Main News Page

ਨਵੀਂ ਦਿੱਲੀ (17 ਸਤੰਬਰ, 2014): ਸਿੱਖਾਂ ਨੂੰ ਉਨ੍ਹਾਂ ਦੀ ਨਿਵੇਕਲੀ ਪਛਾਣ ਅਤੇ ਪਛਾਣ ਕਰਕੇ ਕਈ ਔਕੜਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਚਾਹੇ ਉਹ ਹਵਾਈ ਸਫਰ ਦੇ ਮਾਮਲਾ ਹੋਵੇ ਜਾਂ ਕਿਸੇ ਨੌਕਰੀ ਪੇਸ਼ਾ ਵਾਲੀ ਜਗ੍ਹਾਂ ਜਾਂ ਫਿਰ ਖੇਡ ਦਾ ਮੈਦਾਨ। ਬਾਸਕਟਬਾਲ ਦੀ ਕੌਮਾਂਤਰੀ ਸੰਸਥਾ ਨੇ ਫੀਬਾ ਨੇ ਵੀ ਸਿੱਖ ਖਿਡਾਰੀਆਂ ਨੂੰ ਪਟਕਾ ਜਾਂ ਛੋਟੀ ਸਦਤਾਰ ਬੰਨ ਕੇ ਖੇਡਣ ਦੇਣ ‘ਤੇ ਪਾਬੰਦੀ ਲਾਈ ਹੋਈ ਸੀ।

ਪਰ ਪਿਛਲੇੁ ਸਮੇਂ ਅੰਦਰ ਫੀਬਾ FIBA* ਵੱਲੋਂ ਸਿੱਖ ਖਿਡਾਰੀਆਂ ਨੂੰ ਪਟਕਾ ਬੰਨ ਕੇ ਨਾ ਖੇਡਣ ਦੇਣ ਵਿਰੁੱਧ ਉੱਠੀਆਂ ਅਵਾਜ਼ਾ ਦੇ ਮੱਦੇਨਜ਼ਰ ਫੀਬਾ ਨੇ ਟਰਾਇਲ ਦੇ ਤੌਰ ‘ਤੇ ਦੋ ਸਾਲਾਂ ਲਈ ਸਿੱਖ ਖਿਡਾਰੀਆਂ ਨੂੰ ਪਟਕਾ ਬੰਨ ਕੇ ਖੇਡਣ ਦੀ ਆਰਜ਼ੀ ਇਜ਼ਾਜ਼ਤ ਦਿੱਤੀ ਹੇ।

ਫੀਬਾ ਵੱਲੋਂ ਸਰਕੂਲਰ ਜਾਰੀ ਕਰਕੇ ਜਾਣਕਾਰੀ ਦਿੱਤੀ ਗਈ ਹੈ ਕਿ ਸਿੱਖਾਂ ਤੇ ਮੁਸਲਿਮ ਖਿਡਾਰੀਆਂ ਦੇ ਹੱਕ ‘ਚ ਵੱਡੀ ਗਿਣਤੀ ‘ਚ ਉਠ ਰਹੀਆਂ ਆਵਾਜਾਂ ਦੇ ਮੱਦੇਨਜ਼ਰ ਪਟਕਾ ਬੰਨ ਕੇ ਖੇਡਨ ‘ਤੇ ਲਾਈ ਪਾਬੰਦੀ ਨੂੰ 2 ਵਰ੍ਹੇ ਤੱਕ ਲਈ ਟਾਲ ਦਿੱਤਾ ਗਿਆ ਹੈ।

ਉਕਤ ਮਸਲੇ ਬਾਰੇ ਕਾਫੀ ਦੇਰ ਤੋਂ ਮੰਗ ਕੀਤੀ ਜਾ ਰਹੀ ਸੀ ਅਤੇ ਸਿੱਖਾਂ ਦੀਆਂ ਭਾਵਨਾਵਾਂ ਦੇ ਮੱਦੇਨਜ਼ਰ ਹੀ ਪਟਕਾ ਬੰਨ ਕੇ ਖੇਡਨ ਦੀ ਪਾਬੰਦੀ ਨੂੰ ਟਾਲਿਆ ਗਿਆ ਹੈ।

ਦੱਸਣਯੋਗ ਹੈ ਕਿ ਬੀਤੇ ਦਿਨੀਂ ਚੀਨ ਸ਼ਹਿਰ ਦੇ ਬੁਹਾਨ ਵਿਖੇ 23ਵੀਂ ਫੀਬਾ ਏਸ਼ੀਆ ਅੰਡਰ ਬਾਸਕਿਟ ਬਾਲ ਚੈਂਪੀਅਨਸ਼ਿਪ ‘ਚ ਭਾਰਤੀ ਸਿੱਖ ਖਿਡਾਰੀ ਨੂੰ ਸਿਰ ਤੋਂ ਪਟਕਾ ਉਤਰਵਾ ਕੇ ਖੇਡਣ ਲਈ ਮਜਬੂਰ ਕੀਤੇ ਜਾਣ ਤੋਂ ਬਾਅਦ ਦੇਸ਼ ਵਿਦੇਸ਼ ਦੇ ਸਿੱਖਾਂ ਵੱਲੋਂ ਭਾਰੀ ਰੋਸ ਦਾ ਪ੍ਰਗਟਾਵਾ ਕੀਤਾ ਗਿਆ ਸੀ।

Note: *The International Basketball Federation, more commonly known as FIBA, FIBA World, or FIBA International (/ˈfiːbə/ FEE-bə), from its French name Fédération Internationale de Basket-ball, is an association of national organizations which governs international competition in basketball. Originally known as the Fédération Internationale de Basket-ball Amateur (hence FIBA), in 1989 it dropped the word Amateur from its official name but retained the acronym; the "BA" now represents the first two letters of basketball.