ਨੋਟ:
ਆਉਣ ਵਾਲੇ ਦਿਨਾਂ 'ਚ ਪ੍ਰੋ. ਦਰਸ਼ਨ ਸਿੰਘ ਦੀ ਦੁਬਈ ਫੇਰੀ ਨੂੰ
ਰੋਕਣ ਲਈ ਅਖੌਤੀ ਜਥੇਦਾਰਾਂ ਨੇ ਕਿਸ ਤਰ੍ਹਾਂ ਜ਼ੋਰ ਲਾਇਆ ਅਤੇ ਇੱਕ ਵਾਰੀ ਫੇਰ ਉਨ੍ਹਾਂ
ਨੂੰ ਮੂੰਹ ਦੀ ਖਾਣੀ ਪਈ, ਇਸ ਬਾਰੇ ਜਾਣਕਾਰੀ ਦਿੱਤੀ ਜਾਵੇਗੀ।
ਦੁਬਈ, 21 ਜਨਵਰੀ (ਜਗਜੀਤ ਸਿੰਘ, ਪਰਮਿੰਦਰ ਸਿੰਘ): 10 ਜਨਵਰੀ ਤੋਂ 20 ਜਨਵਰੀ ਤੱਕ ਦੁਬਈ ਦੇ ਗੁਰਦੁਆਰਾ ਗੁਰੂ ਨਾਨਕ
ਦਰਬਾਰ ਵਿਖੇ ਗੁਰਮਤਿ ਸਾਮਗਮਾਂ ਦੀ ਲੜ੍ਹੀ ਸੰਪੂਰਨ ਕਰਕੇ, ਪ੍ਰੋ. ਦਰਸ਼ਨ ਸਿੰਘ ਖ਼ਾਲਸਾ
ਵਾਪਸ ਭਾਰਤ ਪਰਤੇ ਆਏ।
ਇਸ ਫੇਰੀ ਦੇ ਅਖੀਰਲੇ ਸਮਾਗਮ 'ਚ ਉਨ੍ਹਾਂ ਨੇ
ਆਸਾ ਮਹਲਾ ੫ ॥ ਉਕਤਿ ਸਿਆਨਪ ਕਿਛੂ
ਨ ਜਾਨਾ ॥ ਦਿਨੁ ਰੈਣਿ ਤੇਰਾ ਨਾਮੁ ਵਖਾਨਾ ॥੧॥ ਮੈ ਨਿਰਗੁਨ ਗੁਣੁ ਨਾਹੀ ਕੋਇ ॥ ਕਰਨ
ਕਰਾਵਨਹਾਰ ਪ੍ਰਭ ਸੋਇ ॥੧॥ ਰਹਾਉ ॥ ਮੂਰਖ ਮੁਗਧ ਅਗਿਆਨ ਅਵੀਚਾਰੀ ॥ ਨਾਮ ਤੇਰੇ ਕੀ
ਆਸ ਮਨਿ ਧਾਰੀ ॥੨॥ ਜਪੁ ਤਪੁ ਸੰਜਮੁ ਕਰਮ ਨ ਸਾਧਾ ॥ ਨਾਮੁ ਪ੍ਰਭੂ ਕਾ ਮਨਹਿ ਅਰਾਧਾ
॥੩॥ ਕਿਛੂ ਨ ਜਾਨਾ ਮਤਿ ਮੇਰੀ ਥੋਰੀ ॥ ਬਿਨਵਤਿ ਨਾਨਕ ਓਟ ਪ੍ਰਭ ਤੋਰੀ
॥੪॥੧੮॥੬੯॥ {ਪੰਨਾ 388}
ਸ਼ਬਦ ਦਾ ਗਾਇਨ ਅਤੇ ਗੁਰਮਤਿ ਵੀਚਾਰਾਂ ਕੀਤੀਆਂ।
ਉਨ੍ਹਾਂ ਨੇ ਸਿੱਖ ਸੰਗਤਾਂ ਨੂੰ ਸਮਰੱਥ ਗੁਰੂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਲੱੜ੍ਹ ਲੱਗਣ
ਲਈ ਪ੍ਰੇਰਿਆ। ਉਨ੍ਹਾਂ ਕਿਹਾ ਕਿ ਗੁਰੂ ਸਦਾ ਅੰਗ ਸੰਗ ਹੈ ਅਤੇ ਅਸੀਂ ਗੁਰੂ ਦੇ ਨਾਲ ਰਹਿਣਾ
ਹੈ, ਗੁਰੂ ਸਾਡੀ ਹਰ ਮੁਸ਼ਕਿਲ ਦਾ ਹਲ ਹੈ, ਅਤੇ ਅਸੀਂ ਆਪਣੇ ਗੁਰੂ ਤੋਂ ਹੀ ਪੁੱਛਣਾ ਹੈ।
ਕਿਸੇ ਸ਼ਰੀਰ ਨਾਲ ਨਹੀਂ ਜੁੜਨਾ, ਅਸੀਂ ਗੁਰੂ ਨੂੰ ਕਿਸੇ ਭੇਟਾ ਨਾਲ, ਬਹੁਤਾ ਦਾਨ ਦੇਣ ਨਾਲ,
ਫੁੱਲਾਂ ਨਾਲ, ਗੁਰੂ ਇਨ੍ਹਾਂ ਪਦਾਰਥਾਂ ਨਾਲ ਖੁਸ਼ ਨਹੀਂ ਹੁੰਦਾ, ਉਹ ਖੁਸ਼ ਹੁੰਦਾ ਹੈ ਆਪਾ
ਵਾਰਨ ਦੇ ਨਾਲ ਅਤੇ ਉਸਦੇ ਹੁਕਮ 'ਚ ਰਹਿਣ ਅਤੇ ਚੱਲਣ ਦੇ ਨਾਲ।
ਅਖੀਰ 'ਚ ਆਈਆਂ ਸੰਗਤਾਂ ਨੇ ਉਨ੍ਹਾਂ ਦਾ ਸਨਮਾਨ ਕੀਤਾ ਅਤੇ
ਨਿੱਘੀ ਵਿਦਾਇਗੀ ਦਿੱਤੀ।
