ਗੁਰੂ
ਰੂਪ ਸਿੱਖ ਸੰਗਤ ਜੀਉ, ਵਾਹਿਗੁਰੂ ਜੀ ਕਾ ਖਾਲਸਾ। ਵਾਹਿਗੁਰੂ ਜੀ ਕੀ ਫਤਹਿ॥
ਮੈਨੂੰ ਪੰਜ ਜਥੇਦਾਰਾਂ ਵਲੋਂ ਮਿਤੀ 15/6/2014 ਨੂੰ ਦਿਤੇ ਹੋਏ ਸਰਕਾਰੀ ਫਤਵੇ ਦੀ ਕਾਪੀ
ਮਿਲ ਗਈ ਹੈ। ਜਿਸ ਵਿਚ ਇਹਨਾਂ ਨੇ ਮੈਨੂੰ ਅਗਲੀ ਪੇਸ਼ੀ ਤੇ ਇਹਨਾਂ ਦੇ ਸਾਹਮਣੇ ਪੇਸ਼ ਹੋ ਕੇ
ਤਨਖਾਹ ਲਗਵਾਉਣ ਦੇ ਫੁਰਮਾਨ ਜਾਰੀ ਕੀਤੇ ਹਨ। ਪਰ ਇਹਨਾਂ ਪੰਜਾਂ ਨੇ ਆਪਣੇ ਫਤਵੇ ਵਿਚ ਮੈਨੂੰ
ਗੁਰੂਦੁਆਰਾ ਸਾਹਿਬ ਦੇ ਇਲੈਕਸ਼ਨ ਵਿੱਚ ਹਿੱਸਾ ਲੈਣ ਯਾ ਨਾਂ ਲੈਣ ਬਾਰੇ ਇਕ ਵੀ ਸ਼ਬਦ ਨਹੀਂ
ਲਿਖਿਆ।
ਪਰ ਹੁਣ ਪੈਸਿਆਂ ਦੀ ਜਗ੍ਹਾ 'ਤੇ ਮੇਰਾ 16/6/2014 ਵਾਲਾ ਨੋਟਿਸ
ਮਿਲਣ ਉਪ੍ਰੰਤ, ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ਨੇ ਆਪਣੇ ਪੀ. ਏ. ਰਾਹੀਂ, ਜੋ ਕਿ ਰਿਸ਼ਤੇ
ਵਿਚ ਜਥੇਦਾਰ ਦਾ ਆਪਣਾ ਬੇਟਾ ਹੈ, ਸ੍ਰੀ ਅਕਾਲ ਤੱਖਤ ਸਾਹਿਬ ਦੀ ਲੈਟਰਪੈਡ ਤੇ ਮਿਤੀ
17/6/2014 ਨੂੰ ਇਕ ਹੋਰ ਪੱਤਰ ਜਾਰੀ ਕੀਤਾ ਗਿਆ ਹੈ, ਜਿਸ ਵਿਚ ਮੈਨੂੰ ਗੁਰੂਦੁਆਰਾ
ਸਾਹਿਬ ਦੀ ਕਮੇਟੀ ਵਿਚ ਕਿਸੇ ਵੀ ਅਹੁਦੇ 'ਤੇ ਨਾ ਰਹਿਣ ਦੀ ਤਾਕੀਦ ਕੀਤੀ ਗਈ ਹੈ।
ਇਸ ਪੱਤਰ ਤੋਂ ਹੁਣ ਇਹ ਬਿਲਕੁਲ ਸਾਫ ਹੋ ਗਿਆ ਹੈ ਕਿ ਇਹਨਾਂ ਨੇ ਇਹ
ਫਤਵਾ ਸਿਰਫ ਮੈਨੂੰ ਗੁਰੂਦੁਆਰਾ ਸਾਹਿਬ ਦੇ ਇਲ਼ੈਕਸ਼ਨ ਤੋਂ ਬਾਹਰ ਰੱਖਣ ਲਈ ਜਾਰੀ ਕੀਤਾ ਹੈ।
ਸਬੂਤ ਦੇ ਤੌਰ 'ਤੇ ਉਪ੍ਰੋਕਤ ਫਤਵੇ ਅਤੇ ਪੱਤਰ ਦੀਆਂ ਕਾਪੀਆਂ ਮੈ ਇਥੇ ਨਾਲ ਲਗਾ ਰਿਹਾ
ਹਾਂ।
ਗੁਰੂ ਪੰਥ ਦਾ ਦਾਸ: ਡਾ. ਹਰਮਿੰਦਰ ਸਿੰਘ, ਬੰਗਲੌਰ
Dr. Harminder Singh, Editor,
Khalsa Bulletin, Bangalore
Date: 19/6/2014 Email:
khalsabulletin@gmail.com, Ph: 94484 64491
ਟਿੱਪਣੀ: ਡਾ. ਹਰਮਿੰਦਰ ਸਿੰਘ
ਜੀ, ਆਪ ਜੀ ਨੇ ਜੋ ਕੁੱਝ ਪਿਛਲੇ ਸਮੇਂ 'ਚ ਕਰ ਲਿਆ ਉਸ ਨੂੰ ਨਾ ਦੁਹਰਾਇਆ ਜਾਵੇ। ਇਨ੍ਹਾਂ
ਅਖੌਤੀ ਜਥੇਦਾਰਾਂ ਦੇ ਫਤਵਿਆਂ ਨੂੰ ਕੋਈ ਬੁੱਕਤ ਨਾ ਦਿਓ ਅਤੇ ਅਦਾਲਤ 'ਚ ਚੈਲੰਜ ਕਰੋ,
ਜਿੱਥੇ ਇਨ੍ਹਾਂ ਦੇ ਫ਼ਤਵਿਆਂ ਦੀ ਫ਼ੂਕ ਬਹੁਤ ਛੇਤੀ ਨਿਕਲ ਜਾਣੀ ਹੈ। ਦਲੇਰੀ ਨਾਲ ਸਿੱਖੀ
ਸਿਧਾਂਤਾਂ 'ਤੇ ਖੜੋ ਕੇ, ਇਨ੍ਹਾਂ ਦਾ ਮੂੰਹ ਤੋੜ ਜਵਾਬ ਦਿਓ, ਤਾਂਕਿ ਇਹ ਫ਼ਤਵੇ ਦੇਣ ਤੋਂ
ਪਹਿਲਾਂ ਦੋ ਵਾਰੀ ਸੋਚਣ। ਬਾਕੀ ਆਪ ਜੀ ਦੀ ਮਰਜ਼ੀ ਹੈ, ਜ਼ਮੀਰ
ਮਾਰ ਕੇ ਲੰਮੇ ਪੈਕੇ ਜ਼ਿੰਦਗੀ ਗੁਜ਼ਾਰਨੀ ਹੈ,
ਜਾਂ ਸਿੱਖੀ ਸਿਧਾਂਤਾਂ ਮੁਤਾਬਿਕ ਸਿਰ ਚੁੱਕ ਕੇ ਜਿਊਣਾ ਹੈ।
ਸੰਪਾਦਕ ਖ਼ਾਲਸਾ ਨਿਊਜ਼
