ਖਾਲਸਾ
ਪੰਥ ਦੀ ਸਿਰਜਨਾ ਦਾ ਅਰੰਭ ਤਾਂ ਗੁਰੂ ਨਾਨਕ ਜੀ ਵਲੋਂ ਉਸੇ ਦਿਨ ਹੋ ਗਿਆ ਜਿਸ ਦਿਨ ਭਾਈ
ਗੁਰਦਾਸ ਜੀ ਦੇ ਕਹੇ ਅਨੁਸਾਰ “ਮਾਰਿਆ ਸਿਕਾ ਜਗਤ ਵਿਚ ਨਾਨਕ
ਨਿਰਮਲ ਪੰਥ ਚਲਾਇਆ” {ਨਿਰਮਲ - ਖਾਲਸ}, ਬੱਸ ਸਿਰਜਨਾ ਹੋ ਗਈ।
ਇਸੇ ਲਈ ਗੁਰੂ ਦਸਮ ਪਾਤਸ਼ਾਹ ਜੀ ਤੋਂ ਪਹਿਲੇ ਭੀ ਗੁਰਬਾਣੀ ਅਤੇ
ਹੁਕਮ ਨਾਮਿਆ ਵਿਚ ਖਾਲਸਾ ਸੰਬੋਧਨ ਆਮ ਕਰਕੇ ਲਿਖਿਆ ਮਿਲਦਾ ਹੈ। “ਸੱਚ
ਸਬਦ ਗੁਰ ਸਉਪਿਆ ਸੱਚ ਟਕਸਾਲਹੁ ਸਿਕਾ ਚਲਿਆ”।
ਹੁਣ ਵੱਖ ਵੱਖ ਜਾਮਿਆਂ ਵਿਚ ਸਮੇਂ ਸਮੇਂ ਨਾਲ ਗੁਰਬਾਣੀ ਗੁਰਮਤਿ
ਰਹਿਤ ਮਰੀਯਾਦਾ ਬਖਸ਼ ਕੇ ਸ਼ਬਦ ਦੀ ਟਕਸਾਲ ਵਿਚ ਢਾਲ ਕੇ ਇਸ ਸਿਰਜਨਾ ਨੂੰ ਸਜਾਇਆ ਗਿਆ।
ਬਦਕਿਸਮਤੀ ਕੇ ਅੱਜ ਵੱਖ ਵੱਖ ਨਾਵਾਂ ਹੇਠ ਬੜੀਆਂ ਟਕਸਾਲਾਂ ਖੁਲ
ਗਈਆਂ, ਉਹਨਾਂ ਵਲੋਂ ਕੇਵਲ ਭੇਖ, ਹਉਮੈ ਹੰਕਾਰ, ਕਰਮ ਕਾਂਡ ਵਿਚ ਢਾਲੇ ਹੋਏ ਖੋਟੇ ਸਿੱਕੇ
ਅਜ ਸਮਾਜ ਵਿੱਚ ਜ਼ਿਆਦਾ ਦਿਸ ਰਹੇ ਹਨ।
ਪਰ ਕਿਉਂਕਿ ਇਸ ਮਹਾਨ ਸਿਰਜਨਾ ਦਾ ਅਰੰਭ ਗੁਰੂ ਨਾਨਕ ਸਾਹਿਬ ਨੇ
ਕਰਕੇ ਬਚਨ ਕੀਤਾ ਸੀ “ਖੋਟਾ ਕਾਮਿ ਨ ਆਵੈ ਵੇਖੁ॥ ਨਾਨਕ ਜੇ
ਵਿਚਿ ਰੁਪਾ ਹੋਇ॥ ਖਰਾ ਖਰਾ ਆਖੈ ਸਭੁ ਕੋਇ॥”
ਇਸੇ ਲਈ ਗੁਰੂ ਗੋਬਿੰਦ ਸਿੰਘ ਪਾਤਸ਼ਾਹ ਜੀ ਨੇ ਗੁਰੂ ਨਾਨਕ ਜੀ ਦੇ
ਪਰਗਟ ਹੋਣ ਦੇ ਦਿਹਾੜੇ ਵੇਸਾਖੀ ਦੇ ਦਿਨ ਹੀ ਖਾਲਸੇ ਨੂੰ ਬਾਣੀ ਅੰਮ੍ਰਿਤ ਰਾਹੀਂ ਸਜਾ ਕੇ,
ਖੂਬਸੂਰਤ ਬਾਣੇ ਵਿੱਚ ਵੱਖਰੀ ਪਛਾਣ ਸੰਪੂਰਣ ਰੂਪ ਬਖਸ਼ ਕੇ, "ਸਿੰਘ" ਨਾਮ ਦੀ ਡਿਗਰੀ ਨਾਲ
ਨਿਵਾਜਿਆ।
ਸੋ, ਵਿਸਾਖੀ ਦਾ ਦਿਹਾੜਾ “ਜਗ ਮਹਿ ਉਤਮ
ਕਾਢੀਅਹਿ ਵਿਰਲੇ ਕੇਈ ਕਇ” ਜੀਅਹੁ ਨਿਰਮਲ ਬਾਹਰਹੁ ਨਿਰਮਲ ਖਾਲਸੇ ਦਾ ਸੰਪੂਰਣਤਾ
ਦਿਹਾੜਾ ਹੈ।