ਅਜਿਹਾ
ਕਰਨਾ ਕਦਾਚਿੱਤ ਵੀ ਸਿੱਖੀ ਪ੍ਰਚਾਰ ਅਤੇ ਸੁਧਾਰ ਨਹੀਂ,
ਸਗੋਂ ਹਊਆ ਖੜਾ ਕਰਨਾ ਹੈ। ਮੀਡੀਏ ਦੀਆਂ ਖਬਰਾਂ ਅਤੇ ਮੂਵੀਆਂ ਅਨੁਸਾਰ, ਕੁਝ ਸਮੇਂ ਤੋਂ
ਦਮਦਮੀ ਟਕਸਾਲ ਦਾ ਅਮਰੀਕ ਸਿੰਘ ਅਜਨਾਲਾ ਧੜਾ ਹੁਣ ਟਕਸਾਲ ਦੇ ਅਕਸ ਨੂੰ ਢਾਹ ਲਾ ਰਿਹਾ
ਹੈ। ਕਦੇ ਇਹ ਧੜਾ ਸਿੱਖਾਂ ਸੇਵਕਾਂ ਦੇ ਘਰੋਂ ਗੁਰਬਾਣੀ ਦੀਆਂ ਬੀੜਾਂ, ਪੋਥੀਆਂ ਅਤੇ
ਗੁਟਕੇ ਧੱਕੇ ਨਾਲ ਚੁੱਕ ਲਿਆਉਂਦਾ ਹੈ ਅਤੇ ਕਦੇ ਡਾਂਗਾਂ ਸੋਟਿਆਂ ਨਾਲ ਕੁੱਟਦਾ ਹੈ। ਇਸ
ਡਰੋਂ ਹੁਣ ਬਹੁਤੇ ਲੋਕ ਗੁਰਬਾਣੀ ਦੀਆਂ ਪੋਥੀਆਂ ਘਰ ਲਿਆ ਕੇ ਪੜਣੀਆਂ ਵਿਚਾਰਨੀਆਂ ਛੱਡ ਕੇ
ਡੇਰੇਦਾਰਾਂ ਅਤੇ ਅਨਮੱਤੀਆਂ ਦੇ ਢਹੇ ਚੜਦੇ ਜਾ ਰਹੇ ਹਨ। ਭਲਿਓ! ਗੁਰਬਾਣੀ ਦਾ ਤਾਂ
ਫੁਰਮਾਨ ਹੈ-
ਗਰੀਬਾਂ ਉਪਰਿ ਜਿ ਖਿੰਝੈ ਦਾੜੀ॥ ਪਾਰਬ੍ਰਹਮਿ ਸਾ ਅਗਨਿ ਮਹਿ
ਸਾੜੀ॥ ਪੂਰਾ ਨਿਆਉ ਕਰੇ ਕਰਤਾਰੁ॥ ਅਪੁਨੇ ਦਾਸ ਕਉ ਰਾਖਨਹਾਰੁ ॥੧॥ ਰਹਾਉ ॥
(199)
ਜ਼ਰਾ
ਸੋਚੋ! ਜੇ ਇਹ ਟਕਸਾਲੀ ਇਨੇ ਹੀ ਬਹਾਦਰ ਹਨ ਤਾਂ ਅਕਾਲੀ ਦਲ, ਸ਼੍ਰੋਮਣੀ ਕਮੇਟੀ ਅਤੇ
ਡੇਰੇਦਾਰ ਸਾਧਾਂ ਦੇ ਲੀਡਰ ਜੋ ਬਹੁਤੇ ਸ਼ਰੇਆਮ ਭੰਗ, ਡੋਡੇ, ਅਫੀਮ ਅਤੇ ਸ਼ਰਾਬ ਆਦਿਕ ਨਸ਼ੇ
ਪੀਂਦੇ ਵਰਤਦੇ ਅਤੇ ਵੇਚਦੇ ਅਤੇ ਉਨ੍ਹਾਂ ਚੋਂ ਕਈ ਗੁਰਦੁਆਰਿਆਂ ਦੇ ਪ੍ਰਧਾਨ ਸੈਕਟਰੀ ਵੀ
ਹਨ। ਇਹ ਕੱਟੜ ਟਕਸਾਲੀ ਜਰਾ ਉਨ੍ਹਾਂ ਨੂੰ ਛੱਲੀਆਂ ਵਾਂਗ ਕੁੱਟ ਕੇ ਵਖਾਣ, ਫਿਰ ਪਤਾ ਲੱਗੂ
ਕੀ ਭਾਅ ਵਿਕਦੀ ਹੈ? ਗਰੀਬ ਨੂੰ ਤਾਂ ਹਰੇਕ ਕੁੱਟ ਲੈਂਦਾ ਹੈ। ਨਾਲੇ ਜਿਹੜੇ ਗ੍ਰੰਥਾਂ
ਵਿੱਚ ਇਨ੍ਹਾਂ ਨਸ਼ਿਆਂ ਦਾ ਪ੍ਰਚਾਰ ਕੀਤਾ ਗਿਆ ਹੈ ਉਨ੍ਹਾਂ ਦਾ ਪ੍ਰਚਾਰ ਬੰਦ ਕਰਾਉਣ।
ਇਸ ਤਰੀਕੇ ਦੀ ਜ਼ਬਰੀ ਕੁੱਟ ਕੁਟਾਈ
ਸਿੱਖੀ ਦੇ ਅਕਸ ਨੂੰ ਲੋਕਾਂ ਸਾਹਮਣੇਂ ਦਰਿੰਦਾ ਪੇਸ਼ ਕਰਦੀ ਹੈ। ਜਿਹੜੇ ਗੈਰ ਸਿੱਖ ਜਾਂ
ਸਿੱਖੀ ਤੋਂ ਅਣਜਾਣ ਬੱਚੇ ਇਹ ਬੇਦਰਦੀ ਨਾਲ ਹੱਡ ਤੋੜਨ ਦੀਆਂ ਮੂਵੀਆਂ ਦੇਖਣਗੇ,
ਕੀ ਉਹ ਸਿੱਖੀ ਧਾਰਨ ਦਾ ਹੌਂਸਲਾ ਕਰਨਗੇ? ਜਾਂ ਇਸ ਦੇ ਵਿਰੁੱਧ ਲੋਕਾਂ ਨੂੰ ਦੱਸਣਗੇ ਕਿ
ਵੇਖਣਾ ਕਿਤੇ ਸਿੱਖ ਨਾ ਬਣ ਜਾਇਓ,
ਜੇ ਕਿਤੇ ਗਲਤੀ ਕਰ ਲਈ ਤਾਂ ਤੁਹਾਡੀਆਂ ਹੱਡ ਪਸਲੀਆਂ ਸਾਬਤ ਨਹੀਂ ਰਹਿਣੀਆਂ।
ਜ਼ਰਾ ਸਰਸੇ ਵਾਲੇ ਪਾਖੰਡੀ ਸਾਧ ਨੂੰ
ਇਵੇਂ ਫੜ ਕੇ ਕੁੱਟ ਕੇ ਵਿਖਾਉ ਜੇ ਵੱਡੇ ਬਹਾਦਰ ਹੋ ਤਾਂ। ਗੁਰਬਾਣੀ ਤਾਂ ਫੁਰਮਾਂਦੀ ਹੈ
ਕਿ-
ਜੈਸਾ ਬਾਲਕੁ ਭਾਇ ਸੁਭਾਈ ਲਖ ਅਪਰਾਧ ਕਮਾਵੈ ॥ ਕਰਿ ਉਪਦੇਸੁ
ਝਿੜਕੇ ਬਹੁ ਭਾਤੀ ਬਹੁੜਿ ਪਿਤਾ ਗਲਿ ਲਾਵੈ ॥ ਪਿਛਲੇ ਅਉਗੁਣ ਬਖਸਿ ਲਏ ਪ੍ਰਭੁ ਆਗੈ ਮਾਰਗਿ
ਪਾਵੈ ॥੨॥ (624) ਦੇਖੋ ਗੁਰੂ ਤਾਂ ਲਖ ਅਪਰਾਧੀ ਨੂੰ ਵੀ ਉਪਦੇਸ਼ ਰੂਪ ਝਿੜਕ ਕੇ
ਅੱਗੇ ਮਾਰਗ ਪਾਉਂਦਾ ਹੈ ਨਾਂ ਕਿ ਪਹਿਲੇ ਹੱਡ ਤੋੜ ਕੇ।
ਕੀ ਹੁਣ ਦਮਦਮੀ ਟਕਸਾਲ ਵਿੱਚ ਹੱਡ
ਤੋੜਨ ਦੀ ਵਿਦਿਆ ਹੀ ਸਿਖਾਈ ਜਾਂਦੀ ਹੈ? ਗੁਰੂ ਭਲੀ ਕਰੇ ਟਕਸਾਲੀਓ ਗੁਰੂ ਦੇ ਮਾਰਗ ਨੂੰ
ਅਪਨਾਓ, ਨਾ ਕਿ ਤਾਲੇਬਾਨੀ
ਮਾਰਗ ਨੂੰ। ਵੱਧ ਤੋਂ ਵੱਧ ਲੋਕਾਂ ਨੂੰ ਗੁਰਬਾਣੀ ਦੀ ਵਿਚਾਰਧਾਰਾ ਸਿਖਾਓ ਫਿਰ ਉਹ ਆਪੇ
ਔਗੁਣ ਵੀ ਤਿਆਗ ਦੇਣਗੇ।