ਇਸ ਕਾਨਫਰੰਸ ਵਿੱਚ
ਨੌਜਵਾਨ ਪ੍ਰਚਾਰਕ ਭਾਈ ਪਰਮਜੀਤ ਸਿੰਘ ਉੱਤਰਾਖੰਡ,
ਜਿਹੜੇ ਆਪਣੀ ਬੇਬਾਕ ਸ਼ੈਲੀ, ਨਿਧੜਕਤਾ ਅਤੇ ਦਲੇਰੀ ਲਈ ਜਾਣੇ ਜਾਂਦੇ ਹਨ, ਜਿਨ੍ਹਾਂ
ਨੇ ਖੜ ਦਿਮਾਗ ਪੱਪੂ ਇਕਬਾਲ ਸਿੰਘ ਪਟਨੇ ਵਾਲੇ ਦਾ ਸਾਹਮਣੇ ਖੜੋ ਕੇ ਵਿਰੋਧ ਕੀਤਾ,
ਬੀਜੇਪੀ ਨੇਤਾ ਦੀ ਸਿੱਖਾਂ ਬਾਰੇ ਟਿੱਪਣੀ ਦਾ ਮੂੰਹ 'ਤੇ ਜਵਾਬ ਦਿੱਤਾ... ਸਿੱਖ
ਸੰਗਤਾਂ, ਖਾਸਕਰ ਨੌਜਵਾਨਾਂ ਦੇ ਸਵਾਲਾਂ ਦੇ ਜਵਾਬ ਸਾਹਮਣੇ ਬੈਠ ਕੇ ਦੇਣ ਲਈ
ਜਾਣੇ ਜਾਂਦੇ ਨੇ... ਇਸ ਕਾਨਫਰੰਸ 'ਚ ਸ਼ਾਮਿਲ ਹੋਣਗੇ।
ਡਾ.
ਅਮਰਜੀਤ ਸਿੰਘ ਵਾਸ਼ਿੰਗਟਨ, ਜਿਹੜੇ ਭਾਰਤ ਵਲੋਂ ਸਿੱਖਾਂ ਨਾਲ ਕੀਤੇ ਜਾ
ਰਹੇ ਧੱਕਿਆਂ ਵਿਰੁੱਧ ਜ਼ੋਰਦਾਰ ਢੰਗ ਨਾਲ ਆਵਾਜ਼ ਉਠਾਉਂਦੇ ਨੇ, ਸਿੱਖਾਂ ਦੇ ਆਪਣੇ
ਵਤਨ ਦੀ ਗਲ ਅਤੇ ਕਾਰਜ ਕਰਦੇ ਨੇ, ਪਿਛਲੇ ਦੋ ਕੁ ਦਿਨ ਪਹਿਲਾਂ ਵੀ ਇਨ੍ਹਾਂ ਨੇ
ਨਰੇਂਦਰ ਮੋਦੀ ਖਿਲਾਫ ਜ਼ੋਰਦਾਰ ਮੁਜ਼ਾਹਰੇ 'ਚ ਹਿੱਸਾ ਲਿਆ ਅਤੇ ਜ਼ਬਰਦਸਤ ਤਕਰੀਰ
ਕੀਤੀ... ਹਾਜ਼ਰੀ ਭਰਨਗੇ।
ਕਰਨਲ ਜੀ.ਬੀ. ਸਿੰਘ ਜਿਹੜੇ
ਕਿ ਅਮਰੀਕਾ ਆਰਮੀ 'ਚੋਂ ਰਿਟਾਇਰ ਹੋਏ ਨੇ... ਇਹ ਅਮਰੀਕਾ ਆਰਮੀ ਦੇ ਪਹਿਲੇ
ਸਾਬਤ ਸੂਰਤ ਆਫੀਸਰ ਸਨ, ਜਿਨ੍ਹਾਂ ਨੇ ਫੌਜ ਵਿੱਚ ਸਿੱਖ ਚਿਨ੍ਹਾਂ ਦੀ ਗੱਲ ਕੀਤੀ
ਅਤੇ ਕਰਕੇ ਦਿਖਾਇਆ। ਇਹ ਬਾਖੂਬ ਲਿਖਾਰੀ ਹਨ ਜਿਨ੍ਹਾਂ ਦੀ ਕਿਤਾਬ "Gandhi
Behind the Mask of Divinity"
'ਅਖੌਤੀ ਮਹਾਤਮਾ' ਗਾਂਧੀ ਦੇ ਪਰਖੱਚੇ ਉੜਾਉਂਦੀ ਹੈ।
ਸ. ਪਾਲ
ਸਿੰਘ ਪੁਰੇਵਾਲ, ਜਿਨ੍ਹਾਂ ਨੇ ਸਿੱਖਾਂ ਦੀ ਵਿਲੱਖਣ ਹੋਂਦ ਦਾ ਪ੍ਰਤੀਕ
ਨਾਨਕਸ਼ਾਹੀ ਕੈਲੰਡਰ ਬਣਾਇਆ, ਜਿਹੜਾ ਕਿ 2003 'ਚ ਸ਼੍ਰੋਮਣੀ ਕਮੇਟੀ ਵਲੋਂ ਵੀ
ਰੀਲੀਜ਼ ਕੀਤਾ, ਦੁਨੀਆ ਭਰ ਦੇ ਸਿੱਖਾਂ ਵਲੋਂ ਭਰਵਾਂ ਹੁੰਗਾਰਾ ਮਿਲਿਆ, ਉਹ ਵੀ
ਇਸ ਕੈਲੰਡਰ ਬਾਰੇ ਸਿੱਖ ਸੰਗਤਾਂ ਨੂੰ ਜਾਣਕਾਰੀ ਦੇਣਗੇ।
ਸ.
ਸਰਬਜੀਤ ਸਿੰਘ ਸੈਕਰਾਮੈਂਟੋ, ਜਿਹੜੇ ਕਿ ਕੈਲੰਡਰ ਮਾਹਿਰ ਹਨ, ੳਹ ਵੀ
ਨਾਨਕਸ਼ਾਹੀ ਕੈਲੰਡਰ ਬਾਰੇ ਚਾਨਣਾ ਪਾਉਣਗੇ।
ਸ. ਕੁਲਦੀਪ ਸਿੰਘ, ਰੇਡਿਓ ਸ਼ੇਰੇ ਪੰਜਾਬ ਦੇ ਸੰਚਾਲਕ,
ਜਿਹੜੇ ਕਿ ਡੇਰਾਵਾਦ ਅਤੇ ਸਿੱਖਾਂ 'ਚ ਪਨਪ ਰਹੇ ਕਰਮਕਾਂਡਾਂ ਖਿਲਾਫ ਜ਼ੋਰਦਾਰ
ਢੰਗ ਨਾਲ ਪੇਸ਼ਕਾਰੀ ਕਰਦੇ ਹਨ, ਉਹ ਵੀ
ਆਪਣੇ ਨਿਵੇਕਲੇ ਅੰਦਾਜ਼ 'ਚ ਸੰਗਤਾਂ ਦੇ
ਰੂਬਰੂ ਹੋਣਗੇ। |