Main News Page

ਖ਼ਾਲਸਾ ਨਿਊਜ਼ ‘ਤੇ ਅੰਮ੍ਰਿਤਸਰ ਦੇ ਪਖੰਡੀ ਬਾਬੇ ਬਲਦੇਵ ਸਿੰਘ ਦੀਆਂ ਕਰਤੂਤਾਂ ਦੇਖ ਕੇ ਇਕ ਹੋਰ ਆਸਾ ਰਾਮ ਦੇ ਦਰਸ਼ਨ ਹੋ ਗਏ ।ਆਸਾ ਰਾਮ ਵੀ ਏਸੇ ਤਰ੍ਹਾਂ ਕਨ੍ਹਈਆ ਬਣ ਕੇ ਔਰਤਾਂ ਨਾਲ਼ ਨੱਚਦਾ ਸੀ। ਹੈਰਾਨੀ ਇਸ ਗੱਲ ਦੀ ਹੈ ਕਿ ਰਾਸ ਲੀਲ੍ਹਾ ਵਿਚ ਇਹਨਾਂ ਨੱਚਣ ਵਾਲ਼ੀਆਂ ਔਰਤਾਂ ਦੇ ਮਰਦ ਇਸ ਰਾਸ ਲੀਲ੍ਹਾ ‘ਤੇ ਫੁੱਲ ਬਰਸਾ ਰਹੇ ਹਨ, ਬੇਗ਼ੈਰਤ ਲੋਕ! ਕੀ ਇਹ ਬਾਬਾ ਔਰਤਾਂ ਨੂੰ ਹੀ ਚੇਲੀਆਂ ਬਣਾਉਂਦਾ ਹੈ ਤੇ ਨਚਾਉਂਦਾ ਹੈ? ਕੋਈ ਮਰਦ ਚੇਲਾ ਨਹੀਂ ਨੱਚ ਰਿਹਾ। ਲਗਦਾ ਤੇ ਇੰਜ ਹੀ ਹੈ। ਕੀ ਹੁਣ ਪੰਜਾਬ ਦੇ ਮਰਦ ਏਨੇ ਹੀ ਖੱਸੀ ਕਰ ਦਿੱਤੇ ਗਏ ਹਨ, ਕਿ ਉਹਨਾਂ ਦੀਆਂ ਔਰਤਾਂ ਨੂੰ ਜਿਵੇਂ ਮਰਜ਼ੀ ਕੋਈ ਨਚਾਈ ਜਾਵੇ? ਲਗਦਾ ਹੈ ਇਹਨਾਂ ਔਰਤਾਂ ਨੂੰ ‘ਅੰਮ੍ਰਿਤ’ ਵੀ ਇਸ ਕੰਜਰ ਬਾਬੇ ਨੇ ਆਪਣਾ ਹੀ ਛਕਾਇਆ ਹੋਇਆ ਲਗਦਾ ਹੈ। ਸ੍ਰੀ ਸਾਹਿਬਾਂ ਪਾਈਆਂ ਹੋਈਆਂ ਦੇਖ ਕੇ ਤੇ ਔਰਤਾਂ ਤੋਂ ਬਲਿਹਾਰੇ ਜਾਣ ਨੂੰ ਦਿਲ ਕਰਦਾ ਹੈ ਪਰ ਕਰਤੂਤਾਂ..........।

ਮੇਰੇ ਖ਼ਿਆਲ ‘ਚ ਇਹ ਬਾਬਾ ਜ਼ਰੂਰ ਹੀ ਦਸਮ ਗ੍ਰੰਥੀਆ ਹੋਵੇਗਾ, ਕਿਉਂਕਿ ਤ੍ਰਿਆ ਚਰਿੱਤਰ ਵਿਚ ਇਹੋ ਕੁਝ ਕਰਨ ਦੀ ਸਿੱਖਿਆ ਹੈ। ਕੀ ਪਤਾ ਇਹ ਕੰਜਰ ਬਾਬਾ ਗੁਰੂ ਸਾਹਿਬ ਜੀ ਦੇ ਨਾਂ ‘ਤੇ ਲੋਕਾਂ ਨੂੰ ਗੁੰਮਰਾਹ ਕਰ ਕੇ, ਇਹੋ ਜਿਹੀਆਂ ਕਰਤੂਤਾਂ ਕਰਵਾ ਰਿਹਾ ਹੋਵੇ। ਕਿਉਂਕਿ ਲੋਕਾਂ ਨੇ ਆਪ ਤਾਂ ਕਦੀ ਪੜ੍ਹਨਾ ਕੁਝ ਨਹੀਂ। ਲਗਦਾ ਹੈ ਕਿ ਇਹ ਬਾਬਾ ਵੀ ਆਸਾ ਰਾਮ ਵਾਂਗ ਸਪੈਸ਼ਲ ਕੁਸ਼ਤੇ ਭਸਮਾਂ ਦਾ ਸੇਵਨ ਕਰਦਾ ਹੈ।

ਕਦੀ ਮਾਝੇ ਦੀ ਸਰ-ਜ਼ਮੀਨ ਜ਼ਾਲਮਾਂ ਦਾ ਸਿਰ ਹਦਵਾਣਿਆਂ ਵਾਂਗ ਭੰਨਣ ਲਈ ਮਸ਼ਹੂਰ ਸੀ, ਤੇ ਹੁਣ ਸਿੱਖੀ ਦੇ ਨਾਂ ਥੱਲੇ ਹਰ ਪ੍ਰਕਾਰ ਦੇ ਪਖੰਡ ਲਈ ਨਾਮਣਾ ਖੱਟ ਰਹੀ ਹੈ। ਸਤਿਕਾਰ ਕਮੇਟੀ ਨੂੰ ਇਸ ਦਾ ਗੰਭੀਰ ਨੋਟਿਸ ਲੈਣਾ ਚਾਹੀਦਾ ਹੈ, ਨਹੀਂ ਤਾਂ ਇਸ ਬਿਮਾਰੀ ਦੇ ਕਿਟਾਣੂੰ ਬਹੁਤ ਜਲਦੀ ਫ਼ੈਲ ਜਾਣਗੇ।