ਨੋਟ-ਅਜਿਹਾ ਅੰਧਵਿਸ਼ਵਾਸ਼ੀ ਲੋਕ ਸਾਡੇ ਆਗੂਆਂ ਨੂੰ ਦੇਖ ਕੇ ਹੀ ਕਰਦੇ ਹਨ। ਜੇ ਪਾਰਲੀਮੈਂਟ ਦੀ ਮੈਂਬਰ ਅਤੇ ਬਾਦਲ ਪ੍ਰਵਾਰ ਦੀ ਨੂੰਹ ਹਰਸਿਮਰਤ ਬਾਦਲ ਇੱਕ ਔਰਤ ਹੋ ਕੇ “ਸ਼ਿਵਲਿੰਗ" ਤੇ ਪਾਣੀ, ਦੁੱਧ, ਕੱਚੀ ਲੱਸੀ ਜਾਂ ਫੁੱਲਾਂ ਦੀ ਮਾਲਾ ਚੜ੍ਹਾ ਸਕਦੀ ਹੈ, ਤਾਂ ਅੰਧਵਿਸ਼ਵਾਸ਼ੀ ਸਿੱਖ ਕਿਉਂ ਨਹੀਂ ਅਜਿਹਾ ਕਰਨਗੇ?

ਗੁਰੂ ਪਿਆਰ ਵਾਲੇ ਸਿੱਖੋ! ਲੋੜ ਅੱਜ ਨਿਜ਼ਾਮ ਬਦਲਣ ਦੀ ਹੈ ਨਹੀਂ ਤਾਂ ਜਿਵੇਂ ਬਾਦਲ ਦਲ ਨੇ ਸ਼੍ਰੋਮਣੀ ਕਮੇਟੀ ਵਿੱਚ ਡੇਰੇਦਾਰ ਸਾਧ ਵਾੜ ਦਿੱਤੇ ਹਨ ਕੱਲ੍ਹ ਨੂੰ ਨੰਗੇ ਲਿੰਗਾਂ ਵਾਲੇ ਸਾਧ ਵੀ ਵਾੜੇ ਜਾ ਸਕਦੇ ਹਨ! ਕੀ ਅਖੌਤੀ ਜਥੇਦਾਰ ਹਰਸਿਮਰਤ ਕੌਰ ਬਾਦਲ ਅਤੇ ਅਜਿਹੇ ਹੋਰ ਲੀਡਰਾਂ ਨੂੰ ਅਕਾਲ ਤਖਤ ਤੇ ਤਲਬ ਕਰਕੇ ਗੁਰਮਰਯਾਦਾ ਸਿਖਾਉਣਗੇ ਜਾਂ ਬਾਦਲ ਵਿਰੋਧੀਆਂ ਨੂੰ ਹੀ ਤਨਖਾਹਾਂ ਲਾਉਂਦੇ ਅਤੇ ਪੰਥ ਚੋਂ ਛੇਕਦੇ ਹੋਏ, ਆਪਣੇ ਆਕਾਵਾਂ ਦੀ ਰਹਿਮਤ ਦੇ ਗੁਲਸ਼ਰੇ ਉਡਾਉਂਦੇ ਰਹਿਣਗੇ? ਸੱਚ ਕੜਵਾ ਹੁੰਦਾ ਹੈ ਪਰ ਇਸ ਦੀ ਤਾਸੀਰ ਭਲੇ ਵਾਲੀ ਹੁੰਦੀ ਹੈ।

ਦਾਸ ਨੇ ਗੁਰਬਾਣੀ ਜੋ ਕੌੜਾ ਸੱਚ ਅਤੇ ਮਿੱਠਾ ਮਾਖਿਓਂ ਹੈ ਦੇ ਅਧਾਰ 'ਤੇ ਹੀ ਇਹ ਚਾਰ ਅੱਖਰ ਲਿਖੇ ਹਨ। ਬੀਤੇ ਕੱਲ੍ਹ ਦੀ ਖ਼ਾਲਸਾ ਨਿਉਜ਼ (11-15-13) ਪੜ੍ਹ ਕੇ ਹਰੇਕ ਸਿੱਖ ਦਾ ਹਿਰਦਾ ਛਲਣੀ ਹੋਇਆ ਹੋਵੇਗਾ! ਬਾਬੇ ਨਾਨਕ ਦਾ ਰੱਬੀ ਧਰਮ ਬਹੁਤੇ ਗੁਰਦੁਆਰਿਆਂ ਅਤੇ ਸਿੱਖ ਸੰਸਥਾਵਾਂ ਚੋਂ ਵੀ ਉੱਡਰਿਆ!