Main News Page

ਅਕਾਲ ਤਖ਼ਤ ਸਾਹਿਬ ਮੁੱਖ ਸੇਵਾਦਾਰ ਗਿਆਨੀ ਗੁਰਬਚਨ ਸਿੰਘ ਅਤੇ ਹੋਰ ਸੇਵਾਦਾਰਾਂ ਨੇ, ਸ਼ਿਰੋਮਣੀ ਕੇਮਟੀ ਮੈਬਰ ਨਵਤੇਜ ਸਿੰਘ ਕਾਉਣੀ ਨੂੰ ਸਿਰਸੇ ਵਾਲਿਆਂ ਦੇ ਸਮਾਗਮ ਵਿਚ ਹਾਜਰੀ ਭਰਨ ਕਰਕੇ ਅਤੇ ਚਰਨਜੀਤ ਸਿੰਘ ਵਲੋਂ ਗੁਰੂ ਗਰੰਥ ਸਾਹਿਬ ਜੀ ਬੇਅਦਬੀ ਕਰਨ ਕਰਕੇ, ਧਾਰਮਿਕ ਸਜਾ ਸੁਨਾਈ ਅਤੇ ਤਨਖਾਹ ਲਗਾਈ ਹੈ। (ਧਾਰਮਿਕ ਸਜ਼ਾ ਵਿਚ ਨਵਤੇਜ ਸਿੰਘ ਕਾਉਣੀ ਨੂੰ ਨਿਤਨੇਮ ਤੋਂ ਇਲਾਵਾ, ਇੱਕ ਪਾਠ ਜਪੁਜੀ ਸਾਹਿਬ ਦਾ ਕਰਨ, ਹਰ ਰੋਜ਼ ਇਕ ਘੰਟਾ ਗੁਰਬਾਣੀ ਸੁਣਨ ਦੀ ਤਨਖਾਹ ਲਗਾਈ ਹੈ। ਚਰਨਜੀਤ ਸਿੰਘ ਨੂੰ ਦਰਬਾਰ ਸਾਹਿਬ ਵੀ ਜੋੜੇ ਝਾੜਨ, ਇੱਕ ਘੰਟਾ ਬਰਤਨ ਸਾਫ਼ ਕਰਨ ਦੀ, ਨਿਤਨੇਮ ਤੋਂ ਇਲਾਵਾ ਪੰਜ ਜਪੁਜੀ ਸਾਹਿਬ ਦੇ ਪਾਠ ਅਤੇ ੫੧੦੦ ਰੁਪਈਏ ਦੀ ਅਰਦਾਸ ਕਰਵਾਉਣ ਦੀ ਤਨਖਾਹ ਲਗਾਈ ਹੈ)

ਇਹਨਾ ਵਲੋਂ ਸੁਨਾਈ ਸਜ਼ਾ ਦੀ ਖਬਰ ਪੜ ਕੇ ਇਹਨਾ ਦੀ ਸੋਚ 'ਤੇ ਬੜਾ ਹਾਸਾ ਜਿਹਾ ਆਉਂਦਾ ਹੈ, ਅਤੇ ਇੱਕ ਸਵਾਲ ਵੀ ਹੈ ਮੁੱਖ ਸੇਵਾਦਾਰਾਂ ਅੱਗੇ, ਜੇਕਰ ਪਾਠ ਕਰਨੇ ਜਾ ਭਾਂਡੇ ਮਾਂਜਣੇ ਜਾਂ ਜੋੜੇ ਝਾੜਨੇ ਹੀ ਸਜਾ ਹੈ, ਤਾਂ ਇਸ ਦਾ ਮਤਲਬ ਲੱਖਾਂ ਲੋਕ ਜੋ ਹਰ ਰੋਜ਼ ਨਿਤਨੇਮ ਕਰ ਰਹੇ ਹਨ, ਭਾਂਡੇ ਮਾਂਜ ਰਹੇ ਹਨ, ਜੋੜੇ ਝਾੜ ਰਹੇ ਹਨ, ਫੇਰ ਤਾਂ ਓਹ ਵੀ ਸਜ਼ਾ ਭੁਗਤ ਰਹੇ ਹਨ, ਇਹਨਾਂ ਦੇ ਕਹਿਣ ਮੁਤਾਬਕ? ਓਹ ਕਿਹੜੇ ਗੁਨਾਹ ਦੀ ਸਜ਼ਾ ਭੁਗਤ ਰਹੇ ਹਨ?

ਸਦਕੇ ਇਹਨਾਂ ਦੀ ਸੋਚ ਦੇ, ਇਹਨਾਂ ਨੇ ਗੁਰਬਾਣੀ ਪੜਨ ਨੂੰ ਵੀ ਸਜ਼ਾ ਬਣਾ ਦਿਤਾ ਹੈ। ਜੇਕਰ ਗੁਰਬਾਣੀ ਪੜਨੀ ਸੁਣਨੀ ਸਜ਼ਾ ਹੈ ਤਾਂ ਫੇਰ ਪੁੰਨ ਕੀ ਹੈ? ਇਹਨਾਂ ਦੇ ਇਸ ਤਰ੍ਹਾਂ ਦੀ ਹਾਸੋਹੀਣੇ ਫੈਸਲਿਆਂ ਕਰਕੇ, ਅੱਜ ਹਰ ਇੱਕ ਜੋ ਸਿੱਖੀ ਸਿੱਧਾਂਤਾਂ ਦੀਆਂ ਧੱਜੀਆਂ ਉਡਾਉਂਦਾ ਹੈ, ਗੁਰੂ ਗਰੰਥ ਸਾਹਿਬ ਜੀ ਬੇਅਦਬੀ ਕਰਦਾ ਹੈ, ਓਸ ਨੂੰ ਕੋਈ ਡਰ ਨਹੀਂ, ਓਸ ਨੂੰ ਪਤਾ ਹੈ ਕਿ ਜੇਕਰ ਅਕਾਲ ਤਖ਼ਤ 'ਤੇ ਚਲਾ ਵੀ ਗਿਆ ਓਹਨਾਂ ਮੈਨੂੰ ਕੀ ਕਰ ਦੇਣਾ ਹੈ।

ਅੱਜ ਕੱਲ ਤਾਂ ਅਕਾਲ ਤਖ਼ਤ 'ਤੇ ਵੀ ਸ਼ਿਫਾਰਸ਼ ਚਲਦੀ ਹੈ। ਨਵਤੇਜ ਸਿੰਘ ਕਾਉਣੀ ਇਹਨਾ ਦਾ ਖਾਸ ਬੰਦਾ ਹੋਣ ਕਰਕੇ, ਇਸ ਨੂੰ ਤਿਨ ਚਾਰ ਵਾਰੀ ਬੁਲਾਇਆ ਗਿਆ, ਪਰ ਮਸਾਂ ਹੀ ਆਇਆ। ਜੇਕਰ ਇਸ ਦੀ ਥਾਂ ਕੋਈ ਹੋਰ ਹੁੰਦਾ ਤਾਂ ਇਹਨਾਂ ਝੱਟ ਛੇਕ ਦੇਣਾ ਸੀ। ਮੁੱਖ ਸੇਵਾਦਾਰ ਜੀ, ਜੇਕਰ ਤੁਸੀਂ ਚਾਹੁੰਦੇ ਹੋ ਕਿ ਅਕਾਲ ਤਖ਼ਤ ਦੀ ਸਰਬਉਚਤਾ ਅਤੇ ਸਤਿਕਾਰ ਬਣਿਆ ਰਹੇ, ਤਾਂ ਸਖਤ ਫੈਸਲੇ ਲਵੋ, ਜਿਹੜੇ ਵੀ ਲੀਡਰ ਜਾਂ ਕੋਈ ਹੋਰ ਡੇਰਿਆਂ ਵਿਚ ਜਾਂਦੇ ਹਨ, ਓਹਨਾਂ ਨੂੰ ਪਾਠ ਕਰਨ ਦੀ ਸਜ਼ਾ ਦੀ ਬਜਾਏ ਕੋਈ ਸਖਤ ਸਜ਼ਾ ਲਗਾਓ, ਤਾਂ ਕਿ ਇਹ ਲੋਕ ਕੋਈ ਗਲਤ ਕੰਮ ਕਰਨ ਤੋਂ ਪਹਿਲਾਂ ਦਸ ਵਾਰ ਸੋਚਣ, ਜਿਵੇਂ ਪ੍ਰਕਾਸ਼ ਸਿੰਘ ਬਾਦਲ ਵਰਗੇ ਡੇਰਿਆਂ ਵਿੱਚ ਜਾਂਦੇ ਹਨ ਸਰਸੇ ਵਾਲੇ ਡੇਰੇ, ਆਸ਼ੂਤੋਸ਼ ਦੇ ਡੇਰੇ, ਰਾਧਾ ਸਵਾਮੀਆਂ ਦੇ ਡੇਰੇ, ਇਹਨਾ ਨੂੰ ਸਜ਼ਾ ਕਦੋਂ ਹੋਵੇਗੀ? ਇਹਨਾਂ ਨੂੰ ਤਾਂ ਉਲਟਾ ਤੁਸੀਂ ਪੰਥ ਰਤਨ ਦੇਕੇ ਸਨਮਾਨਿਤ ਕਰਦੇ ਹੋ। ਪਰ ਮੈਂ ਭੁਲ ਗਿਆ ਸੀ, ਤੁਸੀਂ ਕਰੋ ਵੀ ਕਿਉਂ ਨਾ, ਭਾਈ ਤੁਸੀਂ ਤਾਂ ਇੱਕ ਜਥੇਦਾਰ ਨਾ ਹੋਕੇ ਇਕ ਬਾਦਲ ਦੇ ਨੌਕਰ ਬਣ ਕੇ ਰਹ ਗਏ ਹੋ। ਤੁਹਾਡੇ ਹੁਕਮਨਾਮੇ ਤਾਂ ਚੰਡੀਗੜ ਅਤੇ ਨਾਗਪੁਰ ਤੋਂ ਲਿਖੇ ਲਿਖਾਏ ਆਉਂਦੇ ਹਨ, ਜਿਹੜਾ ਬਾਦਲਾ ਨੂੰ ਨਹੀਂ ਚੰਗਾ ਲਗਦਾ, ਓਸਨੂੰ ਤੁਸੀਂ ਝੱਟ ਦੇਣੇ ਓਹਨਾਂ ਦੇ ਹੁਕਮ ਮੁਤਾਬਕ ਬਾਦਲ ਪੰਥ ਵਿਚੋਂ ਛੇਕ ਦਿੰਦੇ ਹੋ, ਜਿਹੜਾ ਓਹਨਾਂ ਦਾ ਚਹੇਤਾ ਹੁੰਦਾ, ਓਸ ਨੂੰ ਧਾਰਮਿਕ ਸਜ਼ਾ ਲਗਾ ਕੇ ਸੌਖਾ ਹੀ ਬਰੀ ਕਰ ਦਿੰਦੇ ਹੋ। ਜਿਵੇਂ ਪਿਛਲੇ ਦਿਨੀਂ ਕਾਹਨਾ ਢੇਸੀਆਂ ਵਾਲੇ ਗੁਰਮੇਲ ਸਿੰਘ ਸਾਧ ਨੇ ਗੁਰੂ ਗਰੰਥ ਸਾਹਿਬ ਜੀ ਹਜੂਰੀ ਵਿੱਚ ਭੰਗੜਾ ਪਵਾਇਆ ਸੀ, ਅਤੇ ਓਸ ਨੂੰ ਮਾਮੂਲੀ ਸਜ਼ਾ ਦੇਕੇ ਸਾਫ਼ ਬਰੀ ਕਰ ਦਿਤਾ ਸੀ।

ਇਹੋ ਜਿਹੀਆਂ ਹੋਰ ਕਈ ਮਿਸਾਲਾਂ ਹਨ, ਜਿਸ ਵਿਚ ਬਾਦਲ ਵਿਰੋਧੀਆਂ ਨੂੰ ਪੰਥ ਵਿਚੋਂ ਛੇਕਣ ਅਤੇ ਬਾਦਲ ਪੱਖ ਵਾਲਿਆਂ ਨੂੰ ਰਾਹਤ ਦੇਕੇ, ਤੁਸੀਂ ਅਕਾਲ ਤਖ਼ਤ ਨੂੰ ਸਿਆਸਤ ਦਾ ਇੱਕ ਹਥਿਆਰ ਬਣਾ ਕੇ ਰਖ ਦਿਤਾ ਹੈ, ਜੋ ਸਿਆਸੀ ਵਿਰੋਧੀਆਂ ਨੂੰ ਖਤਮ ਕਰਨ ਵਾਸਤੇ ਵਰਤਿਆ ਜਾ ਰਿਹਾ ਹੈ। ਸੋ, ਅੱਜ ਲੋੜ ਹੈ ਅਕਾਲ ਤਖ਼ਤ ਨੂੰ ਇਹਨਾ ਲੋਕਾਂ ਤੋਂ ਆਜ਼ਾਦ ਕਰਵਾਉਣ ਦੀ ਤਾਂ ਕਿ ਸਿੱਖੀ ਦਾ ਸਨਮਾਨ ਅਤੇ ਅਤੇ ਧੰਨ ਧੰਨ ਸਾਹਿਬ ਸ੍ਰੀ ਗੁਰੂ ਗਰੰਥ ਸਾਹਿਬ ਜੀ ਸਤਿਕਾਰ ਬਣਿਆ ਰਹੇ।