ਗੁਰੂ ਗ੍ਰੰਥ ਸਾਹਿਬ ਦੀ ਬਾਣੀ
ਦੇ ਕੀਰਤਨ ਪ੍ਰਚਾਰ ਤੇ
ਪਾਬੰਦੀ ਲਾਉਣਾ ਹੀ ਵੱਡਾ
ਗੁਨਾਹ ਹੈ
-:
ਅਵਤਾਰ ਸਿੰਘ ਮਿਸ਼ਨਰੀ 510
432
5827
ਗੁਰਬਾਣੀ ਦੇ ਪ੍ਰਚਾਰ ਕੀਰਤਨ 'ਤੇ ਪਾਬੰਦੀ ਲਾਉਣਾ ਹੀ ਸਭ ਤੋਂ ਵੱਡਾ ਗੁਨਾਹ ਹੈ, ਜਿਸ ਦੇ ਅਖੌਤੀ ਜਥੇਦਾਰ ਖੁਦ ਦੋਸ਼ੀ ਹਨ। ਸਭ ਜਾਣਦੇ ਹਨ ਕਿ ਇਹ ਪਾਬੰਧੀਆਂ ਰਾਜਨੀਤੀ ਤੋਂ ਪ੍ਰੇਰਤ ਹਨ। ਇਨ੍ਹਾਂ ਪਾਬੰਦੀਆਂ ਦਾ ਗੁਰਮਤਿ ਨਾਲ ਕੋਈ ਦੂਰ ਦਾ ਵੀ ਸਬੰਧ ਨਹੀਂ। ਦਸਮ ਗ੍ਰੰਥ ਦੀ ਗੰਦੀ ਤੇ ਗੁਰੂ ਨਿੰਦਕ ਰਚਨਾ ਨੂੰ ਗੁਰਬਾਣੀ ਕਹਿਣਾ ਹੀ ਮਹਾਂਨ ਪਾਪ ਹੈ ਅਤੇ ਜੇ ਕੋਈ ਵਿਦਵਾਨ ਵਿਆਖਿਆਕਾਰ ਉਸ ਬਾਰੇ ਸੰਗਤ ਨੂੰ ਦੱਸੇ ਕਿ ਅਜਿਹੀ ਗੰਦੀ ਰਚਨਾ ਗੁਰੂ ਗੋਬਿੰਦ ਸਿੰਘ ਜੀ ਦੀ ਨਹੀਂ ਹੋ ਸਕਦੀ, ਤਾਂ ਉਸ ਦਾ ਸਨਮਾਨ ਕਰਨਾ ਚਾਹੀਦਾ ਹੈ, ਨਾ ਕਿ ਔਰੰਗਜੇਬੀ ਫਤਵੇ ਜਾਰੀ ਕਰਕੇ ਉਸ ਨੂੰ ਪੰਥ ਚੋਂ ਛੇਕ ਦੇਣਾ ਚਾਹੀਦਾ ਹੈ।
ਇਸ ਦਾ ਤਾਂ ਸਿੱਧਾ ਹੀ ਮਤਲਬ ਹੈ ਕਿ ਸ਼੍ਰੋਮਣੀ ਕਮੇਟੀ ਅਤੇ ਸਿੱਖ ਤਖਤਾਂ ਤੇ ਗੁਰਮਤਿ ਵਿਹੂਣੇ ਅਤੇ ਗੁਰਮਤਿ ਵਿਰੋਧੀ ਪੁਜਾਰੀਆਂ ਅਤੇ ਰਾਜਨੀਤਕ ਲੋਕਾਂ ਦਾ ਕਬਜ਼ਾ ਹੋ ਚੁੱਕਾ ਹੈ, ਜੋ ਨਿਰੋਲ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬਾਣੀ ਦਾ ਉਪਦੇਸ਼ ਕਰਨ ਵਾਲਿਆਂ ਤੇ ਆਏ ਦਿਨ ਪਾਬੰਧੀਆਂ ਲਾਉਂਦੇ ਤੇ ਕੱਚੀ ਬਾਣੀ ਦਾ ਕੀਰਤਨ ਤੇ ਵਿਆਖਿਆ ਕਰਨ ਵਾਲੇ ਡੇਰੇਦਾਰਾਂ ਨੂੰ ਸਨਮਾਣਿਤ ਕਰਦੇ ਹਨ। ਗੁਰੂ ਗੋਬਿੰਦ ਸਿੰਘ ਜੀ ਨੇ ਸਿੱਖਾਂ ਨੂੰ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਲੜ ਲਾਇਆ ਸੀ ਨਾਂ ਕਿ ਸ਼ਰਾਬੀ, ਕਬਾਬੀ ਅਤੇ ਵਿਭਚਾਰੀ ਆਸ਼ਕਾਂ ਦੀ ਗੰਦੀ ਰਚਨਾਂ ਤ੍ਰਿਆ ਚਰਿਤ੍ਰ ਦੇ।
ਜੇ ਹੁਣ ਸਿੱਖ ਸੰਗਤ ਕੇਜਰੀਵਾਲ ਦੀ "ਆਮ ਆਦਮੀ ਪਾਰਟੀ" ਵਾਂਗ ਜਾਗ ਪਈ ਤਾਂ ਫਿਰ ਫਤਵੇ ਜਾਰੀ ਕਰਨ ਵਾਲੇ ਪੁਜਾਰੀਆਂ ਨੂੰ ਭਜਦੇ ਦੇਰ ਨਹੀਂ ਲੱਗਣੀ। ਅਮਰੀਕਾ ਵਿਖੇ ਕੁਰਾਲੀ ਵਾਲੇ ਭੇਖੀ ਸਾਧ ਦੇ ਡੇਰੇ ਚੋਂ ਇਹ ਪੁਜਾਰੀ ਜਥੇਦਾਰ ਜੁੱਤੀਆਂ ਛੱਡ ਕੇ ਨੰਗੇ ਪੈਰੀਂ ਭੱਜ ਚੁੱਕੇ ਹਨ। ਸਭ ਤੋਂ ਵੱਡਾ ਹੁਕਮਨਾਮਾ "ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬਾਣੀ ਅਤੇ ਸਿੱਖ ਰਹਿਤ ਮਰਯਾਦਾ" ਹੈ, ਜਿਸ ਤੋਂ ਇਹ ਖੁੱਦ ਹੀ ਭਗੌੜੇ ਹਨ ਕਿ ਪੰਜਾਂ ਤਖਤਾਂ ਅਤੇ ਇਤਿਹਾਸਕ ਗੁਰਦੁਆਰਿਆਂ ਅਤੇ ਡੇਰਿਆਂ ਵਿੱਚ ਇਸ ਨੂੰ ਲਾਗੂ ਨਹੀਂ ਕਰ ਸਕੇ, ਉਲਟਾ ਦਬਕੇ ਗੁਰਮਤਿ ਦੇ ਪ੍ਰਚਾਰਕਾਂ ਨੂੰ ਮਾਰਦੇ ਹਨ। ਬਾਬੇ ਨਾਨਕ ਦੇ ਸਿਧਾਂਤਾਂ ਦੇ ਕਾਤਲੋ ਜਰਾ ਸ਼ਰਮ ਕਰੋ, ਸ਼ਰਮ ਕਰੋ,ਸ਼ਰਮ ਕਰੋ... ਮਗਰ ਸ਼ਰਮ ਆਪ ਕੋ ਆਤੀ ਹੀ ਨਹੀਂ। ਅਰਦਾਸ ਕਰਦੇ ਹਾਂ ਕਿ ਕਰਤਾ ਕਰਤਾਰ ਸਭ ਨੂੰ ਸੁਮੱਤ ਬਖਸ਼ੇ।
