ਬਰੈਂਪਟਨ
ਨੂੰ ਨਵੀਂ ਸ਼ੁਰੂਆਤ ਦੀ ਲੋੜ : ਕਮਿਊਨਿਟੀ ਐਕਟਿਵਿਸਟ (ਕ੍ਰਿਆਵਾਦੀ) ਅਤੇ ਵਕੀਲ, ਗੁਰਰਤਨ
ਸਿੰਘ ਨੇ ਬਰੈਂਪਟਨ ਦੇ ਵਾਰਡ 9 ਤੇ 10 ਵਿਚੋਂ, ਰੀਜਨਲ ਕਾਊਂਸਲਰ ਦੀ ਦੌੜ ਵਿੱਚ
ਬਰੈਂਪਟਨ, ਓਨਟੈਰੀਓ (ਸਤੰਬਰ 4, 2014):- ਕਮਿਊਨਿਟੀ ਐਕਟਿਵਿਸਟ (ਕ੍ਰਿਆਵਾਦੀ)
ਅਤੇ ਵਕੀਲ, ਗੁਰਰਤਨ ਸਿੰਘ ਨੇ ਬਰੈਂਪਟਨ ਦੇ ਵਾਰਡ 9 ਤੇ 10 ਵਿਚੋਂ, ਰੀਜਨਲ ਕਾਊਂਸਲਰ ਦੇ
ਉਮੀਦਵਾਰ ਵਾਸਤੇ ਅੱਜ ਫਾਈਲ ਕੀਤਾ।
ਪ੍ਰਸਿੱਧ ਵਕੀਲ ਗੁਰਰਤਨ ਸਿੰਘ ਦਾ ਬਰੈਂਪਟਨ ਵਿਚ ਇਸ ਖੇਤਰਵਿਚ ਕੰਮ
ਕਰਨ ਦਾ ਪ੍ਰਭਾਵਸ਼ਾਲੀ ਪਿਛੋਕੜ ਹੈ। ਉਸਨੇ ਨੋਜੁਆਨਾਂ ਨਾਲ ਅਤੇ ਨੌਜੁਆਨਾਂ ਲਈ ਵੱਡੇ
ਪੈਮਾਨੇ ਤੇ ਕੰਮ ਕੀਤਾ ਹੈ, ਪੀ ਏ ਐਮ ਏ (ਪੀਲ ਆਰਟ ਗੈਲਰੀ, ਮਿਊਜ਼ੀਅਮ ਐਂਡ ਆਰਕਾਈਵਜ਼)
ਬਰਾਂਪਟਨ ਦੀ ਮੇਨ ਆਰਟ ਗੈਲਰੀ ਦੇ ਬੋਰਡ ਮੈਂਬਰ ਵਜੋਂ ਤੇ ਇਕ ਵਕੀਲ ਵਜੋਂ ਕੰਮ ਕੀਤਾ ਹੈ।
ਸਿੰਘ ਨੇ ਜੇ.ਡੀ ਅੋਸਗੁੱਡ ਹਾਲ ਲਾਅ ਸਕੂਲ ਤੋਂ 2010 ਵਿਚ ਪ੍ਰਾਪਤ ਕੀਤੀ ਤੇ 2011 ਵਿਚ
ਵਕੀਲ ਬਣਿਆ। ਉਦੋਂ ਤੋਂ ਉਹ ਬਰੈਂਪਟਨ ਵਿਚ ਵਕਾਲਤ ਦੀ ਆਪਣੀ ਪਰੈਕਟਿਸ ਚਲਾ ਰਿਹਾ ਹੈ।
ਗੁਰਰਤਨ ਸਿੰਘ ਨੇ ਦੱਸਿਆ ਕਿ ਉਸ ਦੀ ਸਮਾਜਿਕ ਖੇਤਰਾਂ ਵਿਚ
ਸ਼ਮੂਲੀਅਤ, ਪੜ੍ਹਾਈ ਅਤੇ ਤਜਰਬੇ ਨੇ ਉਸ ਨੂੰ ਕਾਫੀ ਤਜ਼ਰਬਾ ਦਿੱਤਾ ਹੈ।
ਉਨ੍ਹਾਂ ਅੱਗੇ ਕਿਹਾ ਕਿ ਵਾਰਡ 9 ਤੇ 10 ਦੇ ਰੀਜਨਲ ਕਾਊਂਸਲਰ ਵਜੋਂ, ਰਿਹਾਇਸ਼ੀਆਂ ਵਾਸਤੇ
ਅਸਰਦਾਰ ਪ੍ਰਤੀਨਿਧਤਾ ਕਰਨ ਦੀ ਲੋੜ ਹੈ।
ਗੁਰਰਤਨ ਨੇ ਕਿਹਾ ਕਿ ਬਰੈਂਪਟਨ ਨੂੰ ਬੇਹਤਰ ਬਨਾਉਣ ਵਾਸਤੇ, ਮੈਂ ਉਹੀ ਹੁਨਰ ਵਰਤਾਂਗਾ ਜੋ
ਮੈਂ ਆਪਣੇ ਕਲਾਇੰਟਾਂ ਵਾਸਤੇ ਵਰਤਦਾ ਹਾਂ।
“ਸਿਟੀ ਹਾਲ ਨੂੰ ਨਵੀਂ ਸ਼ਕਤੀ ਤੇ ਪ੍ਰਤੀਨਿਧਤਾ ਦੀ ਲੋੜ ਹੈ,”
ਗੁਰਰਤਨ ਸਿੰਘ ਨੇ ਕਿਹਾ। “ਕੁਲ ਮਿਲਾ ਕੇ, ਇਕੋ ਵਰਗ ਦੇ ਲੋਕ ਮਿਲ ਕੇ, ਜਿਹਨਾਂ ਵਿਚੋਂ
ਕੁਝ ਦੋ ਦਹਾਕਿਆਂ ਤੋਂ ਵੀ ਵੱਧ ਚੁਣੇ ਜਾ ਰਹੇ ਹਨ, ਉਹ ਬਰੈਂਪਟਨ ਦੀ ਪ੍ਰਤੀਨਿਧਤਾ ਕਰ ਰਹੇ
ਹਨ।”
“ਸਿਟੀ ਹਾਲ ਖਿੰਡਿਆ ਹੋਇਆ ਹੈ,” ਸਿੰਘ ਨੇ ਪ੍ਰਗਟਾਇਆ। “ਸਾਡੇ
ਮੋਜੂਦਾ ਕਾਊਂਸਲ ਵਿਚੋਂ ਵਧੇਰੇ ਕਮਿਊਨਿਟੀ ਦੀ ਪ੍ਰਤੀਨਿਧਤਾ ਨਹੀਂ ਕਰਦੇ, ਉਹਨਾਂ ਦੇ
ਜਵਾਬਦੇਹੀ ਤੇ ਪਾਰਦਰਸ਼ਤਾ ਨੂੰ ਲੈ ਕੇ ਵੱਡੇ ਮਸਲੇ ਹਨ, ਤੇ ਉਹ ਸ਼ਹਿਰ ਨੂੰ ਰਹਿਣ ਯੋਗ
ਬਨਾਉਣ ਵਿਚ ਕੰਮ ਨਹੀਂ ਕਰ ਰਹੇ।”
ਪਿਛਲੇ ਸਾਲ, ਬਰੈਂਪਟਨ ਪਰੈਸ ਦੇ ਵਿਚ ਕਾਫੀ ਨਕਾਰਾਤਮਕ ਸੁਰਖੀਆਂ
ਵਿਚ ਰਿਹਾ ਹੈ, ਸਿਟੀ ਕਾਊਂਸਲ ਦੇ ਖਰਚਿਆਂ ਦੇ ਸਕੈਂਡਲ ਨੂੰ ਲੈ ਕੇ। “ਸਿਟੀ ਹਾਲ ਦੇ ਮਸਲੇ
ਜਵਾਬਦੇਹੀ ਤੇ ਪਾਰਦਰਸ਼ਤਾ ਵਿਚ ਕਮੀ ਹੀ ਨਹੀਂ ਉਸ ਤੋਂ ਵੱਡੇ ਹਨ,” ਸਿੰਘ ਨੇ ਕਿਹਾ।
“ਸਿਰਫ ਸਿਟੀ ਕਾਊਂਸਲ ਵਿਚ ਹੀ ਖਰਾਬੀਆਂ ਨਹੀਂ, ਸਗੋਂ ਸਾਰੇ ਸ਼ਹਿਰ
ਦੀ ਹਾਲਤ ਵੀ ਖਰਾਬ ਹੈ, ਤੇ ਸਾਨੂੰ ਇਸ ਨੂੰ ਠੀਕ ਕਰਨ ਵਾਸਤੇ ਨਵੇਂ ਸਿਰਿਉਂ ਕੰਮ ਕਰਨ ਦੀ
ਲੋੜ ਹੈ,” ਗੁਰਰਤਨ ਸਿੰਘ ਨੇ ਕਿਹਾ।