ਪ੍ਰਭਦੀਪ
ਸਿੰਘ ਜੀ ਆਪ ਜੀ ਜਿਵੇਂ ਗੁਰਮੱਤੀ ਵਿਦਵਤਾ, ਸਾਹਸ ਅਤੇ ਦਲੇਰੀ ਨਾਲ ਇੱਕ ਪੁਜਾਰੀਨੁਮਾਂ
ਜਥੇਦਾਰ ਨਾਲ ਜਹਾਜ ਵਿੱਚ ਹੀ ਸੰਵਾਦ ਕਰਨ ਦੀ ਜੁਰਅਤ ਕੀਤੀ ਹੈ ਬਾਕਮਾਲ ਹੈ ਆਪ ਜੀ
ਬਿਲਕੁਲ ਜਥੇਦਾਰੀ ਦੇ ਲਾਇਕ ਹੋ। ਇਹ ਮਹੰਤ ਟਾਈਪ ਪੁਜਾਰੀ ਕੌਮ ਨੂੰ ਕੋਈ ਸੇਧ ਨਹੀਂ ਦੇ
ਸਕਦੇ ਸਗੋਂ ਕਰਮਕਾਂਡਾਂ ਅਤੇ ਅੰਧਵਿਸ਼ਵਾਸ਼ਾਂ ਰਾਹੀਂ ਅਤੇ ਸਰਕਾਰੀ ਮਿਲੀਭੁਗਤ ਰਾਹੀਂ ਲੁੱਟ
ਹੀ ਸਕਦੇ ਹਨ। ਜਦ ਜੁੰਮੇਵਾਰ ਸਿੱਖ ਇਨ੍ਹਾਂ ਨੂੰ ਗੁਰਮਤਿ ਬਾਰੇ ਸਵਾਲ ਜਵਾਬ ਕਰਨ ਲੱਗ ਪਏ,
ਤਾਂ ਜਾਂ ਤਾਂ ਇਹ ਗਲਤੀ ਮੰਨ ਕੇ ਸੁਧਰ ਜਾਣਗੇ ਜਾਂ ਹੌਲੌ ਹੌਲੀ ਕਿਨਾਰਾ ਕਰ ਜਾਣਗੇ।
ਅਕਾਲ ਪੁਰਖ ਨੇ ਇਹ ਵਧੀਆ ਸਬੱਬ ਬਣਾ ਦਿੱਤਾ ਗਲਬਾਤ ਕਰਨ ਦਾ ਨਹੀਂ
ਤਾਂ ਇਹ ਲੋਕ ਜਿਨ੍ਹਾਂ ਥੱਲੇ ਕਿੰਨੇ ਹੋਰ ਕਰਿੰਦੇ ਅਤੇ ਬਾਡੀਗਾਰਡ ਹਨ ਆਮ ਸਿੱਖ ਚਿੰਤਕ
ਨੂੰ ਨੇੜੇ ਨਹੀਂ ਫਟਕਨ ਦਿੰਦੇ। ਜਿਨ੍ਹਾਂ ਦਾ ਅਧਾਰ ਹੀ ਬ੍ਰਾਹਮਣ ਦੀਆਂ ਲਿਖੀਆਂ ਸੌ
ਸਾਖੀਆਂ ਹੋਣ ਅਤੇ ਗੁਰੂ ਗ੍ਰੰਥ ਸਾਹਿਬ ਨੂੰ ਕੇਵਕ ਤੇ ਕੇਵਲ ਪੂਜਾ ਪਾਠ ਤੱਕ ਸੀਮਤ ਕਰ
ਦੇਣ ਉਹ ਕੌਮੀ ਜਥੇਦਾਰ ਨਹੀਂ ਹੋ ਸਕਦੇ।
ਇਹ ਮਚਲੇ ਤੇ ਮੀਸਣੇ ਹਨ ਇਨ੍ਹਾਂ ਨੂੰ ਸਭ ਪਤਾ ਹੈ ਮਰਯਾਦਾ ਅਤੇ
ਗੁਰੂ ਗ੍ਰੰਥ ਅਤੇ ਦਸਮ ਗ੍ਰੰਥ ਵਿਚਲੇ ਫਰਕ ਦਾ। ਜਿਹੜਾ ਬੰਦਾ ਆਪਣੇ ਅਸਲੀ ਬਾਪ (ਗੁਰੂ
ਗ੍ਰੰਥ ਸਾਹਿਬ) ਦਾ ਨਹੀਂ ਬਣਿਆਂ, ਸਗੋਂ ਹੋਰ ਗੁਰਮਤਿ ਵਿਰੋਧੀ ਗ੍ਰੰਥਾਂ ਅਤੇ ਸਾਖੀਆਂ ਤੇ
ਟੇਕ ਰੱਖਦਾ ਹੈ ਅਤੇ ਪੇਟ ਖਾਤਰ ਸੱਚ ਨਹੀਂ ਬਿਆਨ ਕਰ ਸਕਦਾ, ਉਸ ਤੋਂ ਕੌਮੀ ਭਲੇ ਦੀ ਆਸ
ਕਰਨੀ, ਪਾਣੀ ਵਿੱਚ ਮਧਾਣੀ ਵਾਲੀ ਗੱਲ ਹੀ ਹੋ ਸਕਦੀ ਹੈ।
ਸਿੱਖੀ ਸਿਧਾਂਤਾਂ ਦਾ ਇਨਕਲਾਬ ਤਾਂ ਆਪ ਜੀ ਵਰਗੇ ਕਿਰਤੀ ਸਿੱਖ
ਸੇਵਕ ਨਿਧੜਕ ਪ੍ਰਚਾਰਕਾਂ ਨੇ ਹੀ ਲਿਆਉਣਾ ਹੈ। ਅਰਦਾਸਿ ਕਰਦਾ ਹਾਂ ਅਕਾਲ ਪੁਰਖ ਪ੍ਰਮਾਤਮਾਂ
ਆਪ ਜੀ ਵਰਗੇ ਸਭ ਵੀਰਾਂ ਨੂੰ ਗੁਰਮਤਿ ਪ੍ਰਚਾਰ ਦਾ ਹੋਰ ਉਤਸ਼ਾਹ ਅਤੇ ਸਦੀਵ ਚੜ੍ਹਦੀਆਂ ਕਲਾਂ
ਬਖਸ਼ੇ। ਆਪ ਜੀ ਦੀ ਦਲੇਰੀ ਅਤੇ ਇਨਕਲਾਬੀ ਵਿਚਾਰਾਂ ਦੇ ਕਮਾਲ ਦੀ ਆਪ ਜੀ ਨੂੰ ਦਾਦ ਦੇਣੀ
ਬਣਦੀ ਹੈ।
