‘ਸੌ ਦਿਨ ਚੋਰ ਦਾ ਇੱਕ ਦਿਨ ਸਾਧ ਦਾ’ ਦੀ ਕਹਾਵਤ ਅਨੁਸਾਰ ਬਿਕਰ ਸਿੰਘ
ਗੈਂਗ ਸਮੇਤ ਇੱਕ ਦਿਨ ਰਾਜਸਥਾਨ ਪੁਲੀਸ ਨੇ ਕਾਬੂ ਕਰ ਲਿਆ ਅਤੇ ਉਸ ਵਿਰੁੱਧ ਪੁਲੀਸ ਨੇ
ਪਰਚਾ ਵੀ ਦਰਜ ਕਰ ਲਿਆ ਤੇ ਉਹ ਜੇਲ ਯਾਤਰਾ ‘ਤੇ ਗਿਆ। ਉਸ ਦਾ ਇੱਕ ਸਾਥੀ ਜੋ ਕਿ ਸ੍ਰੀ
ਦਰਬਾਰ ਸਾਹਿਬ ਦਾ ਅਧਿਕਾਰੀ ਹੈ, ਹਾਲੇ ਵੀ ਮੁਅਤੱਲ ਹੈ। ਬਿਕਰ ਸਿੰਘ ਜਦੋਂ ਜੇਲ ਵਿੱਚੋ
ਜ਼ਮਾਨਤ 'ਤੇ ਰਿਹਾਅ ਹੋ ਕੇ ਆਇਆ, ਤਾਂ ਉਸ ਨੇ ਇਸ ਵਾਰੀ ਸ਼੍ਰੋਮਣੀ ਕਮੇਟੀ ਪ੍ਰਧਾਨ ਦੀ
ਬਜਾਏ ਸ਼੍ਰੋਮਣੀ ਕਮੇਟੀ ਦੇ ਮੈਡੀਕਲ ਵਿਭਾਗ ਦੇ ਮੁੱਖੀ ਦੀ ਸਿਫਾਰਸ਼ ਕਰਵਾ ਕੇ, ਮੁੜ ਬਾਬਾ
ਬੁੱਢਾ ਸਾਹਿਬ ਚੈਰੀਟੋਬਲ ਹਸਪਤਾਲ ਵਿਖੇ ਸਫਾਈ ਸੇਵਕ ਦੀ ਨੌਕਰੀ ਲੈ ਲਈ, ਜਦੋਂ ਕਿ
ਮੈਡੀਕਲ ਵਿਭਾਗ ਦਾ ਮੁੱਖੀ ਵੀ ਸ਼੍ਰੋਮਣੀ ਕਮੇਟੀ ਦੇ ਪ੍ਰਧਾਨ ਦੇ ਪ੍ਰਬੰਧ ਹੇਠ ਹੀ ਆਉਂਦਾ
ਹੈ।
ਇਸ ਬਾਰੇ ਸ਼੍ਰੋਮਣੀ ਕਮੇਟੀ ਪ੍ਰਧਾਨ ਨੂੰ ਜਾਣਕਾਰੀ ਹੈ ਜਾਂ ਨਹੀਂ
ਇਸ ਦਾ ਕੋਈ ਪਤਾ ਨਹੀਂ, ਪਰ ਪ੍ਰਧਾਨ ਦੁਆਰਾ ਕੱਢਿਆ ਗਿਆ ਮੁਲਾਜ਼ਮ ਮੁੜ ਭਰਤੀ ਕਿਵੇਂ ਕਰ
ਲਿਆ ਗਿਆ, ਇਹ ਚਰਚਾ ਦਾ ਵਿਸ਼ਾ ਹੈ। ਉਸ ਮੁਲਾਜ਼ਮ ਦੇ ਆਧਾਰ 'ਤੇ ਹੀ ਬਾਕੀ ਵੀ ਕੱਢੇ ਹੋਏ
ਮੁਲਾਜ਼ਮ ਮੁੜ ਭਰਤੀ ਹੋਣ ਲਈ ਕਮਰਕੱਸੇ ਕਰ ਰਹੇ ਹਨ, ਜਦ ਕਿ ਪੰਜਾਬ ਪੁਲੀਸ ਦੇ ਡਾਇਰੈਕਟਰ
ਜਨਰਲ ਤਾਂ ਪਹਿਲਾਂ ਹੀ ਆਰ.ਟੀ.ਏ ਐਕਟ ਤਹਿਤ ਲਈ ਗਈ ਜਾਣਕਾਰੀ ਅਨੁਸਾਰ ਦੱਸ ਚੁੱਕੇ ਹਨ,
ਕਿ ਸ਼੍ਰੋਮਣੀ ਕਮੇਟੀ ਇਸ ਵੇਲੇ ਸਾਧਾਂ ਦੀ ਕਮੇਟੀ ਦੀ ਨਹੀਂ ਸਗੋਂ, ਕ੍ਰਿਮੀਨਲ ਲੋਕਾਂ ਦੀ
ਕਮੇਟੀ ਬਣ ਗਈ ਹੈ ਅਤੇ ਇਸ ਦਾ ਹਰ ਚੌਥਾ ਮੁਲਾਜਮ ਕਿਸੇ ਨਾ ਕਿਸੇ ਫੌਜਦਾਰੀ ਕੇਸ ਵਿੱਚ
ਫਸਿਆ ਹੋਇਆ ਹੈ।
ਇਸ ਸਬੰਧੀ ਜਦੋਂ ਸ਼੍ਰੋਮਣੀ ਕਮੇਟੀ ਦੇ ਸੀਨੀਅਰ ਮੀਤ ਪ੍ਰਧਾਨ ਸ੍ਰ.
ਰਘੂਜੀਤ ਸਿੰਘ ਵਿਰਕ ਨਾਲ ਗੱਲ ਕੀਤੀ, ਤਾਂ ਉਹਨਾਂ ਕਿਹਾ ਕਿ ਇਸ ਬਾਰੇ ਉਹ ਜਰੂਰ ਪੜਤਾਲ
ਕਰਾਉਣਗੇ ਅਤੇ ਚੋਰੀ ਦੇ ਕੇਸ ਵਿੱਚ ਕੱਢੇ ਹੋਏ ਵਿਅਕਤੀ ਨੂੰ ਦੁਬਾਰਾ ਭਰਤੀ ਕਰਨਾ ਪ੍ਰਬੰਧ
ਦੀ ਕਾਰਗੁਜਾਰੀ
'ਤੇ ਸਵਾਲੀਆ ਨਿਸ਼ਾਨ ਹੈ। ਉਹਨਾਂ ਕਿਹਾ ਕਿ ਅਜਿਹੇ ਵਿਅਕਤੀ ਦੇ ਸਿਫਾਰਸ਼
ਕਰਨ ਵਾਲੇ ਵਿਅਕਤੀ ਕੋਲੋਂ ਵੀ ਪੁੱਛ ਪੜਤਾਲ ਕੀਤੀ ਜਾਵੇਗੀ।