ਇੰਡੀਆਨਾ 12 Oct 2014 (ਦਲਜੀਤ ਸਿੰਘ ਇੰਡੀਆਨਾ):
ਜੋ ਇੰਡਿਆਨਾ ਵਿੱਚ ਵਿਸ਼ਵ ਸਿੱਖ ਕਾਨਫਰੰਸ ਹੋਈ ਹੈ, ਬੜੀ ਸਫਲਤਾ ਪੂਰਬਕ ਸਿਰੇ ਚੜੀ
ਹੈ। ਸਾਨੂੰ ਲੋਕ ਵਾਰ ਵਾਰ ਇਹ ਪੁਛਦੇ ਹਨ, ਕਿ ਭਾਈ ਸਰਬਜੀਤ ਸਿੰਘ
ਧੂੰਦਾ ਕਿਉਂ ਨਹੀਂ ਆਏ?
ਅਸੀਂ ਇਸ ਗੱਲ ਨੂੰ ਤਾਂ ਨਹੀਂ
ਛੇੜਿਆ ਅਤੇ ਨਾ ਕਿਸੇ ਨੂੰ ਉਨ੍ਹਾਂ ਦੇ ਨਾ ਆਉਣ ਬਾਰੇ ਕਿਹਾ, ਕਿਉਂਕਿ ਜੇਕਰ ਅਸੀਂ ਇਸ ਗੱਲ
ਨੂੰ ਲੋਕਾਂ ਵਿੱਚ ਦਸਾਂਗੇ, ਤਾਂ ਇੱਕ ਵਧਿਆ ਪ੍ਰਚਾਰਕ ਦਾ ਨੁਕਸਾਨ ਹੋਵੇਗਾ। ਭਾਈ
ਸਰਬਜੀਤ ਸਿੰਘ ਧੂੰਦਾ ਦੇ ਖਾਸ ਬੰਦੇ ਨੇ ਇੱਕ ਨਿਉਜ਼ੀਲੈਂਡ ਦੇ ਰੇਡੀਓ
'ਤੇ ਜੋ ਸਾਡੇ ਪ੍ਰਬੰਧਕਾਂ
ਖਿਲਾਫ਼ ਭੱਦੀ ਸ਼ਬਦਾਵਲੀ ਵਰਤੀ ਗਈ।
ਹੁਣ ਸਾਡੀ ਸਿੱਖ ਸੰਗਤ ਨੂੰ ਬੇਨਤੀ ਹੈ, ਕਿ ਜੇਕਰ ਸੰਗਤਾਂ
ਚਾਹੁੰਦੀਆਂ ਹਨ, ਤਾਂ ਅਸੀਂ ਆਪਣਾ ਪੱਖ ਲਿੱਖ ਕੇ ਸੰਗਤਾਂ ਦੇ ਸਾਹਮਣੇ ਰਖ ਸਕਦੇ।
ਜਿਹਨਾ ਸ਼ਰਤਾਂ ਤਹਿਤ ਪ੍ਰੋਗ੍ਰਾਮ ਵਿੱਚ ਆਉਣ ਤੋਂ ਇਨਕਾਰ ਕੀਤਾ ਗਿਆ:
- ਡਾਕਟਰ ਅਮਰਜੀਤ ਸਿੰਘ
ਵਾਸ਼ਿੰਗਟਨ ਨਾਲ ਸਟੇਜ ਸਾਂਝੀ ਨਹੀਂ ਕਰਨੀ, ਕਿਉਂਕਿ ਓਹ
ਖਾਲਸਾ ਰਾਜ ਦੀ ਗੱਲ ਕਰਦਾ ਹੈ।
- ਸ. ਗੁਰਿੰਦਰ ਸਿੰਘ ਧਨੌਲਾ ਨਾਲ ਸਟੇਜ ਸਾਂਝੀ ਨਹੀਂ ਕਰਨੀ।
- ਸ. ਪਰਮਜੀਤ ਸਿੰਘ ਸਰਨਾ ਨਾਲ ਸਟੇਜ ਸਾਂਝੀ ਨਹੀਂ ਕਰਨੀ।
- ਸ. ਦਲਜੀਤ ਸਿੰਘ ਦਾ ਪ੍ਰਬੰਧਕਾਂ ਵਿਚ ਨਾਮ ਨਹੀਂ ਹੋਣਾ ਚਾਹੀਦਾ।
ਸਾਰੇ ਵਿਦਵਾਨਾਂ ਅਤੇ ਮਿਸ਼ਨਰੀ ਕਾਲਿਜ ਦੇ
ਪ੍ਰਚਾਰਕਾਂ ਨੂੰ ਬੇਨਤੀ ਹੈ, ਓਹ ਮਸ਼ਵਰਾ ਦੇਣ ਕਿ ਸਾਨੂੰ ਇਹ ਗੱਲ ਸੰਗਤ ਦੀ ਕਚਿਹਰੀ ਵਿਚ ਰੱਖਣੀ
ਚਾਹਦੀ ਹੈ ਕਿ ਨਹੀਂ, ਇਸ ਸਾਰੀ ਚਰਚਾ ਨਾਲ ਪ੍ਰਚਾਰਕਾਂ ਦਾ ਨੁਕਸਾਨ ਹੋਵੇਗਾ।
ਆਹ ਜਿਹੜੇ ਬੰਦਿਆਂ ਨੇ ਰੇਡੀਓ ਤੇ ਪ੍ਰਬੰਧਕਾਂ ਵਾਰੇ ਬਕਵਾਸ ਕੀਤਾ ਹੈ, ਇਹ ਲੋਕ ਪ੍ਰਚਾਰਕਾਂ
ਦਾ ਫਾਇਦਾ ਨਹੀਂ, ਨੁਕਸਾਨ ਕਰ ਰਹੇ ਹਨ। ਅਜ ਸ਼ਾਇਦ ਭਾਈ ਸਰਬਜੀਤ
ਸਿੰਘ ਧੂੰਦਾ ਨੂੰ ਲਗਦਾ ਹੋਵੇਗਾ, ਕਿ ਇਹ ਲੋਕ ਧੂੰਦਾ ਦੇ ਹੱਕ ਵਿੱਚ ਹਨ, ਇਹ ਨਹੀਂ। ਇਹ ਲੋਕ
ਧੂੰਦਾ ਦਾ ਨੁਕਸਾਨ ਕਰਨ ਵਾਲੇ ਤਮਾਸ਼ਬੀਨ ਹਨ।
ਅਸੀਂ ਸਰਬਜੀਤ ਸਿੰਘ ਧੂੰਦਾ ਨੂੰ ਚੈਲੰਜ ਕਰਦੇ
ਹਾਂ, ਕਿ ਅਮਰੀਕਾ ਵਿੱਚ ਜਿੱਥੇ ਮਰਜੀ ਸਾਡੇ ਨਾਲ ਸਾਹਮਣੇ ਬੈਠ ਕੇ ਗੱਲ ਕਰਣ ਅਤੇ ਉਸ ਮੀਟਿੰਗ
ਦੀ ਵੀਡੀਓ ਸੰਗਤਾਂ ਦੇ ਸਾਹਮਣੇ ਰਖਾਂਗੇ ਅਤੇ ਸਬੂਤ ਦੇਵਾਂਗਾ, ਕਿ ਸਾਨੂੰ ਕਿਹੜੇ ਦਿਨ ਜਵਾਬ
ਦਿੱਤਾ ਹੈ। ਅਸੀਂ ਫੋਨ 'ਤੇ ਜਾ ਕੇ ਰੇਡੀਓ 'ਤੇ ਗੱਲ ਨਹੀਂ
ਕਰਨੀ, ਸਾਡੇ ਨਾਲ ਟਾਈਮ ਰੱਖ ਲਵੋ, ਡਿਬੇਟ ਦਾ ਖੁੱਲਾ
ਚੈਲੰਜ ਹੈ।
ਅਸੀਂ ਨਹੀਂ ਚਾਹੁੰਦੇ ਸੀ ਵੀ ਇਸ ਵਿਵਾਦ ਕਾਰਨ, ਕਿਸੇ ਪ੍ਰਚਾਰਕ ਦਾ ਨੁਕਸਾਨ ਹੋਵੇ, ਪਰ ਜੇਕਰ
ਪ੍ਰਚਾਰਕ ਆਪ ਆਕੇ ਰੇਡੀਓ 'ਤੇ ਸਾਡੇ ਪ੍ਰਬੰਧਕਾਂ ਦੇ ਬਾਰੇ ਝੂਠ ਬੋਲਦਾ ਹੈ ਅਤੇ ਹੁਣ ਸਾਡਾ
ਫਰਜ ਹੈ, ਕਿ ਅਸੀਂ ਆਪਣਾ ਪੱਖ ਰਖੀਏ। ਸਾਡੀ
ਗੁਰਮਤਿ ਪ੍ਰਚਾਰ
ਸੋਸਾਇਟੀ ਵਲੋਂ ਸਰਬਜੀਤ ਸਿੰਘ ਧੂੰਦਾ ਨੂੰ ਖੁੱਲਾ ਚੈਲੰਜ... ਸੰਗਤ ਵਿੱਚ ਆਕੇ ਸਾਡੇ
ਨਾਲ ਖੁੱਲੀ ਡਿਬੇਟ ਕਰੇ, ਕਿ ਓਹ ਕਾਨਫਰੰਸ ਵਿੱਚ ਕਿਉਂ ਨਹੀਂ ਆਇਆ ?