ਚੰਡੀਗੜ੍ਹ,
11 ਜੁਲਾਈ : ਹਰਿਆਣਾ ਦੀ ਭੁਪਿੰਦਰ ਸਿੰਘ ਹੁੱਡਾ ਦੀ ਅਗਵਾਈ ਵਾਲੀ ਕਾਂਗਰਸ ਸਰਕਾਰ ਵਲੋਂ
ਅੱਜ ਵਿਧਾਨ ਸਭਾ
'ਚ ਵੱਖਰੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦਾ ਹਰਿਆਣਾ
ਸਿੱਖ ਗੁਰੂਦਵਾਰਾ (ਮੈਨੇਜਮੈਂਟ)
ਬਿਲ 2014 ਵਿਰੋਧੀ ਧਿਰ ਇਨੈਲੋ-ਬੀਜੇਪੀ ਦੇ ਸਖਤ ਵਿਰੋਧ ਤੇ ਵਾਕਆਊਟ ਦੇ ਬਾਵਜੂਦ ਪਾਸ ਕਰ
ਦਿਤਾ ਗਿਆ।
ਅੱਜ ਹਰਿਆਣਾ ਵਿਧਾਨ ਸਭਾ ਸੈਸ਼ਨ ਦੇ ਸ਼ੁਰੂ ਹੁੰਦਿਆਂ ਸਭ ਤੋਂ ਪਹਿਲਾਂ
ਵਿਛੜੀਆਂ ਸ਼ਖਸੀਅਤਾਂ ਨੂੰ ਸ਼ਰਧਾਂਜਲੀ ਦਿਤੀ ਗਈ ਤੇ ਫਿਰ ਸੈਸ਼ਨ ਮੁਲਤਵੀ ਕਰ ਦਿਤਾ ਗਿਆ।
ਵਿਧਾਨ ਸਭਾ ਸੈਸ਼ਨ ਮੁੜ ਸ਼ੁਰੂ ਹੋਣ 'ਤੇ ਹਰਿਆਣਾ ਵੱਖਰੀ ਕਮੇਟੀ ਦਾ ਬਿਲ ਹਰਿਆਣਾ ਦੇ
ਕੈਬਨਟ ਮੰਤਰੀ ਸੁਰਜੇਵਾਲਾ ਨੇ ਠੀਕ 4.20 ਮਿੰਟ ਤੇ ਪੇਸ਼ ਕੀਤਾ, ਜਿਸ ਤੇ ਵਿਰੋਧੀ ਧਿਰ
ਇਨੈਲੋ ਤੇ ਬੀਜੇਪੀ ਦੇ ਵਿਧਾਇਕਾਂ ਨੇ ਸਖਤ ਵਿਰੋਧ ਕੀਤਾ ਤੇ ਇਸ ਨੂੰ ਸਿੱਖ ਭਾਈਚਾਰੇ ਦੇ
ਧਾਰਮਕ ਮਾਮਲਿਆਂ 'ਚ ਦਖਲ ਕਰਾਰ ਦਿਤਾ।
ਇਸ ਦੌਰਾਨ ਬਿਲ ਤੇ ਬਹਿਸ
'ਚ ਹਿੱਸਾ ਲੈਂਦਿਆਂ ਇਨੈਲੋ ਆਗੂ ਚੌਧਰੀ
ਅਭੈ ਚੌਟਾਲਾ ਨੇ ਕਿਹਾ ਕਿ ਇਹ ਬਿਲ ਸਿੱਧੇ ਤੌਰ ਤੇ ਸਿੱਖ ਭਾਈਚਾਰੇ ਦੇ ਧਾਰਮਕ ਮਸਲਿਆਂ
'ਚ ਕਾਂਗਰਸ ਪਾਰਟੀ ਦਾ ਦਖਲ ਹੈ, ਜਿਸ ਨੂੰ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।
ਹੁੱਡਾ ਸਰਕਾਰ ਨੂੰ ਸਿੱਖਾਂ ਨਾਲ ਕੋਈ ਲੈਣਾ ਦੇਣਾ ਨਹੀਂ ਹੈ ਤੇ
ਸਿਰਫ ਤੇ ਸਿਰਫ ਵਿਧਾਨ ਸਭਾ ਚੋਣਾਂ ਦੀ ਖਾਤਰ ਸਿੱਖਾਂ
'ਚ ਪਾੜ ਪਾਉਣ ਵਾਲਾ ਕੰਮ ਕੀਤਾ ਜਾ
ਰਿਹਾ ਹੈ। ਚੌਟਾਲਾ ਨੇ ਕਿਹਾ ਕਿ ਜੇਕਰ ਚੋਣਾਂ ਤੋਂ ਬਾਦ ਇਨੈਲੋ ਸੱਤਾ
'ਚ ਆਈ ਤਾਂ ਇਸ ਬਿਲ
ਨੂੰ ਤੁਰੰਤ ਵਾਪਸ ਲੈ ਲਿਆ ਜਾਵੇਗਾ। ਵਿਰੋਧ ਜਤਾਉਣ ਉਪਰੰਤ ਇਨੈਲੋ ਤੇ ਬੀਜੇਪੀ ਵਿਧਾਇਕਾਂ
ਨੇ ਹਾਊਸ ਚੋ ਵਾਕਆਊਟ ਕਰ ਦਿਤਾ ਤੇ ਇਸ ਦੌਰਾਨ ਹਰਿਆਣਾ ਦੀ ਕਾਂਗਰਸ ਸਰਕਾਰ ਵਲੋਂ ਇਹ ਬਿਲ
ਪਾਸ ਕਰਵਾ ਲਿਆ ਗਿਆ।
ਹੁਣ ਇਸ ਬਿਲ ਨੂੰ ਹਰਿਆਣਾ ਦੇ ਗਵਰਨਰ ਕੋਲ ਪ੍ਰਵਾਨਗੀ ਲਈ ਭੇਜਿਆ
ਜਾਵੇਗਾ। ਇਸ ਦੌਰਾਨ ਵਿਧਾਨ ਸਭਾ ਦੀ ਸਪੀਕਰ ਗੈਲਰੀ
'ਚ ਪੰਜਾਬ ਕਾਂਗਰਸ ਪ੍ਰਧਾਨ ਪ੍ਰਤਾਪ
ਸਿੰਘ ਬਾਜਵਾ, ਜਗਦੀਸ਼ ਝੀਂਡਾ ਤੇ ਦੀਦਾਰ ਨਲਵੀ ਵੀ ਵਿਧਾਨ ਸਭਾ ਦੀ ਸਪੀਕਰ ਗੈਲਰੀ
'ਚ ਮੌਜੂਦ ਸਨ। ਦੂਜੇ ਪਾਸੇ ਐਸ ਜੀ ਪੀ ਸੀ ਪ੍ਰਧਾਨ ਅਵਤਾਰ ਸਿੰਘ ਮੱਕੜ ਦੀ ਅਗਵਾਈ
'ਚ ਪੰਚਕੂਲਾ
ਦੇ ਗੁਰਦੁਆਰਾ ਨਾਡਾ ਸਾਹਿਬ ਵਿਖੇ
ਸਿੱਖਾਂ ਵਲੋਂ ਪ੍ਰਦਰਸ਼ਨ ਕੀਤਾ ਗਿਆ।