Main News Page

ਗੁਰੂਦਵਾਰਾ ਹਰਗੋਬਿੰਦ ਸਾਹਿਬ ਜੀ ਗਰੀਨਵੂਡ ਇੰਡਿਆਨਾ (ਅਮਰੀਕਾ) ਵਿਚ ਦੀਵਾਨ ਸਜਾਏ ਗਏ, ਜਿਸ ਵਿਚ ਪੰਥ ਪ੍ਰਸਿਧ ਕਥਾਵਾਚਿਕ ਭਾਈ ਪੰਥ੍ਰ੍ਪੀਤ ਸਿੰਘ ਖਾਲਸਾ ਨੇ ਹਾਜਰੀ ਭਰੀ ਅਤੇ ਕਥਾ ਵਿਚਾਰਾਂ ਰਹੀ ਸੰਗਤਾਂ ਨੂੰ ਨਿਹਾਲ ਕੀਤਾ। ਪਹਿਲੇ ਦੀਵਾਨ ਸਨਿਚਰਵਾਰ ਸ਼ਾਮ ਨੂੰ ਸਨ, ਭਾਈ ਸਾਹਿਬ ਨੇ ਇਕ ਘੰਟਾ ਕਥਾ ਕੀਤੀ ਅਤੇ ਕਥਾ ਸਮਾਪਤੀ ਤੋਂ ਬਾਅਦ ਸੰਗਤਾਂ ਵਿਚ ਬੈਠ ਕੇ ਸੰਗਤਾਂ ਦੇ ਸਵਾਲਾਂ ਦੇ ਜਵਾਬ ਵੀ ਦਿਤੇ, ਜੋ ਮੈਂ ਆਪਣੀ ਜਿੰਦਗੀ ਵਿਚ ਪਹਿਲੀ ਵਾਰ ਦੇਖਿਆ ਕਿ ਕੋਈ ਪ੍ਰਚਾਰਕ ਸੰਗਤ ਵਿੱਚ ਬੈਠ ਕੇ ਸਵਾਲਾਂ ਦੇ ਜਵਾਬ ਦੇਵੇ। ਸੰਗਤਾਂ ਦਾ ਉਤਸ਼ਾਹ ਦੇਖ ਕੇ ਬਾਹਰ ਟੈਂਟ ਲਾਉਣਾ ਪਿਆ ਅਤੇ ਟ੍ਰੈਫਿਕ ਕੰਟਰੋਲ ਕਰਨ ਵਾਸਤੇ ਪੋਲਿਸ ਦਾ ਪ੍ਰਬੰਧ ਵੀ ਕਰਨਾ ਪਿਆ। ਸਰਦੀ ਹੋਣ ਦੇ ਵਾਵਜੂਦ ਸੰਗਤਾਂ ਪਿਆਰ ਨਾਲ ਸੁਣਦੀਆਂ ਰਹੀਆਂ। ਸ਼ਨਿਚਰਵਾਰ ਕਥਾ ਤੋਂ ਬਾਅਦ ਸੰਗਤਾਂ ਨੇ ਮੰਗ ਕੀਤੀ ਕਿ ਐਤਵਾਰ ਨੂੰ ਕਥਾ ਦਾ ਸਮਾਂ ਵਧਾ ਕੇ ਦੋ ਘੰਟੇ ਕਰ ਦੇਵੋ। ਫੇਰ ਐਤਵਾਰ ਨੂੰ ਦੋ ਦੀਵਾਨ ਸਨ ..ਜਿਸ ਦੌਰਾਨ ਸੰਗਤਾਂ ਦਾ ਠਾਠਾਂ ਮਾਰਦਾ ਇਕੱਠ, ਇਸ ਗੱਲ ਦਾ ਸਬੂਤ ਸੀ ਕਿ ਹੁਣ ਲੋਕ ਜਾਗ ਰਹੇ ਨੇ, ਓਹ ਗੁਰਮਤ ਦੀ ਗੱਲ ਸੁਣਨਾ ਚਾਹੁੰਦੇ ਹਨ। ਲੋਕਾਂ ਨੇ ਭਾਈ ਸਾਹਿਬ ਦੀ ਕਥਾ ਬਹੁਤ ਪਸੰਦ ਕੀਤੀ। ਕਈ ਵੀਰਾਂ ਨੇ ਫੋਨ ਕਰਕੇ ਵਧਾਈ ਵੀ ਦਿਤੀ ਦੀਵਾਨਾਂ ਦੀ ਕਾਮਯਾਬੀ ਵਾਸਤੇ। ਇਹਨਾ ਇਲਾਕਿਆਂ ਵਿਚ ਸਿੱਖਾਂ ਦੀ ਗਿਣਤੀ ਘੱਟ ਹੋਣ ਕਰਕੇ, ਬਹੁਤੇ ਪ੍ਰਚਾਰਕ ਇਸ ਇਲਾਕੇ ਵਿਚ ਆਉਂਦੇ ਨਹੀਂ, ਪਰ ਭਾਈ ਸਾਹਿਬ ਦਾ ਬਹੁਤ ਬਹੁਤ ਧੰਨਵਾਦ, ਜਿਹਨਾ ਸਾਡੀ ਬੇਨਤੀ ਮੰਨਦੇ ਹੋਏ, ਇਥੇ ਆਉਣ ਦਾ ਦਾ ਵਾਅਦਾ ਕੀਤਾ ਅਤੇ ਕਿਹਾ ਸੰਗਤ ਭਾਵੇਂ ਘੱਟ ਹੋਵੇ, ਪਰ ਸਰੋਤੇ ਹੋਣ, ਮੈਂ ਜ਼ਰੂਰ ਹਾਜਰੀ ਲਵਾਵਾਂਗਾ ਅਤੇ ਓਹਨਾਂ ਨੇ ਆਪਣਾ ਵਾਅਦਾ ਪੂਰਾ ਕੀਤਾ।

ਇਥੇ ਮੈਂ ਇਕ ਗੱਲ ਜ਼ਰੂਰ ਦੱਸਣੀ ਚਾਹਾਂਗਾ ਕਿ ਪਿਛਲੇ ਸਾਲ ਇਕ ਸੰਸਥਾ ਦੇ ਇਕ ਨਾਮੀ ਪ੍ਰਚਾਰਕ ਦਾ ਅਮਰੀਕਾ ਦੌਰਾ ਸੀ। ਓਸ ਸੰਸਥਾ ਦੇ ਇਕ ਨੁਮਾਇੰਦੇ ਨੇ ਮੈਨੂੰ ਸਭ ਤੋਂ ਪਹਿਲਾਂ ਫੋਨ ਕਰਕੇ ਪ੍ਰੋਗ੍ਰਾਮ ਦੇ ਦਿੱਤਾ। ਅਸੀਂ ਪ੍ਰਬੰਧ ਕਰਦੇ ਰਹ ਗਏ, ਜਦੋ ਓਹਨਾਂ ਨੂੰ ਵੱਡੇ ਵੱਡੇ ਗੁਰਦਵਾਰੇ ਮਿਲ ਗਏ, ਫੇਰ ਸਾਨੂੰ ਇਹ ਕਹਿ ਕੇ ਜਵਾਬ ਦੇ ਦਿੱਤਾ ਕਿ ਮੁਆਫ ਕਰਨਾ, ਤੁਹਾਡੇ ਇਲਾਕੇ ਵਿੱਚ ਸੰਗਤ ਘੱਟ ਹੈ। ਸੋ ਇਸ ਕਰਕੇ ਅਸੀਂ ਤੁਹਾਨੂੰ ਪ੍ਰੋਗ੍ਰਾਮ ਨਹੀਂ ਦੇ ਸਕਦੇ। ਕਾਰਨ ਪਤਾ ਨਹੀਂ ਕੀ ਸੀ, ਮਾਇਆ ਸੀ, ਜਾਂ ਸੰਗਤ ਸੀ। ਸੋ, ਇਹਨਾਂ ਦੀਵਾਨਾਂ ਦੀ ਸਫਲਤਾ ਵਾਸਤੇ ਇਲਾਕੇ ਦੀਆਂ ਸੰਗਤਾਂ ਦਾ ਅਤੇ ਸੇਵਾਦਾਰਾਂ ਦਾ ਬਹੁਤ ਬਹੁਤ ਧੰਨਵਾਦ ਜਿਹਨਾਂ ਦਿਨ ਰਾਤ ਇਕ ਕਰਕੇ, ਇਸ ਕਾਰਜ ਨੂੰ ਨੇਪਰੇ ਚਾੜ੍ਹਿਆ।

ਧੰਨਵਾਦ
ਵੱਲੋਂ : ਗੁਰਦਵਾਰਾ ਸਾਹਿਬ ਪ੍ਰਬੰਧਕ ਕਮੇਟੀ