ਵਾਸ਼ਿੰਗਟਨ, 30 ਸਤੰਬਰ :
ਡਾ. ਅਮਰਜੀਤ ਸਿੰਘ ਵਲੋਂ ਨਰੇਂਦਰ ਮੋਦੀ ਖਿਲਾਫ
ਵਾਸ਼ਿੰਗਟਨ ਦੇ ਮੈਡੀਸਨ ਸਕੁਯੈਰ ਵਿਖੇ ਦਲੇਰੀ ਭਰੀ ਤਕਰੀਰ ਕੀਤੀ, ਜਿਥੇ ਸਿੱਖਾਂ,
ਮੁਸਲਮਾਨਾਂ, ਇਸਾਈ ਅਤੇ ਹੋਰ ਘੱਟ ਗਿਣਤੀਆਂ ਨੇ ਵੱਧ ਚੱੜ੍ਹ ਕੇ ਹਿੱਸਾ ਲਿਆ ਅਤੇ ਮੋਦੀ
ਦੇ ਖਿਲਾਫ ਸ਼ਾਂਤੀ ਪੂਰਵਕ ਪ੍ਰਦਰਸ਼ਨ ਕੀਤਾ।
ਪਾਠਕਾਂ ਦੀ ਜਾਣਕਾਰੀ ਲਈ ਡਾ. ਅਮਰਜੀਤ ਸਿੰਘ 04 ਅਕਤੂਬਰ 2014
ਨੂੰ ਇੰਡੀਆਨਾ ਵਿਖੇ ਹੋਣ ਵਾਲੀ ਵਿਸ਼ਵ ਸਿੱਖ ਕਾਨਫਰੰਸ 'ਚ ਵੀ ਹਿੱਸਾ ਲੈਣਗੇ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਅਮਰੀਕਾ ‘ਚ ਸੁਆਗਤ ਅਤੇ ਵਿਰੋਧ ਨਿਰੰਤਰ ਜਾਰੀ ਹੈ।
ਜਿੱਥੇ ਅਮਰੀਕਾ ‘ਚ ਵੱਸ ਰਿਹਾ ਹਿੰਦੂ ਭਾਈਚਾਰਾ ਖਾਸ ਕਰਕੇ ਗੁਜਰਾਤੀ ਮੋਦੀ ਨੂੰ ਪਲਕਾਂ
‘ਤੇ ਬਿਠਾ ਰਹੇ ਹਨ, ਉਥੇ ਮੁਸਲਿਮ ਅਤੇ ਸਿੱਖ ਭਾਈਚਾਰੇ ਵੱਲੋਂ ਮੋਦੀ ਦਾ ਡੱਟ ਕੇ ਵਿਰੋਧ
ਕੀਤਾ ਜਾ ਰਿਹਾ ਹੈ।
ਮੰਗਲਵਾਰ ਨੂੰ ਜਦੋਂ ਪ੍ਰਧਾਨ
ਮੰਤਰੀ ਮੋਦੀ ਅਮਰੀਕੀ ਰਾਸ਼ਟਰਪਤੀ ਉਬਾਮਾ ਦੁਆਰਾ ਦਿੱਤੇ ਗਏ ਰਾਤ ਦੇ ਭੋਜਨ ‘ਚ ਸ਼ਾਮਲ ਹੋਣ
ਲਈ ਵਾਈਟ ਹਾਊਸ ਪੁੱਜੇ ਤਾਂ ਉਨ੍ਹਾਂ ਦੇ ਖਿਲਾਫ਼ ਡੱਟ ਕੇ ਵਿਰੋਧ ਵਿਖਾਵਾ ਹੋਇਆ। ਅਮਰੀਕੀ
ਰਾਸ਼ਟਰਪਤੀ ਦੀ ਮੌਜੂਦਗੀ ‘ਚ ਸਿੱਖ ਅਤੇ ਕਸ਼ਮੀਰੀ ਜੱਥੇਬੰਦੀਆਂ ਨਾਲ ਵੱਡੀ ਗਿਣਤੀ ‘ਚ ਜੁੜੇ
ਸਿੱਖਾਂ ਅਤੇ ਮੁਸਲਮਾਨਾਂ ਨੇ ਮੋਦੀ ਵਿਰੁੱਧ ਡੱਟਵੀਂ ਨਾਅਰੇਬਾਜ਼ੀ ਕੀਤੀ। ਇੱਥੇ ਮੋਦੀ ਦੇ
ਸਮਰਥੱਕ ਵੀ ਵੱਡੀ ਗਿਣਤੀ ‘ਚ ਆਏ ਹੋਏ ਸਨ। ਜਿਸ ਕਾਰਨ ਦੋਵੇਂ ਧਿਰਾਂ ਇੱਕ ਦੂਜੇ ਦੇ
ਵਿਰੋਧ ‘ਚ ਸਾਹਮਣੇ ਆ ਗਈਆਂ, ਪ੍ਰੰਤੂ ਪੁਲਿਸ ਨੇ ਬਚਾਅ ਕਰਦਿਆਂ ਮਾਮਲੇ ਨੂੰ ਠੰਡਾ ਕੀਤਾ।
ਇਸਤੋਂ ਪਹਿਲਾਂ ਮੈਡੀਸਨ ਸੁਕਾਇਅਰ ਗਾਰਡਨ ਦੇ ਨੇੜੇ ਵੀ ਮੋਦੀ ਵਿਰੁੱਧ ਜ਼ਬਰਦਸਤ ਰੋਸ
ਮੁਜ਼ਾਹਰਾ ਹੋਇਆ ਅਤੇ ਵਿਖਾਵਾਕਾਰੀਆਂ ਵੱਲੋਂ ਮੋਦੀ ਨੂੰ ਕਾਤਲ ਆਖ਼ਣ ਵਾਲੇ ਪੋਸਟਰਾਂ ਦਾ
ਵੱਡੀ ਗਿਣਤੀ ‘ਚ ਵਿਖਾਵਾ ਕੀਤਾ ਗਿਆ।
