ਗੁਰਮਤਿ ਗਿਆਨ ਮਿਸ਼ਨਰੀ ਕਾਲਜ, ਪੰਜਾਬੀ ਬਾਗ, ਜਵੱਦੀ, ਲੁਧਿਆਣਾ
ਪਿਛਲੇ ਲੱਗਭਗ ਅਠਾਰਾਂ ਸਾਲਾਂ ਤੋਂ ਧਾਰਮਿਕ, ਵਿਦਿਅਕ ਅਤੇ ਸਮਾਜਕ ਖੇਤਰ ਵਿੱਚ ਪੰਥ ਅਤੇ
ਸਮਾਜ ਦੀ ਸੇਵਾ ਲਈ ਤੱਤਪਰ ਹੈ। ਜੰਮੂ-ਕਸ਼ਮੀਰ
ਵਿਚ ਆਏ ਹੜ੍ਹਾਂ ਕਾਰਨ ਬੇਘਰ ਹੋਏ ਲੱਖਾਂ ਲੋਕਾਂ ਦੀ ਬਰਬਾਦੀ ਅਤੇ ਉਹਨਾਂ ਦੇ ਦਰਦ ਨੂੰ
ਸਮਝਦਿਆਂ ਹੋਇਆਂ ਗੁਰਮਤਿ ਗਿਆਨ ਮਿਸ਼ਨਰੀ ਕਾਲਜ ਨੇ ਦੇਸ਼-ਵਿਦੇਸ਼ ਦੀਆਂ ਸੰਗਤਾਂ ਨੂੰ ਇਸ ਔਖੀ
ਘੜੀ ਦੋਰਾਨ ਹੜ੍ਹ ਪੀੜਤਾਂ ਦੀ ਸਹਾਇਤਾ ਕਰਨ ਲਈ ਆਵਾਜ਼ ਮਾਰੀ ਤੇ ਸੰਗਤਾਂ ਨੇ ਇਸ ਸ਼ਲਾਘਾ
ਯੋਗ ਉੱਦਮ ਲਈ ਭਰਪੂਰ ਸਹਿਯੋਗ ਦਿੱਤਾ।
ਮਿਤੀ 16/09/2014 ਨੂੰ ਇਸ
ਰਾਹਤ ਸਮੱਗਰੀ ਦੀ ਪਹਿਲੀ ਖੇਪ ਟਰੱਕ ਰਾਂਹੀ ਭੇਜੀ ਗਈ ਜਿਸ ਵਿੱਚ ਕੰਬਲ, ਦਵਾਈਆਂ, ਸ਼ਾਲਾਂ,
ਚਾਦਰਾਂ, ਦਾਲਾਂ, ਬਿਸਕੁੱਟ, ਚਾਵਲ ਅਤੇ ਹੋਰ ਖਾਣ-ਪੀਣ ਤੇ ਲੋੜੀਂਦੀਆਂ ਵਸਤਾਂ ਭੇਜੀਆਂ
ਗਈਆਂ। ਰਾਣਾ ਇੰਦਰ ਸਿੰਘ ਚੇਅਰਮੈਨ, ਸ੍ਰ: ਪ੍ਰਭਸ਼ਰਨ ਸਿੰਘ ਡਾਇਰੈਕਟਰ, ਪ੍ਰਿੰਸੀਪਲ
ਗੁਰਬਚਨ ਸਿੰਘ ਪੰਨਵਾ, ਭਾਈ ਸੁਖਵਿੰਦਰ ਸਿੰਘ ਦਦੇਹਰ, ਸ੍ਰ: ਭੁਪਿੰਦਰ ਸਿੰਘ (ਬੀ ਐਂਡ ਬੀ
ਇਸਟੇਟ). ਕਾਲਜ ਦਾ ਸਟਾਫ, ਵਿਦਿਆਰਥੀ ਅਤੇ ਹੋਰ ਸੰਗਤਾਂ ਨੇ ਅਰਦਾਸ ਕਰਕੇ ਰਾਹਤ ਸਮੱਗਰੀ
ਦੇ ਟਰੱਕ ਨੂੰ ਜੰਮੂ-ਕਸ਼ਮੀਰ ਲਈ ਤੋਰਿਆ। ਦੇਸ਼-ਵਿਦੇਸ਼ ਦੀਆਂ ਸੰਗਤਾਂ ਵੱਲੋਂ ਸਹਿਯੋਗ ਜਾਰੀ
ਹੈ ਅਤੇ ਰਾਹਤ ਸਮੱਗਰੀ ਅਤੇ ਲੋੜੀਂਦੀਆਂ ਵਸਤਾਂ ਦੀ ਦੂਜੀ ਖੇਪ ਜਲਦੀ ਹੀ ਜੰਮੂ-ਕਸ਼ਮੀਰ
ਭੇਜੀ ਜਾਵੇਗੀ।