-: ਅਵਤਾਰ ਸਿੰਘ ਮਿਸ਼ਨਰੀ 510 432 5827
ਖੂਨ ਡ੍ਹੋਲਦੇ ਆਏ ਹਾਂ ਚਿਰਾਂ ਤੋਂ ਹੀ, ਇਨਕਲਾਬ ਦੀ ਰਹੀ ਏ ਭਾਲ਼ ਸਾਨੂੰ।
ਸਾਡੀ ਅਣਖ ਸਿਆਣਪ‘ਤੇ ਫੇਰ ਪੋਚਾ, ਫਾਹ ਲੈਂਦਾ ਏ ਸਿਆਸਤ ਦਾ ਜਾਲ਼ ਸਾਨੂੰ।
ਸਿਰ ‘ਤੇ ਰੱਖ ਕੇ ਗੱਪਾਂ ਦੀ ਪੰਡ ਸਾਡੇ, ਕੁਫਰ ਤੋਰਦਾ ਆਪਦੇ ਨਾਲ਼ ਸਾਨੂੰ।
ਚੰਦ ਦਿਨਾ ਦਾ ਦਿੱਲੀ ਵਿਚ ਦੇਖ ਜਲਵਾ ! ਗ਼ਫਲਤ-ਨੀਂਦ ‘ਚ ਆ ਗਿਆ ਖਿਆਲ ਸਾਨੂੰ।
ਕਰੀਏ ਅਸੀਂ ਅਰਦਾਸ ਪੰਜਾਬ ਵਾਸੀ, ਮਿਲ਼ੇ ਛੇਤੀ ਕੋਈ ‘ਕੇਜਰੀਵਾਲ’ਸਾਨੂੰ!!
ਤਰਲੋਚਨ ਸਿੰਘ ‘ਦੁਪਾਲਪੁਰ’ (819 503 0537)
ਸ੍ਰ. ਤਰਲੋਚਨ ਸਿੰਘ ਦੁਪਾਲਪੁਰ ਜੀ ਆਪ ਜੀ ਨੇ ਸਮੇਂ ਦੀ ਹਾਲਤ ਦਾ ਕਾਵਿ ਰੂਪ ਵਿੱਚ ਬਹੁਤ ਸੋਹਣਾ ਨਕਸ਼ਾ ਖਿਚਿਆ ਹੈ ਕਿਉਂਕਿ ਆਪ ਵੀ ਕੇਜਰੀਵਾਲ ਵਾਂਗੂੰ ਕਲਮ ਰਾਹੀਂ ਪ੍ਰਯਤਨਸ਼ੀਲ ਹੋ।
ਜ਼ਰਾ ਧਿਆਨ ਨਾਲ ਸੋਚੀਏ! ਕਿ ਗੁਰੂਆਂ-ਭਗਤਾਂ ਨੇ ਜੋ ਮਨੁੱਖਤਾ ਨੂੰ ਸਰਬਸਾਂਝਾ ਅਤੇ ਕ੍ਰਾਤੀਕਾਰੀ ਉਪਦੇਸ਼ ਦਿੱਤਾ ਜੋ ਅੱਜ ਵੀ "ਗੁਰੂ ਗ੍ਰੰਥ ਸਾਹਿਬ" ਵਿਖੇ ਸੁਭਾਇਮਾਨ ਹੈ। ਸਮੇਂ ਸਮੇਂ ਇਸ ਤੋਂ ਸੇਧ ਲੈ ਕੇ ਜੁੱਗ ਪਲਟਾਊ ਜਰਨੈਲ ਪੈਦਾ ਹੁੰਦੇ ਰਹੇ ਹਨ ਜਿਨ੍ਹਾਂ ਨੇ ਮੁਗਲਾਂ ਅਤੇ ਗੋਰਿਆਂ ਦੀਆਂ ਸ਼ਕਤੀਸ਼ਾਲੀ ਜ਼ਾਲਮ ਸਰਕਾਰਾਂ ਦੇ ਤਖਤੇ ਪਲਟ ਦਿੱਤੇ। ਗੁਲਾਮ ਭਾਰਤ ਨੂੰ ਅਜ਼ਾਦ ਕਰਾਉਣ ਵਾਲੇ ਵੀ ਗੁਰਸਿੱਖ ਕੇਜਰੀਵਾਲ ਹੀ ਸਨ।
ਗੁਰੂ ਸਿਧਾਂਤ ਨੂੰ ਫਾਲੋ ਕਰਕੇ ਹਿੰਦੂ, ਮੁਸਲਿਮ, ਸਿੱਖ, ਈਸਾਈ ਹੁਣ ਵੀ ਕੇਜਰੀਵਾਲ ਬਣ ਸਕਦੇ ਹਨ। ਲੋੜ ਦ੍ਰਿੜਤਾ ਨਾਲ ਸੁਹਿਰਦ ਅਤੇ ਇੱਕਮੁੱਠ ਹੋ ਕੇ ਚੱਲਣ ਦੀ ਹੈ। ਪੰਜਾਬ ਵਿੱਚ ਗਦਾਰਾਂ ਦੀ ਲਿਸਟ ਬਹੁਤ ਵੱਡੀ ਹੈ ਜੋ ਆਪਣੇ ਗੁਰੂ ਅਤੇ ਆਪਣੀ ਕੌਮ ਨਾਲ ਵੀ ਬੇਸ਼ਰਮ ਹੋ ਕੇ ਗਦਾਰੀਆਂ ਕਰ ਰਹੇ ਹਨ। ਪੰਜਾਬੀਆਂ ਦਾ ਤਾਂ ਵਿਰਸਾ ਹੈ ਕਿ ਉਹ ਕਿਸੇ ਦੀ ਟੈਂ ਨਹੀਂ ਮੰਨਦੇ ਫਿਰ ਅਜੋਕੇ ਗਦਾਰ ਲੀਡਰਾਂ ਅਤੇ ਲੋਟੂ ਸਾਧਾਂ ਦੇ ਪਿੱਛੇ ਕਿਉਂ ਲੱਗੇ ਫਿਰਦੇ ਹਨ? ਬਾਕੀ ਅਰਵਿੰਦ ਕੇਜਰੀਵਾਲ ਤਾਂ ਹੁਣ ਭਾਰਤ ਵਾਸੀਆਂ ਨੂੰ ਮਿਲ ਚੁੱਕਾ ਹੈ, ਲੋੜ ਉਸ ਨੂੰ ਹੁਣ ਪੰਜਾਬ ਵਿੱਚ ਵੀ ਲਿਆਉਣ ਦੀ ਹੈ।ਜਿਵੇਂ ਆਪ ਜੀ ਨੇ ਲਿਖਿਆ ਹੈ ਕਿ ਅਰਦਾਸ ਕਰੀਏ ਮਿਲੇ ਛੇਤੀ ਕੋਈ ਕੇਜਰੀਵਾਲ ਸਾਨੂੰ। ਦਾਸ ਦਾ ਵਿਚਾਰ ਹੈ ਕਿ ਅਰਦਾਸ ਦੇ ਨਾਲ ਨਾਲ ਪ੍ਰਯਾਸ ਤੇ ਪ੍ਰਯਤਨ ਵੀ ਕਰੀਏ ਕਿ ਅਉਣ ਵਾਲੀਆਂ ਚੋਣਾਂ ਵਿੱਚ, ਆਪਣੀਆਂ ਕੀਮਤੀ ਵੋਟਾਂ ਕੇਜਰੀਵਾਲ ਦੀ ਆਮ ਆਦਮੀ ਪਾਰਟੀ ਨੂੰ ਪਾ ਕੇ ਪੰਜਾਬ ਵਿੱਚ ਵੀ ਕੋਈ ਪੰਜਾਬੀ ਕੇਜਰੀਵਾਲ ਲੈ ਆਵਾਂਗੇ ਜੋ ਜਨਤਾ ਲੋਟੂ ਲੀਡਰਾਂ, ਖੂਨ ਪੀਣੇ ਹਾਕਮਾਂ ਤੇ ਅਫਸਰਾਂ ਨੂੰ ਕਨੂੰਨੀ ਨੱਥ ਪਾ ਕੇ, ਜਨਤਾ ਨਾਲ ਇਨਸਾਫ ਕਰ, ਪੰਜਾਬ ਨੂੰ ਫਿਰ ਗੁਰਾਂ ਦੇ ਨਾਂ ਤੇ ਵਸਦਾ, ਰਸਦਾ ਅਤੇ ਹਸਦਾ ਖੁਸ਼ਹਾਲ ਸੂਬਾ ਬਣਾ ਕੇ, ਕੰਗਾਲ ਕਰ ਦਿੱਤੇ ਗਏ ਪੰਜਾਬ ਨੂੰ ਫਿਰ ਅੰਨ ਦਾਤਾ ਬਣਾ ਦੇਵੇ।
