ਪਿਛਲੇ
ਦਿਨੀਂ ਇੰਟਰਨੈੱਟ ਦੇ ਮਾਧਿਅਮ ਰਾਹੀਂ ਆਪ ਸਭ ਨੂੰ ਪਤਾ ਲੱਗ ਹੀ ਚੁੱਕਾ ਹੋਵੇਗਾ, ਕਿ ਫ਼ਤਹਿ
ਮਲਟੀਮੀਡੀਆ ਨੇ ਦੂਸ਼ਿਤ ਹੋ ਚੁੱਕੇ ਪੰਜਾਬੀ ਗੀਤ-ਸੰਗੀਤ ਪ੍ਰਤੀ ਆਪਣੀ ਫ਼ਿਕਰਮੰਦੀ ਨੂੰ ਅਮਲੀ
ਰੂਪ ਦਿੰਦਿਆਂ ਸਾਫ਼-ਸੁਥਰੀ ਗਾਇਕੀ ਦਾ ਇਕ ਮਿਊਜ਼ੀਕਲ ਗਰੁੱਪ ਤਿਆਰ ਕੀਤਾ ਹੈ, ਜਿਸਦਾ ਨਾਮ
ਹੈ “ਫ਼ਤਹਿ ਰੌਕਸ” ਮਿਊਜ਼ੀਕਲ ਗਰੁੱਪ ।
ਇਸ ਦੇ ਸਾਰੇ ਪ੍ਰਫ਼ੌਰਮਰ ਹੀ ਸਾਬਤ-ਸੂਰਤ ਨੌਜਵਾਨ ਹਨ। ਇਸ ਗਰੁੱਪ ਦੁਆਰਾ ਜੋ ਵੀ ਮੈਟਰ
ਗਾਇਆ ਜਾਂ ਬੋਲਿਆ ਜਾਂਦਾ ਹੈ, ਉਹ ਇਹਨਾਂ ਨੌਜਵਾਨਾਂ ਨੇ ਬੜੀ ਮਿਹਨਤ ਨਾਲ ਖ਼ੁਦ ਹੀ ਲਿਖਿਆ
ਹੋਇਆ ਹੈ ।
ਇਸ ਗਰੁੱਪ ਦੀ ਹਰ ਪੇਸ਼ਕਾਰੀ ਇਸ ਤਰ੍ਹਾਂ ਦੀ ਹੈ ਕਿ ਸੁਣਨ ਵਾਲੇ ਦਾ ਸੀਨਾ
ਚੌੜਾ ਹੋ ਜਾਂਦਾ ਹੈ ।
ਫ਼ਤਹਿ ਰੌਕਸ ਮਿਊਜ਼ੀਕਲ ਗਰੁੱਪ ਦੁਆਰਾ ਪੇਸ਼ ਕੀਤੇ ਜਾਣ ਵਾਲੇ ਹਰ ਟਰੈਕ ਨੂੰ ਦੇਖਦਿਆਂ,
ਸੁਣਦਿਆਂ ਤੇ ਵਿਚਾਰਦਿਆਂ ਜਮਸ਼ੇਦਪੁਰ ਦੇ ਨੌਜਵਾਨਾਂ ਨੇ ਗੁਰਮਤਿ ਪ੍ਰਚਾਰ ਸੈਂਟਰ ਵੱਲੋਂ
ਵੱਡੇ ਪੱਧਰ ‘ਤੇ ਫ਼ਤਹਿ ਰੌਕਸ ਮਿਊਜ਼ੀਕਲ ਨਾਈਟ 21 ਸਤੰਬਰ 2013 ਨੂੰ ਕਰਾਉਣ ਦਾ ਫ਼ੈਸਲਾ
ਲਿਆ ਹੈ ।
ਗੁਰਮਤਿ ਪ੍ਰਚਾਰ ਸੈਂਟਰ ਦੇ ਸਾਰੇ ਨੌਜਵਾਨ ਹੀ ਬੜੀ ਚੜ੍ਹਦੀ ਕਲਾ ਵਾਲੇ ਹਨ ।
ਇਹਨਾਂ ਨੌਜਵਾਨਾਂ ਵੱਲੋਂ ਜੋ ਫ਼ਤਹਿ ਰੌਕਸ ਨਾਈਟ ਕਰਵਾਈ ਜਾ ਰਹੀ ਹੈ ਉਸ ਲਈ ਜਮਸ਼ੇਦਪੁਰ
ਵਿਚ ਰਾਜਿੰਦਰਾ ਵਿਦਿਆਲਿਆ ਆਊਡੋਟੋਰੀਅਮ ਬੁਕ ਕਰਵਾਇਆ ਗਿਆ ਹੈ ।
ਫ਼ਤਹਿ ਰੌਕਸ ਨਾਈਟ ਨੂੰ ਦੇਖਣ, ਸੁਣਨ ਤੇ ਮਾਨਣ ਲਈ ਸੰਗਤਾਂ ਵੱਲੋਂ ਬੜਾ ਉਤਸ਼ਾਹ ਵਿਖਾਇਆ
ਜਾ ਰਿਹਾ ਹੈ । ਫ਼ਤਹਿ ਰੌਕਸ ਗਰੁੱਪ ਦਾ ਮਿਊਜ਼ੀਕਲ ਪ੍ਰੋਗਰਾਮ ਦੇਖਣ ਲਈ ਦੇਸ਼ ਦੇ ਵੱਖ-ਵੱਖ
ਸੂਬਿਆਂ ਦੀਆਂ ਸੰਗਤਾਂ ਵੱਲੋਂ ਪਾਸਾਂ ਦੀ ਮੰਗ ਦਿਨ-ਬ-ਦਿਨ ਵਧ ਰਹੀ ਹੈ । ਇੰਟਰਨੈੱਟ ਰਾਹੀਂ
ਵੀ ਗੁਰਮਤਿ ਪ੍ਰਚਾਰ ਸੈਂਟਰ ਦੇ ਨੌਜਵਾਨਾਂ ਨੇ ਪ੍ਰੋਗਰਾਮ ਦਾ ਵੇਰਵਾ ਜਾਰੀ ਕੀਤਾ ਹੈ ਤੇ
ਪਾਸ ਲੈਣ ਲਈ ਆਪਣੇ ਸੰਪਰਕ ਨੰਬਰ (80927 74237, 72774 00317, 90313 17024) ਵੀ
ਦਿੱਤੇ ਹਨ ।
ਆਪਣੀ ਇਸ ਮਿਊਜ਼ੀਕਲ ਨਾਈਟ ਵਿਚ ਫ਼ਤਹਿ ਰੌਕਸ ਗਰੁੱਪ ਦੇ ਪ੍ਰਫ਼ੌਰਮਾਂ ਵੱਲੋਂ ਦੇਸ਼-ਵਿਦੇਸ਼
ਵਿਚ ਵਾਪਰਦੀਆਂ ਮਨੁੱਖ ਵਿਰੋਧੀ ਘਟਨਾਵਾਂ, ਸਿੱਖ ਇਤਿਹਾਸ, ਭਰੂਣ ਹੱਤਿਆ, ਨਸ਼ਾ ਤੇ ਹੋਰ
ਕਈ ਕਿਸਮ ਦੀਆਂ ਕੁਰੀਤੀਆਂ ‘ਤੇ ਫ਼ੋਕਸ ਕੀਤਾ ਜਾਵੇਗਾ ।