ਅੰਮ੍ਰਿਤਸਰ
18 ਜਨਵਰੀ (ਜਸਬੀਰ ਸਿੰਘ): ਤਖਤ ਸ੍ਰੀ ਪਟਨਾ ਸਾਹਿਬ ਵਿਖੇ ਸੱਤ ਜਨਵਰੀ 2014 ਨੂੰ ਹੋਏ
ਖੂਨੀ ਵਿਵਾਦ ਨੂੰ ਲੈ ਕੇ ਪੰਜ ਮੁੱਖ ਪੁਜਾਰੀਆਂ ਦੀ ਹੰਗਾਮੀ ਮੀਟਿੰਗ 22 ਜਨਵਰੀ ਨੂੰ ਸ੍ਰੀ
ਅਕਾਲ ਤਖਤ ਦੇ ਸਕੱਤਰੇਤ ਵਿਖੇ ਬੁਲਾਈ ਗਈ ਹੈ, ਜਿਸ ਵਿੱਚ ਤਖਤ ਸ੍ਰੀ ਪਟਨਾ ਸਾਹਿਬ ਦੇ
ਜਥੇਦਾਰ ਗਿਆਨੀ ਇਕਬਾਲ ਸਿੰਘ ਤੇ ਨਵੇਂ ਥਾਪੇ ਗਏ ਜਥੇਦਾਰ ਗਿਆਨੀ ਪ੍ਰਤਾਪ ਸਿੰਘ ਨੂੰ
ਸਪੱਸ਼ਟੀਕਰਨ ਦੇਣ ਲਈ ਬੁਲਾਇਆ ਗਿਆ ਹੈ।
ਮੀਟਿੰਗ ਸਬੰਧੀ ਭਾਂਵੇ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਮੁੱਖ ਪੁਹਾਰੀ
ਗਿਆਨੀ ਗੁਰਬਚਨ ਸਿੰਘ ਦੇ ਨਿੱਜੀ ਸਹਾਇਕ ਸ੍ਰ. ਜਸਵਿੰਦਰਪਾਲ ਸਿੰਘ ਨੇ ਇਹ ਮੀਟਿੰਗ ਹੋਣ
ਦੀ ਪੁਸ਼ਟੀ ਨਹੀਂ ਕੀਤੀ, ਪਰ ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ, ਤਖਤ ਸ੍ਰੀ ਪਟਨਾ
ਸਾਹਿਬ ਵਿਖੇ ਸੱਤ ਜਨਵਰੀ ਨੂੰ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਪ੍ਰਕਾਸ਼ ਉਤਸਵ ਦੇ
ਸਮਾਗਮ ਸਮੇਂ ਗਿਆਨੀ ਇਕਬਾਲ ਸਿੰਘ ਤੇ ਬਾਬਾ ਕਸ਼ਮੀਰਾ ਸਿੰਘ ਭੂਰੀ ਵਾਲਿਆਂ ਵਿਚਕਾਰ ਹੋਏ
ਖੂਨੀ ਟਕਰਾਅ ਦਾ, ਗਿਆਨੀ ਗੁਰਬਚਨ ਸਿੰਘ ਨੇ ਗੰਭੀਰ ਨੋਟਿਸ ਲੈਂਦਿਆਂ ਇਸ ਘਟਨਾ ਨੂੰ
ਮੰਦਭਾਗਾ ਹੀ ਨਹੀਂ ਦੱਸਿਆ, ਸਗੋਂ ਦੋਸ਼ੀਆਂ ਵਿਰੁੱਧ ਕਾਰਵਾਈ ਨੂੰ ਯਕੀਨੀ ਬਣਾਉਣ ਦਾ ਅਹਿਦ
ਵੀ ਲਿਆ।
ਇਸੇ ਸੰਦਰਭ ਵਿੱਚ ਹੀ 22 ਜਨਵਰੀ ਨੂੰ ਪੰਜ ਮੁੱਖ ਪੁਜਾਰੀਆਂ ਦੀ ਮੀਟਿੰਗ ਬੁਲਾਈ ਗਈ ਹੈ,
ਜਿਸ ਤਖਤ ਸ੍ਰੀ ਪਟਨਾ ਸਾਹਿਬ ਦੇ ਮੁਅੱਤਲ ਜਥੇਦਾਰ ਗਿਆਨੀ ਇਕਬਾਲ ਸਿੰਘ ਤੇ ਨਵੇਂ ਥਾਪੇ
ਗਏ ਮੀਤ ਗ੍ਰੰਥੀ ਗਿਆਨੀ ਪ੍ਰਤਾਪ ਸਿੰਘ ਨੂੰ ਆਪਣਾ ਆਪਣਾ ਪੱਖ ਪੇਸ਼ ਕਰਨ ਲਈ ਬੁਲਾਇਆ ਗਿਆ
ਹੈ, ਜਦ ਕਿ ਪ੍ਰਬੰਧਕੀ ਕਮੇਟੀ ਨੂੰ ਹਾਲੇ ਤੱਕ ਬੁਲਾਉਣ ਬਾਰੇ ਕੋਈ ਜਾਣਕਾਰੀ ਨਹੀਂ ਮਿਲੀ
ਹੈ।
ਪੰਜ ਮੁੱਖ ਪੁਜਾਰੀਆਂ ਦੀ ਹੋਣ ਵਾਲੀ ਇਸ ਮੀਟਿੰਗ ਵਿੱਚ ਇਸ ਵਾਰੀ
ਗਿਆਨੀ ਗੁਰਬਚਨ ਸਿੰਘ, ਗਿਆਨੀ ਮੱਲ ਸਿੰਘ, ਗਿਆਨੀ ਬਲਵੰਤ ਸਿੰਘ ਨੰਦਗੜ੍ਹ, ਗਿਆਨੀ
ਜੋਤਇੰਦਰ ਸਿੰਘ ਤੋਂ ਇਲਾਵਾ ਪਟਨਾ ਸਾਹਿਬ ਦੀ ਘਟਨਾ ਦੇ ਮੁੱਖ ਗਵਾਹ ਗਿਆਨੀ ਜਗਤਾਰ ਸਿੰਘ
ਭਿੱਖੀਵਿੰਡ ਵਾਲਿਆਂ ਦੀ ਬਜਾਏ ਐਡੀਸ਼ਨਲ ਹੈ¤ਡ ਗ੍ਰੰਥੀ ਗਿਆਨੀ ਜਗਤਾਰ ਸਿੰਘ ਲੁਧਿਆਣਾ ਨੂੰ
ਬੁਲਾਇਆ ਗਿਆ। ਗਿਆਨੀ ਇਕਬਾਲ ਸਿੰਘ ਇਸ ਵਾਰੀ ਜੱਜਾਂ ਦੀ ਬਜਾਏ ਮੁਜਰਿਮਾਂ ਦੀ ਕਤਾਰ ਵਿੱਚ
ਖੜੇ ਹੋਣਗੇ।
ਮੀਟਿੰਗ ਸਬੰਧੀ ਸਾਰੇ ਜਥੇਦਾਰਾਂ ਨੂੰ ਟੈਲੀਫੂਨ ਸੁਨੇਹੇ ਦੇ ਦਿੱਤੇ
ਗਏ ਹਨ ਅਤੇ ਲਿਖਤੀ ਰੂਪ ਵਿੱਚ ਪੱਤਰ ਵੀ ਭੇਜ ਜਾਣ ਦੀ ਸੂਚਨਾ ਮਿਲੀ ਹੈ। ਮੀਟਿੰਗ ਗਿਆਨੀ
ਗੁਰਬਚਨ ਸਿੰਘ ਦੀ ਪ੍ਰਧਾਨਗੀ ਹੇਠ 22 ਜਨਵਰੀ ਨੂੰ ਸਵੇਰੇ 11 ਵਜੇ ਸ੍ਰੀ ਅਕਾਲ ਤਖਤ
ਸਾਹਿਬ ਦੇ ਸਕੱਤਰੇਤ ਵਿਖੇ ਹੋਵੇਗੀ।
ਵਰਨਣਯੋਗ ਹੈ ਕਿ ਬੀਤੀ ਸੱਤ ਜਨਵਰੀ 2014 ਨੂੰ ਤਖਤ ਸ੍ਰੀ ਪਟਨਾ
ਸਾਹਿਬ ਦੀ ਪ੍ਰਬੰਧਕੀ ਕਮੇਟੀ ਨੇ ਤਖਤ ਦੇ ਜਥੇਦਾਰ ਗਿਆਨੀ ਇਕਬਾਲ ਸਿੰਘ ਦੇ ਬਾਹਰੀ
ਰੁਝੇਵਿਆਂ ਨੂੰ ਮੁੱਖ ਰੱਖ ਕੇ ਪ੍ਰਬੰਧਕੀ ਕਮੇਟੀ ਨੇ 2017 ਵਿੱਚ ਗੁਰੂ ਗੋਬਿੰਦ ਸਿੰਘ ਜੀ
ਦੀ ਮਨਾਈ ਜਾ ਰਹੀ ਸ਼ਤਾਬਦੀ ਦੇ ਪ੍ਰਬੰਧਾਂ ਨੂੰ ਲੈ ਕੇ ਤਖਤ ਸ੍ਰੀ ਹਜੂਰ ਸਾਹਿਬ ਦੇ ਹੈ¤ਡ
ਗ੍ਰੰਥੀ ਗਿਆਨੀ ਪਰਤਾਪ ਸਿੰਘ ਨੂੰ ਪਟਨਾ ਸਹਿਬ ਦਾ ਮੀਤ ਹੈ¤ਡ ਗ੍ਰੰਥੀ ਨਿਯੁਕਤ ਕੀਤਾ ਸੀ,
ਜਿਸ ਦਾ ਵਿਰੋਧ ਹੈ¤ਡ ਗ੍ਰੰਥੀ ਤੇ ਤਖਤ ਸਾਹਿਬ ਦੇ ਜਥੇਦਾਰ ਗਿਆਨੀ ਇਕਬਾਲ ਸਿੰਘ ਨੇ ਕੀਤਾ
ਤੇ ਇਹ ਵਿਰੋਧ ਖੂਨੀ ਝੜਪ ਵਿੱਚ ਉਸ ਵੇਲੇ ਬਦਲ ਗਿਆ, ਜਦੋਂ ਧੱਕਾ ਮੁੱਕੀ ਦੌਰਾਨ ਭੂਰੀ
ਵਾਲੇ ਸੰਪਰਦਾ ਦੇ ਮੁੱਖੀ ਬਾਬਾ ਕਸ਼ਮੀਰਾ ਸਿੰਘ ਸਟੇਜ ਤੋਂ ਥੱਲੇ ਡਿੱਗ ਪਏ ਅਤੇ ਉਹਨਾਂ ਦੀ
ਦਸਤਾਰ ਲੱਥ ਗਈ। ਬਾਬਾ ਭੂਰੀਵਾਲਾ ਦੀ ਦਸਤਾਰ ਲੱਥਣ ਤੋਂ ਬਾਅਦ ਉਹਨਾਂ ਦੇ ਸੇਵਾਦਾਰਾਂ ਤੇ
ਫਿਰ ਗਿਆਨੀ ਇਕਬਾਲ ਸਿੰਘ ਤੇ ਉਸ ਦੇ ਸਾਥੀਆਂ ਦੀ ਜੰਮ ਕੇ ਪਿੱਟਾਈ ਕੀਤੀ ਤੇ ਦੋਹਾਂ ਧਿਰਾਂ
ਵਿਚਕਾਰ ਕਿਰਪਾਨਾਂ ਵੀ ਚੱਲੀਆਂ। ਜਥੇਦਾਰ ਗਿਆਨੀ ਇਕਬਾਲ ਸਿੰਘ ਦੀ ਇਸ ਧੱਕਾ ਮੁੱਕੀ ਵਿੱਚ
ਦਸਤਾਰ ਵੀ ਖਿੱਲਰ ਗਈ ਸੀ ਤੇ ਉਹ ਫੱਟੜ ਹਾਲਤ ਵਿੱਚ ਹੀ ਲੱਥੀ ਦਸਤਾਰ ਲੈ ਕੇ ਹੀ ਥਾਣੇ
ਪੁੱਜ ਗਏ ਸਨ, ਜਿਥੇ ਉਹਨਾਂ ਨੇ ਛੇ ਬੰਦਿਆਂ ਦੇ ਖਿਲਾਫ ਇਰਾਦਾ ਕਤਲ ਦਾ ਪਰਚਾ ਵੀ ਦਰਜ
ਕਰਵਾ ਦਿੱਤਾ ਸੀ, ਜਿਸ ਵਿੱਚ ਪ੍ਰਬੰਧਕੀ ਕਮੇਟੀ ਦੇ ਅਹੁਦੇਦਾਰਾਂ ਤੋਂ ਇਲਾਵਾ ਬਾਬਾ
ਕਸ਼ਮੀਰਾ ਸਿੰਘ ਭੂਰੀਵਾਲੇ ਤੇ ਗਿਆਨੀ ਪ੍ਰਤਾਪ ਸਿੰਘ ਦਾ ਨਾਮ ਵੀ ਸ਼ਾਮਲ ਹੈ। ਪੁਲੀਸ ਨੇ
ਭਾਂਵੇ ਕਿਸੇ ਵੀ ਵਿਅਕਤੀ ਦੀ ਗ੍ਰਿਫਤਾਰੀ ਨਹੀਂ ਕੀਤੀ ਤੇ ਪ੍ਰਬੰਧਕੀ ਕਮੇਟੀ ਨੇ ਵਿਰੋਧ
ਕਰਦਿਆਂ ਬਿਹਾਰ ਦੇ ਮੁੱਖ ਮੰਤਰੀ ਸ੍ਰੀ ਨਿਤੀਸ਼ ਕੁਮਾਰ ਤੇ ਪੁਲੀਸ ਦੇ ਉ¤ਚ ਅਧਿਕਾਰੀਆਂ
ਨੂੰ ਮਿਲ ਕੇ ਇਸ ਝੂਠੇ ਪਰਚੇ ਨੂੰ ਰੱਦ ਕਰਨ ਦੀ ਮੰਗ ਵੀ ਕੀਤੀ ਹੈ।
ਇਸੇ ਤਰ੍ਹਾਂ ਸ਼੍ਰੋਮਣੀ ਗੁਰੂਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ
ਅਵਤਾਰ ਸਿੰਘ ਮੱਕੜ ਨੇ ਵੀ ਘਟਨਾ ਦੀ ਜਾਂਚ ਲਈ ਸ਼੍ਰੋਮਣੀ ਕਮੇਟੀ ਦੇ ਜਨਰਲ ਸਕੱਤਰ ਸ੍ਰ.
ਸੁਖਦੇਵ ਸਿੰਘ ਭੌਰ ਦੀ ਅਗਵਾਈ ਹੇਠ ਇੱਕ ਪੰਜ ਮੈਂਬਰੀ ਕਮੇਟੀ ਵੀ ਭੇਜੀ ਸੀ, ਜਿਸ ਬਾਰੇ
ਵੀ ਜਾਣਕਾਰੀ ਮਿਲੀ ਹੈ ਕਿ ਕਮੇਟੀ ਦੇ ਨੇ ਦੋਹਾਂ ਧਿਰਾਂ ਵਿੱਚ ਸਮਝੌਤਾ ਕਰਾਉਣ ਦੀ
ਪ੍ਰੀਕਿਰਿਆ ਸ਼ੁਰੂ ਕੀਤੀ, ਤਾਂ ਪ੍ਰਬੰਧਕੀ ਕਮੇਟੀ ਨੂੰ ਗਿਆਨੀ ਇਕਬਾਲ ਸਿੰਘ ਦੀ ਮੁਅੱਤਲੀ
ਵਾਪਸ ਲੈਣ ਲਈ ਕਿਹਾ ਗਿਆ ਅਤੇ ਗਿਆਨੀ ਇਕਬਾਲ ਸਿੰਘ ਨੂੰ ਕੇਸ ਵਾਪਸ ਲੈਣ ਲਈ ਕਿਹਾ ਗਿਆ।
ਦੋਹਾਂ ਧਿਰਾਂ ਵਿੱਚਕਾਰ ਲਿਖਤੀ ਸਮਝੌਤਾ ਹੋ ਗਿਆ, ਪਰ ਗਿਆਨੀ ਇਕਬਾਲ ਸਿੰਘ ਅਗਲੇ ਹੀ ਦਿਨ
ਸਮਝੌਤੇ ਤੋਂ ਮੁੱਕਰ ਗਏ, ਜਿਸ ਦੀ ਰੀਪੋਰਟ ਪੰਜ ਮੈਂਬਰੀ ਕਮੇਟੀ ਨੇ ਜਥੇਦਾਰ ਗਿਆਨੀ
ਗੁਰਬਚਨ ਸਿੰਘ ਨੂੰ ਸੋਂਪ ਦਿੱਤੀ ਹੈ। ਇਸ ਮੀਟਿੰਗ ਵਿੱਚ ਭਾਂਵੇ ਪ੍ਰਬੰਧਕੀ ਕਮੇਟੀ ਨੂੰ
ਨਹੀਂ ਬੁਲਾਇਆ ਗਿਆ, ਪਰ ਪ੍ਰਬੰਧਕੀ ਕਮੇਟੀ ਦੇ ਜਨਰਲ ਸਕੱਤਰ ਸ੍ਰ. ਚਰਨਜੀਤ ਸਿੰਘ ਨੇ ਕਿਹਾ
ਕਿ ਉਹ ਸ੍ਰੀ ਅਕਾਲ ਤਖਤ ਸਾਹਿਬ ਨੂੰ ਸਮੱਰਪਿੱਤ ਹਨ ਅਤੇ ਬੁਲਾਏ ਜਾਣ 'ਤੇ ਉਹ ਅਕਾਲ ਤਖਤ
'ਤੇ ਜ਼ਰੂਰ ਪੇਸ਼ ਹੋਣਗੇ।
ਇਸ ਮੀਟਿੰਗ ਵਿੱਚ ਸ੍ਰੀ ਅਕਾਲ ਤਖਤ ਤੋਂ ਮੋਹਾਲੀ ਤੱਕ ਚਲੇ ‘‘ਬੰਦੀ
ਸਿੱਖ ਰਿਹਾਈ ਮਾਰਚ’’ ਸਮੇਂ ਇੱਕ ਪੰਜ ਪਿਆਰੇ ਦੀ ਲਾਹੀ ਗਈ ਦਸਤਾਰ ਦਾ ਮੁੱਦਾ ਵੀ
ਵਿਚਾਰਿਆ ਜਾਵੇਗਾ, ਕਿਉਂਕਿ ਇਹ ਦਸਤਾਰ ਸ੍ਰੀ ਦਰਬਾਰ ਸਾਹਿਬ ਦੇ ਗੁਰੂ ਰਾਮਦਾਸ ਸਰਾਂ ਵਾਲੇ
ਪਾਸੇ ਪੁਲੀਸ ਦੇ ਇੱਕ ਡੀ.ਐਸ.ਪੀ ਵੱਲੋਂ ਲਾਹੀ ਗਈ ਸੀ, ਪਰ ਹਾਲੇ ਤੱਕ ਇਹ ਮਾਮਲਾ
ਵਿਚਾਰਿਆ ਨਹੀਂ ਗਿਆ।
