾ. ਏ.ਪੀ ਸਿੰਘ ਨਾਲ ਵੀ ਮੀਟਿੰਗ ਕੀਤੀ ਤੇ ਉਹਨਾਂ
ਤੋਂ ਸੁਝਾ ਵੀ ਲਏ ਗਏ। ਮੱਕੜ ਦੇ ਚਹੇਤੇ ਡਾਂ ਏ.ਪੀ. ਸਿੰਘ ਬਾਰੇ ਵੀ ਚਰਚਾ ਹੈ ਉਹ ਵੀ
ਅੱਜ ਮੌਕਾ ਵੇਖ ਸ੍ਰੀ ਮੱਕੜ ਦੇ ਖਿਲਾਫ ਹੀ ਭੁਗਤਿਆ।
ਵਰਨਣਯੋਗ ਹੈ ਕਿ ਅਜਿਹੀ ਕਮੇਟੀ 2004 ਵਿੱਚ ਵੀ ਉਸ ਵੇਲੇ ਬਣਾਈ ਗਈ
ਸੀ ਜਦੋਂ ਜਥੇਦਾਰ ਗੁਰਚਰਨ ਸਿੰਘ ਟੌਹੜਾ ਦੇ ਅਕਾਲ ਚਲਾਣਾ ਕਰ ਜਾਣ ਉਪਰੰਤ, ਸੀਨੀਅਰ ਮੀਤ
ਪ੍ਰਧਾਨ ਸ੍ਰੀ ਅਲਵਿੰਦਰਪਾਲ ਸਿੰਘ ਪੱਖੋਕੇ ਨੇ ਚੰਮ ਦੀਆਂ ਚਲਾਉਣੀਆਂ ਸ਼ੁਰੂ ਕਰ ਦਿੱਤੀਆਂ
ਸਨ।